Աշխարհ

Ռումբի մեջ, որը Եգիպտոսի Սինայի թերակղզում դարձավ ռուսական А321 ինքնաթիռի կործանման պատճառ, օգտագործվել է բարձր բեկոտողության (փշրտելու հատկություն ունեցող) պայթուցիկ, որը պատրաստվել է գործարանային պայմաններում:

Նիգերիայի Ննևի քաղաքում տեղակայված Inter Corp Oil limited (LPG Gas Plant) գազային գործարանում տեղի ունեցած պայթյունը խլել է 100 մարդու կյանք, հայտնում է Vanguardngr.com պորտալը:

ԴԱԻՇ ահաբեկչական խմբավորման զինյալները մահապատժի են ենթարկել Իրաքի Էր-Ռամադի քաղաքի 50 բնակիչների, ովքեր եղել են իրենց համախոհները:

ԱՄՆ-ի հարավում մոլեգնող տորնադոները լուրջ ավերածություններ են առաջացրել ու խլել մարդկային կյանքեր, հայտնում է BBC-ի ռուսական ծառայությունը:

Բավական դժվար է հասկանալ, թե ինչ է կատարվում Ադրբեջանում: Երկու օր առաջ հայտնի դարձավ, որ այդ երկիրը ներքաշվել է հերթական ֆինանսական հորձանուտ: Մեկ օրում մոտ 50 տոկոսով արժեզրկվել է մանաթը՝ երկրի ազգային դրամամիջոցը: Դրանից մեկ-երկու օր առաջ Ադրբեջանի ԿԲ-ն հայտարարել էր, որ «անցնում է մանաթի լողացող կուրսի»:

Սիրիական իշխանությունները հայտարարել են իրենց պատրաստակամության մասին՝ մասնակցել Ժնևում կայանալիք բանակցություններին, հայտնում է RIA Novosti-ն՝ հղում կատարելով Սիրիայի ԱԳՆ ղեկավար Վալիդ Մուալեմին:

The Daily Mail պարբերականը հրապարակել է պատերազմի հետևանքով ավերված Սիրիայի մայրաքաղաք Դամասկոսը պատկերող ֆոտոշարք, ինչպես նաև տեսանյութ, որը նկարահանվել է անօդաչու թռչող սարքի միջոցով:

Thomas Cook ու Thomson զբոսաշրջային օպերատորները, որոնք ավելի վաղ հայտարարել էին, որ չեն կազմակերպի չարտերային չվերթեր ու չեն վաճառի զբոսաշրջային փաթեթներ դեպի եգիպտական զբոսավայր մինչև հունվարի 14-ը, այդ ժամկետը երկարեցրել են մինչև մարտի 23-ը:

Ուկրաինայի Գերագույն ռադան երկրորդ ընթերցմամբ ընդունել է օրինագիծ, որը թույլ է տալիս Ուկրաինայի նախարարների կաբինետին տնտեսական պատժամիջոցներ սահմանել Ռուսաստանի դեմ 2016 թվականի հունվարի 1-ից:

Ռուսաստանի արտգործնախարարությունը հայտարարել է, որ Մոսկվան «յուրահատուկ պատասխան» է պատրաստում ԱՄՆ-ի նոր հակառուսական պատժամիջոցներին ի պատասխան, հայտնում է RIA Novosti-ն:

ՌԴ ԱԳՆ պաշտոնական ներկայացուցիչ Մարիա Զախարովան այսօր ճեպազրույցի ժամանակ անդրադարձել է դեկտեմբերի 19-ին Բեռնում ԵԱՀԿ Մինսկի խմբի համանախագահների մասնակցությամբ կայացած Հայաստանի ու Ադրբեջանի նախագահներ Սերժ Սարգսյանի ու Իլհամ Ալևի հանդիպմանը, հայտնում է APA-ի մոսկովյան թղթակիցը:

ՄԱԿ-ի Գլխավոր ասամբլեան հաստատել է համաշխարհային կազմակերպության 2016-2017 թվականների բյուջեն 5,4 միլիարդ դոլարի սահմաններում, ինչը 2014-2015թթ. համեմատ քիչ է 400 միլիոն դոլարով, հայտնում է TASS-ը:

Բրյուսելում կալանավորվել է Փարիզում այս տարվա նոյեմբերի 13-ին իսլամիստական հարձակումներին առնչություն ունեցող 9-րդ կասկածյալը, հայտնում է BBC-ի ռուսական ծառայությունը:

Կիևում տեղի է ունենում սատկած գյուղական խոզին հրաժեշտ տալու արարողություն, հայտնում է LifeNews-ը: Դագաղում դրված կենդանուն Ուկրաինայի Գերագույն ռադայի մոտ են տարել ցուցարարները, ովքեր վստահ են, որ երկրի 2016 թվականի բյուջեն ագրարային ոլորտը դատապարտում է մահվան:

Ռուսաստանի ու Ֆրանսիայի գլխավոր շտաբների պետեր Վալերի Գերասիմովն ու Պիեռ դե Վիլյեն պայմանավորվել են գլխավոր շտաբների համագործակցությունը միջազգային ահաբեկչության դեմ պայքարում, հայտնում է ntv.ru-ն:

