Զինված ընդդիմությունը հրաժարվել է մասնակցել Աստանայում Սիրիային նվիրված հանդիպմանը
Զինված ընդդիմությունը չի մասնակցելու Աստանայում Սիրիային նվիրված հանդիպմանը: Այդ մասին ՌԻԱ Նովոստիին հայտնել է պատվիրակության ներկայացուցիչ Ուսամա Աբու Զեյդը:
«Մեր երեկվա հայտարարությունը շատ հստակ էր. զինված խմբավորումները չեն պատրաստվում մասնակցել Աստանա-3-ին, քանի որ առայժմ չեն կատարվում կրակի դադարեցման խոստումները»,-ասել է Աբու Զեյդը, պատասխանելով այն հարցին, թե իրենցից որեւէ մեկը ներկայացված կլինի արդյոք Աստանայի բանակցությունների երրորդ փուլին, որը տեղի է ունենալու մարտի 14-15-ին:
Աստանայի գործընթացի շրջանակներում Սիրիային նվիրված բարձր մակարդակի հերթական միջազգային հանդիպումը կսկսվի մարտի 14-ին:
Ղազախստանի ԱԳ նախարարության տվյալներով՝ մարտի 14-ին պլանավորված են նախնական կոնսուլտացիաներ, մարտի 15-ին կկայանա լիագումար նիստ:
Այդ բանակցությունների երկրորդ փուլի արդյունքը, որը Ղազախստանի մայրաքաղաքում տեղի է ունեցել փետրվարի 15-16-ին, դարձել է վերջնական պայմանավորվածությունը Իրանի, Ռուսաստանի եւ Թուրքայի մասնակցությամբ Սիրիայում զինադադարի գծով
մոնիթորինգային խմբի ստեղծման շուրջ:
Զինված ընդդիմության ներկայացուցիչները մասնակցել են առաջին եւ երկրորդ փուլին: Իր հերթին Սիրիայի կառավարության պատվիրակության ղեկավար Բաշար Ջաաֆարին ՌԻԱ Նովոստիին հավաստել է, որ իրենք մասնակցելու են Աստանա3ին:
