Ինչո՞ւ են կանայք ավելի սիրառատ
Ընդունված տեսակետ կա, որ տղամարդիկ ավելի շատ են հակված սեռական հարաբերությունների, քան կանայք։ Սակայն հետազոտության արդյունքները հակառակն են ապացուցում, հաղորդում է Vlad Time-ը։ Բանն այն է, որ կանանց ու տղամարդկանց ուղեղները տարբեր կառուցվածք ունեն։
Տղամարդկանց մոտ զարգացած է ձախ կիսագունդը, որը պատասխանատու է տրամաբանական մտածողության համար։ Դա է պատճառը, որ տղամարդիկ առանց որևէ դժվարության ճիշտ ռազմավարություն են ընտրում, կարողանում են խնդիրը մասերի բաժանել և հաջորդաբար լուծել։
Կանանց մոտ ավելի շատ զարգացած է աջ կիսագունդը, որը պատասխանատու է զգացմունքայնության համար։ Այդ է պատճառը, որ կանայք ավելի լավ են հասկանում մարդկանց, ավելի լավ հոգեբաններ են, քան տղամարդիկ։
Ընդ որում, բնությունից կանանց ավելի շատ քնքշանք և ջերմություն է պետք, քան տղամարդկանց։
Գիտնականները պնդում են, որ արական սեռի ներկայացուցիչների մոտ ուրախության հորմոնը` սերոտոնինը, երկու անգամ ավելի շատ է արտադրվում։ Մասնավորապես, դրանով է բացատրվում այն, որ սեքսի մեջ կանանց անհրաժեշտ է երկու անգամ ավելի ուժեղ զգացողություններ ունենալ։
Այսպիսով,երջանիկ զգալու համար կանանց անհրաժեշտ է ոչ միայն շատ սեքս, այլև շատ սեր և հոգատարություն։