ՄԱԿ-ի Անվտանգության խորհուրդը միաձայն բանաձև է ընդունել, որով իր աջակցությունն է հայտնում Լիբիայի ազգային միասնականության կառավարության ձևավորմանը, հայտնում է TASS-ը:

ԱՄՆ նախագահ Բարաք Օբամայի ադմինիստրացիան մի քանի տարի շարունակ գաղտնի բանակցություններ է վարել Սիրայի իշխանությունների ներկայացուցիչների հետ՝ փորձելով վերջ տալ արնահեղությունն ու ստիպել երկրի նախագահ Բաշար Ասադին հրաժարվել պաշտոնից, գրում է The Wall Street Journal-ը՝ հղում կատարելով ինչպես նախկին, այնպես էլ ներկայիս ամերիկացի ու արաբ պաշտոնյաներին:

Գերմանիայի կանցլեր Անգելա Մերկելը 2015 թվականի հոկտեմբերին հանդիպել է Մեծ Բրիտանիայի հատուկ ծառայությունների ղեկավարների հետ: Այս մասին հայտնում է The Times-ը՝ հղում կատարելով իր աղբյուրներին:

Նվազագույնը 25 մարդ է զոհվել, ավելի քան 100-ն ստացել են վնասվածքներ ու այրվածքներ Ջիզան քաղաքի հիվանդանոցում ծագած հրդեհի հետևանքով, հայտնում է korrespondent.net-ը՝ հղում կատարելով Սաուդյան Արաբիայի քաղաքացիական պաշտպանության գործակալությունը:

Մոնղոլիայի զինված ուժերին պատկանող «Մի-8» ուղղաթիռը կործանվել է երկրի կենտրոնական մասում, ինչի հետևանքով 1 մարդ զոհվել է, 10 մարդ վիրավորվել, հայտնում է «Սինհուա» գործակալությունը՝ հղում կատարելով ռազմական աղբյուրներին:

Վլադիմիր Պուտինի ռեժիմը Ռուսաստանում կփոխվի 10 տարուց ոչ ուշ, BBC-ի հետ զրույցում հայտարարել է ՅՈՒԿՕՍ-ի նախկին ղեկավար Միխայիլ Խոդորկովսկին:

Տեխասի Enterprise Products Partners էներգետիկ ընկերությունը վերջին 40 տարում առաջին անգամ կիրականացնի ամերիկյան նավթի արտահանում, հայտնում է The Wall Street Journal-ը:

Տորնադոները նախօրեին պատուհասել են ԱՄՆ-ի հարավը, ինչի հետևանքով 6 մարդ է զոհվել ու 40-ը տուժել են, հայտնել են տեղի իշխանություններրը:

Ինչպե՞ս կարող է Եվրոպայի անվտանգության և համագործակցության կազմակերպությունում (ԵԱՀԿ) Միացյալ Նահանգների դեսպանը այդքան անտեղյակ լինել՝ իր ելույթում գովաբանելու Թուրքիայի «արժեքավոր» դերակատարությունը Արցախյան հակամարտության կարգավորման ջանքերում:

Հայտնի սուպերմոդել Նաոմի Քեմփբելը վերջերս սկսել է տեղաշարժվել հաշմանդամի սայլակով: Պատճառը կոնքազդրային հոդի վնասվածքն է, հայտնում է R7 պարբերականը

Մոսկվայի 28-ամյա բնակիչ Մարիա Սամոյլովան փախել է ԴԱԻՇ-ի ահաբեկիչների մոտ: Համենայն դեպս, դրանում վստահ է նրա հայրը՝ 51-ամյա Արթուր Մկրտումյանը, ով դստեր անհետացման մասին հայտարարություն է ներկայացրել ոստիկանություն: Այս մասին տեղեկացնում է LifeNews-ը:

Ռուսաստանի պաշտպանության նախարար Սերգեյ Շոյգուն և Հայաստանի պաշտպանության նախարար Սեյրան Օհանյանն այսօր Մոսկվայում ստորագրել են հավաքական անվտանգության Կովկասյան տարածաշրջանում հակաօդային պաշտպանության միացյալ տարածաշրջանային համակարգի ստեղծման մասին:

Իրաքյան զորքերն իրենց վերահսկողության տակ են վերցրել Ռամադի քաղաքի կենտրոնում գտնվող մի քանի թաղամասեր, որոնք ԴԱԻՇ-ի ահաբեկիչները գրավել էին մայիսին:

Թուրքական կայքերի վրա հարձակումների հետևում կանգնած է Ռուսաստանը, հայտնում է Hurriyet-ը՝ հղում կատարելով հատուկ ծառայություններում աղբյուրներին:

ԱՄՆ-ն ընդլայնել է Ռուսաստանի նկատմամբ պատժամիջոցային ցուցակը՝ դրանում ներառելով «Խնայբանկի» ու ВТБ-ի (ՎՏԲ) մի շարք «դուստր» ընկերությունները, ինչպես նաև «Նովիկոմբանկը», Генбанк-ն ու մի շարք այլ ռուսական վարկային կազմակերպություններ, հայտնում է RIA Novosti-ն՝ հղում կատարելով ԱՄՆ արդարադատության նախարարության հաղորդագրությանը: