Բրիտանացի ավիափոխադրողները երկարեցրել են Սինայ թռիչքները չեղյալ հայտարարելու մասին որոշման ժամկետը
Բրիտանացի ավիափոխադրողները երկարեցրել են եգիպտական Շարմ-էլ-Շեյխ թռիչքները սահմանափակելու մասին որոշման ժամկետը, հայտնում է BBC-ն:
Thomas Cook ու Thomson զբոսաշրջային օպերատորները, որոնք ավելի վաղ հայտարարել էին, որ չեն կազմակերպի չարտերային չվերթեր ու չեն վաճառի զբոսաշրջային փաթեթներ դեպի եգիպտական զբոսավայր մինչև հունվարի 14-ը, այդ ժամկետը երկարեցրել են մինչև մարտի 23-ը:
Monarch Airlines ավիաընկերությունն ու EasyJet-ը պլանավորում են թռիչքները վերսկսել հունվարի 25-ին ու փետրվարի 29-ին համապատասխանաբար:
British Airways-ը չեղյալ է հայտարարել բոլոր թռիչքները Շարմ-էլ-Շեյխ մինչև փետրվարի 13-ը:
Դեկտեմբերի սկզբին հայտնի դարձավ, որ Մեծ Բրիտանիայի ավիաընկերությունները չեն վերսկսի թռիչքները Շարմ-էլ-Շեյխ մինչև 2016 թվականի հունվարը:
