Քաղաքականություն

Գերմանիան ու Ֆրանսիան դժգոհ են Մինսկի համաձայնագրերի կյանքի կոչման տեմպերից։ Այս մասին հայտարարել է Գերմանիայի արտգործնախարար Ֆրանկ-Վալտեր Շտայնմայերը Բրատիսլավայում, որտեղ ժամանել է` մասնակցելու ԵՄ ԱԳՆ ղեկավարների ոչ պաշտոնական հանդիպմանը։

Ռուսաստանը և Թուրքիան մտադիր են հուշագիր ստորագրել 1 մլրդ դոլարի ներդրումային հիմնադրամ ստեղծելու մասին G-20 գագաթաժողովի շրջանակում, որը տեղի կունենա սեպտեմբերի 4-5-ը Չինաստանում, հայտարարել է Ուղղակի ներդրումների ռուսական հիմնադրամի ղեկավար Կիրիլ Դմիտրիևը «Ռոսիա-24» հեռուստաալիքին տված հարցազրույցում:

ՌԴ-ում Հայաստանի դեսպան Օլեգ Եսայանը Ռուսաստանի իշխանություններից պարզաբանում է պահանջել Հայաստանի քաղաքացի, վերլուծաբան, «Գլոբալիզացիայի և տարածաշրջանային կենտրոնի» ղեկավար Ստեփան Գրիգորյանին երկրից արտաքսելու դեպքի կապակցությամբ: Այս մասին «Ազատության» հետ զրույցում տեղեկացրեց իշխող Հանրապետական կուսակցության խորհրդարանական խմբակցության քարտուղար Գագիկ Մելիքյանը, պատասխանելով հարցին՝ արդյո՞ք ՌԴ իշխանությունները քաղաքական դրդապատճառներով են արտաքսել հայ քաղաքագետին:

Գերմանացի քաղաքական գործիչ, Գերմանիայի Քրիստոնեա- դեմոկրատական կուսակցության անդամ և գլխավոր քարտուղար, Բունդեսթագի պատգամավոր Փեթեր Թաուբերը հայտարարել է, որ Գերմանիան հետքայլ չի անելու Հայոց ցեղասպանությունը ճանաչող Բունդեսթագի բանաձևից:

Գերմանիայի արտգործնախարար Ֆրանկ-Վալտեր Շտայնմայերն աջակցում է Բունդեսթագի բանաձևին, որում Օսմանյան կայսրությունում հայերի սպանությունները որակվում են «ցեղասպանություն»:

Ռուսական քարոզչությունը, հակաարևմտյան քարոզչությունն ակտիվորեն ներկա է նաև ողջ Եվրոպայում, այդ թվում` Վրաստանում: Դա սպառնալիք է, հայտարարել է Վրաստանի եվրոպական և եվրատլանտյան ինտեգրման հարցերի պետնախարար Դավիթ Բաքրաձեն: Այս մասին հայտնում է «Գրուզիա օնլայնը»:

Գերմանիայի կանցլեր Անգելա Մերկելը հայտնել է իր Քրիստոնեա-դեմոկրատական կուսակցության խորհրդարանական խմբակցության ղեկավար Վոլքեր Քաուդերին, որ չի հեռացնում իրեն Հայոց ցեղասպանությունը ճանաչելու մասին Բունդեսթագի բանաձևից: Ինչպես հաղորդում է «Արմենպրես»-ը` վկայակոչելով Reuters-ը, այս մասին Քաուդերը հայտնել է կուսակցության անդամների հետ հանդիպման ժամանակ:

Ուզբեկստանի նախագահ Իսլամ Քարիմովի իրավահաջորդի անունը կարող է այսօր հայտնի դառնալ, գրում է Reuters-ը:

ՌԴ նախագահ Վլադիմիր Պուտինը հայտարարել է, որ Ռուսաստանն ու ԱՄՆ-ը մոտ են Սիրիայում իրավիճակի վերաբերյալ համաձայնությանը, հայտնում է Bloomberg-ը:

Ռուսաստանը պատրաստ Է աշխատել ԱՄՆ-ի ցանկացած նախագահի հետ, թեեւ երկու թեկնածուներն էլ՝ թե՛ Հիլարի Քլինթոնը, թե՛ Դոնալդ Թրամփը, ընտրություններից առաջ լավ օրինակ չեն տալիս: Այս մասին հայտարարել է ՌԴ-ի նախագահ Վլադիմիր Պուտինը:

«25 տարվա ընթացքում Արցախի ժողովուրդը հստակ գիտակցեց, որ ինքը տեր է կայացրած որոշմանը, այսինքն՝ որպես պետություն՝ Արցախը կայացել է՝ պետությանը բնորոշ իր բոլոր ատրիբուտներով: Վերջին ապրիլյան պատերազմն ապացուցեց, որ Արցախի ժողովուրդը պատրաստ է այսօր էլ ցանկացած արկածախնդրություն ետ մղելու և ավելի ամրացնելու դիրքերը»,- այսօր կառավարության նիստից հետո լրագրողների հետ զրույցում ասաց ՀՀ ԱԳ փոխնախարար Շավարշ Քոչարյանը՝ շնորհավորելով Արցախի Հանրապետության անկախության 25-ամյակի առթիվ:

ՀՀ արտաքին գործերի նախարարությունը շարունակում է զբաղվել քաղաքագետ Ստեփան Գրիգորյանին Ռուսաստան մուտք գործելու արգելանքի հարցով:

Գերմանիայի դաշնային կառավարությունը հերքել է Spiegel պարբերականի տարածած տեղեկությունը, թե իրենք պատրաստվում են պաշտոնական հայտարարություն անել Հայոց ցեղասպանությունը ճանաչող բանաձևից հեռու մնալու վերաբերյալ:

Շոտլանդիան սկսում է լայնամասշտաբ քննարկումներ Մեծ Բրիտանիայի կազմից դուրս գալու վերաբերյալ: Այս մասին, ինչպես հայտնում է Reuters-ը, հայտարարել է Շոտլանդիայի առաջին նախարար Նիկոլա Ստերժենը:

Հայաստանի զինված ուժերի դասալիք զինծառայող է ձերբակալվել Տոբոլսկում, հայտարարել է Տյումենի մարզի դատախազությունը, հայտնում է RIA Novosti-ն:

«Կարծես թե ապրիլյան պատերազմից հետո մի պահ ակտիվացել է, բայց դա կապված է եղել իրադրության կայունացման հետ: Այս պահին ընթանում են որոշակի խորհրդատվություններ, և ես կարծում եմ, որ կողմերը ճշտում են իրենց դիրքորոշումները, ընդհանուր առմամբ, կարծես թե, քաղաքական իրավիճակը, բայց վստահ եմ՝ դա միայն ղարաբաղյան խնդրի հետ չի կապված», – ասաց Ղուլյանը:

Ռուսաստանի և Թուրքիայի միջև չարտերային ավիափոխադրումների արգելքի չեղյալ հայտարարումից հետո Royal Flight ավիաընկերությունը Ռուսաստանից ռուս զբոսաշրջիկներին կհասցնի Անթալիա, RIA Novosti-ին հայտնել է Coral Travel տուրօպերատորի հասարակայնության հետ կապերի ղեկավար Մարինա Մակարկովան:

ԱՄՆ Պետդեպարտամենտը հայտնել է Ռուսաստանի նկատմամբ պատժամիջոցային միջոցառումների ընդլայնման մասին` Ուկրաինայի գործերին միջամտության պատճառով:

ՀՀ արտաքին գործերի նախարար Էդվարդ Նալբանդյանը Պոտսդամում հանդիպել է ԵԱՀԿ Ժողովրդավարական հաստատությունների և մարդու իրավունքների գրասենյակի (ԺՀՄԻԳ) տնօրեն Միխաել Գեորգ Լինկին:

Ուզբեկստանի նախագահ Իսլամ Քարիմովը մահացել է, հայտնում է Reuters գործակալությունը:

Ադրբեջանի Իսմայիլյան շրջանում հորդառատ անձրևները լուրջ վնաս են հասցրել 4 գյուղի, կտրվել է կապը շրջանային կենտրոնի հետ, հայտնում է Trend-ը:

Թուրքիայի արևելյան Վան նահանգում հրաձգություն է տեղի ունեցել «Քրդական աշխատավորական» կուսակցության (PKK) զինյալների և տեղացիների միջև, սպանվել է 3 և վիրավորվել նահանգի 4 բնակիչ, հայտնում է թուրքական Hyrriyet պարբերականը:

ՌԴ ԱԳՆ ղեկավար Սերգեյ Լավրովն Արևմուտքին մեղադրել է երկակի ստանդարտների մեջ` տարբեր երկրներում տեղի ունեցող պետական հեղաշրջումները գնահատելիս տարբեր մոտեցումներ դրսևորելու համար: Այս մասին հայտնում է RIA Novosti-ն:

Ռուսաստանը վերսկսելու է ու զարգացնելու երկխոսությունը Թուրքիայի հետ ահաբեկչության դեմ պայքարում, RIA Novosti-ի հետ զրույցում հայտարարել է ՌԴ ԱԳՆ-ի նոր մարտահրավերների և սպառնալիքների բաժնի վարիչ Իլյա Ռոգաչովը:

ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ Եվրոպան չի կարող պարզապես «դուռը շրխկացնել Ռուսաստանի առաջ»:

Գերմանական Spiegel թերթի տեղեկություններով` Գերմանիայի կառավարությունը պլանավորում է հրապարակավ հեռու մնալ այս տարվա հունիսի 2-ին Գերմանիայի Բունդեսթագի կողմից ընդունված բանաձևից, որը Օսմանյան կայսրությունում հայերի զանգվածային սպանությունները ճանաչում է որպես Ցեղասպանություն:

Թուրքիայում զանգվածային զտումների նոր ալիք է սկսվել: Այն առնչվել է իրավապահ մարմիններին և մի շարք գերատեսչությունների, ներառյալ` կրթության և առողջապահության նախարարությունները, գրում է DW-ն:

Վենեսուելայի ընդդիմությունը պնդում է, որ իրեն հաջողվել է սեպտեմբերի 1-ին Կարակասի փողոցներում մոբիլիզացնել մոտ 1 մլն կողմնակիցների: Պաշտոնական տվյալներ ցուցարարների թվի վերաբերյալ չկան: ԶԼՄ-ները ցուցարարների թիվը ներկայացնում է հարյուր հազարներով, հայտնում է AFP-ն:

ԼՂՀ-ն կայացել է ոչ միայն ի հեճուկս որոշ երկրների ջանքերի և գործողությունների, այլև իբրեւ կենդանի և անհերքելի ապացույց ազգերի ինքնորոշման սկզբունքի կենսունակության և ճշմարտացիության, իբրեւ ապացույց պատմական արդարության չկորցվող էության, որին ցայսօր էլ փորձում են հետեւողականորեն սպառնալ նաեւ ռազմական ուժով:

«Շնորհավորում եմ Արցախի հերոս ժողովրդին, շնորհավորում եմ բոլորիդ Արցախի հանրապետության քառորդ դարյա հոբելյանի առթիվ, ինչպես նաև մեկ անգամ ևս հավաստում Հայոց պետականության ձեռքբերումները ամեն գնով պաշտպանելու մեր անդրդվելի կամքը»,- ասաց Հ. Աբրահամյանը։