Մենք պատրաստ ենք ընդդիմության հետ բանակցությունների. Սիրիայի ԱԳՆ
Սիրիական իշխանությունները հայտարարել են իրենց պատրաստակամության մասին՝ մասնակցել Ժնևում կայանալիք բանակցություններին, հայտնում է RIA Novosti-ն՝ հղում կատարելով Սիրիայի ԱԳՆ ղեկավար Վալիդ Մուալեմին:
Նրա խոսքով՝ Դամասկոսը իր պատվիրակությանը կներկայացնի այն բանից հետո, երբ նրան ցույց տան ընդդիմության ներկայացուցիչների ցուցակը:
Ինչպես սպասվում է, Սիրիայի հարցով բանակցությունները կարող են շարունակվել Ժնևում հունվարին ՄԱԿ-ի մասնակցությամբ: Մինչ այդ, սիրիական իշխանությունները հանդես են գալիս առանց միջնորդների երկխոսության օգտին:
«Մենք պատրաստ ենք մասնակցել Ժնևում երկխոսության ու մենք հանդես ենք գալիս այն բանի օգտին, որ այն անցկացվի առանց միջնորդների»,- հայտարարել է Մուալեմը:
