Բայց Երևանում անկասկած պետք է մնա նաև Լենինգրադյան փողոցը՝ որպես ֆաշիզմի ու նացիզմի դեմ անկոտրուն պայքարի խորհրդանիշ․ Շարմազանով
Էդուարդ Շարմազանովը ֆեյսբուքյան իր էջում գրել է․
«Երևանում պետք է լինի ոչ միայն Լենինգրադյան փողոց,այլ նաև անհրաժեշտ է ունենալ Ստալինգրադյան փողոց ՝ ի պատիվ Մեծ Հայրենականի հայ հերոսների։
Տեղեկացա,որ հանրային տիրույթում քննարկվում է անվանափոխել Լենինգրադյան փողոցը ՝վերանվանելով այն Քըրք Քըրքորյան փողոցի։
Քըրք Քըրքորյանը անշուշտ հայ ազգի երևելի զավակներից է։
Քըրք Քըրքորյան փողոց Երևանին անշուշտ անհրաժեշտ է ու այն պետք է լինի մայրաքաղաքի կենտրոնական հատվածում։
Տարբերակները, եթե կարիք լինի,կարող եմ հուշել։
Բայց Երևանում անկասկած պետք է մնա նաև Լենինգրադյան փողոցը՝ որպես ֆաշիզմի ու նացիզմի դեմ անկոտրուն պայքարի խորհրդանիշ։
Ավելին. հարկ է նշել, որ հայ ժողովրդի զավակներ Հովսեփ Օրբելին/Էրմիտաժի ղեկավար/, ԽՍՀՄ ծովակալ Հովհաննես Իսակովն ու ԽՍՀՄ կրկնակի հերոս Նելսոն Ստեփանյանը Լենինգրադի պաշտպանության սիմվոլներից են։
Կարծում եմ, որ անհրաժեշտ է մայրաքաղաքում ունենալ նաև Ստալինգրադի փողոց /եթե դեռ չկա/ ,որը կխորհրդանշի ֆաշիզմի դեմ հաղթանակն ու հայ ժողովրդի փրկությունը հնարավոր թուրքական ներխուժում-հարձակումից։
Անհերքելի փաստ է,որ Ստալինգրադի ճակատանարտի պարտության ելքի արդյունքում թուրքական 750.000-1 մլն զորամիավորումը պատրաստվում էր հարձակվել նաև Հայաստանի վրա։
Թե դրանից հետո ի՞նչ կմնար Հայաստանից,դժվար չէ պատկերացնել։
Հասկանում եմ ,որ որոշ թրքահպատակների դժբախտություն է պատճառել սովետական բանակի հաղթանակը Մեծ Հայրենականում,բայց այդ հաղթանակը նախ ազատխգրեց ողջ Եվրոպան նացիզմից, և նաեւ հայ ժողովրդին հնարավորություն տվեց իր հայրենիքում հզորացնել Հայոց Երկրորդ հանրապետությունը, որը հիմք հանդիսացավ 1991-ի սեպտեմբերի 21-ին հիմնադրել Հայոց Երրորդ Հանրապետությունը»։
