«Պարոն Ծառուկյան, մեռնեմ քեզ». Գագիկ Ծառուկյանը Թալինում է
«Եթե ոչ մի բան չփոխվեց, մեղավորը դուք եք»,- այսօր Թալինում նախընտրական քարոզարշավի ժամանակ հայտարարեց «Ծառուկյան» դաշինքի առաջնորդ Գագիկ Ծառուկյանը՝ դիմելով բնակչությանը:
Նա կոչ արեց մարդկանց, որ իրենք որոշեն իրենց ապագայի խնդիրը. «Մարդուն ուշադիր նայում ես, մարդը հուզմունքից աչքերը լցնում է, ջուր ա թափվում աչքերից, հույսով, հավատով սպասում են, ասում են՝ Ծառուկյանը ասեց, գոնե էդ մարդը չի խաբի, կանի: Կեսը ասում են՝ չէ, Ծառուկյանը մինչև վերջ կգնա կամ չի գնա, պայմանավորված է, և այլն: Ա՛յ ձեր ցավը տանեմ, 2015 թիվը ձեր համար ապացույց չէ՞ր: Բայց Ծառուկյանը սիրելով իր ժողովրդին, մտածելով ժողովրդի մասին, ես ինձ թույլ չտվեցի գնալ արյունահեղության»:
Ելույթից հետո Գ. Ծառուկյանին մոտեցան մի շարք մարդիկ՝ իրենց նամակներով և խնդիրներով: Ծառուկյանը վերցրեց նամակները, խոստացավ օգնել: «Պարոն Ծառուկյան, մեռնեմ քեզ»,- բղավեց ներկա կանանցից մեկը:
