Հարցին՝ ինչպե՞ս է հնարավոր խոսել ոստիկանությունն ապաքաղաքական դարձնելու մասին, երբ, ըստ առաջարկվող օրենսդրական փոփոխությունների, Ներքին գործերի նախարարը կարող է լինել կուսակցական, իսկ ոստիկանապետն էլ պետք է լինի նրա տեղակալը, Գագիկ Համբարձումյանը պատասխանեց. առաջարկված փոփոխությունները ոստիկանությունը քաղաքականացնելուն են միտված, իսկ այդ փոփոխությունների պաշտպանությամբ Ազգային ժողովում հանդես եկած նախկին փոխոստիկանապետ Հովհաննես Քոչարյանին ուղղեց մի շարք հարցեր.
«Վիրտուալ թաղումներով ու դագաղներով իշխանության եկած Փաշինյանի սեգմենտը հիմա խրախճանքի մեջ է, երբ կա իրական թաղում»,- ասաց Զոհրաբյանը՝ ընդգծելով, որ քաղաքական սպանություններ ՀՀ-ում շարունակելու են արձանագրվել, ինչը կանխելու և ատելության քարոզին վերջ տալու համար դիմում է «Քաղաքացիական պայմանագիր» կուսակցության հատուկենտ գիրք կարդացած մարդկանց։
«Բաքվի բռնապետը պատրվակ է փնտրում պատերազմ սկսելու համար: Եթե դա իրականություն է, իսկ ես կարծում եմ, որ իրականություն է, ապա ի՞նչ պետք է անի պետությունը կառավարող վերնախավը, եթե դա պետություն է՝ պատրաստվի պատերազմի, որովհետև եթե խոսքը գնում է պատրվակի մասին, այդ պատրվակը վաղ թե ուշ կգտնվի»,- այս մասին այսօր 168TV-ի «Ռեվյու» հաղորդման ընթացքում ասաց ԵՊՀ իրանագիտության ամբիոնի վարիչ Վարդան Ոսկանյանը՝ խոսելով Ադրբեջանի նախագահի քաղաքականությունից:
«Պետությունը ասում է՝ որպեսզի նա չխոչընդոտի կամ չփախչի, ես վերցնում եմ հսկողության տակ, որպեսզի ապահովեմ ներկայությունը. Դե ապահովե՛ք Արմենի ներկայությունը: Աբսուրդ է»:
168 TV-ի «Ռեվյու» հաղորդաշարի եթերում, ԵՊՀ տնտեսագիտության և կառավարման ֆակուլտետի կառավարման և գործարարության ամբիոնի վարիչ Կառել Խաչատրյանը առանց դատարանի որոշման քաղաքացու բանկային գաղտնիքին տիրապետելու նկրտումը պայմանավորեց գործադիր իշխանության միայն մեկ ցանկությամբ՝ այն է՝ էլ ավելի շատ լծակներ կենտրոնացնել իր ձեռքում։
«Բավականին բուռն և հանգամանալից դատական քննություն տեղի ունեցավ, երկու օր: Մենք մանրամասն անդրադարձանք հիմնավոր կասկածին, հիմնավորեցինք, որ հիմնավոր կասկածի ապացուցողական շեմը ոչ միայն կալանավորման սկզբնական շրջանի համեմատ չի բարձրացել, այլ նվազել է: Անդրադարձանք նաև նախաքննական մարմնի պատշաճ ջանասիրության հարցին, հիմնավորեցինք, որ նախաքննության ընթացքում քննիչն ընդհանրապես պատշաճ ջանասիրություն չի ցուցաբերել»:
Այսօր դատական նիստերի դահլիճում մահացել է պրոդյուսեր Արմեն Գրիգորյանը: Հանրության մի զգալի հատված համարում է, որ Արմեն Գրիգորյանի մահն իշխանությունների գործողությունների հետևանքով արդեն որերորդ մահն է, որովհետև չնայած առողջական խնդիրներին՝ Արմեն Գրիգորյանը շարունակում էր կալանավորված մնալ և չստանալ պատշաճ բուժօգնություն:
«Ես դիմեցի Երևանում Ֆրանսիայի դեսպանատուն, ասացի, որ իրենց պարտականությունն է՝ հարցնել ՀՀ ԱԳՆ-ին, որովհետև, երբ Ֆրանսիայի քաղաքացին այսպիսի ձևով հեռացվում է երկրից, պետք է պատճառ լինի: Հայաստանը Նիկոլ Փաշինյանի տունը չէ, օրենքներ կան, միջազգային օրենքներ կան, պատճառ պետք է լինի քաղաքացուն հեռացնելու համար՝ կամ անձնագիրն է կեղծ, կամ վիզա չունի, կամ խնդիր է երկրի անվտանգության համար, պետք է պատճառ լինի:
168 TV-ի «Ռեվյու» հաղորդաշարի եթերում քաղաքական մեկնաբան Հայկ Խալաթյանն ընդդիմադիր պատգամավորներին բացակայությունների հիմքով մանդատից զրկել ցանկացող «Քաղաքացիական պայմանագիր» կուսակցության պատգամավորներին հարցնում է՝ իսկ երբ ձեր թեկնածու ՍԴ դատավոր Վահե Գրիգորյանը մեկ տարի աշխատանքի չէր գնում, բայց աշխատավարձ և պարգևավճար էր ստանում, նրան ինչո՞ւ իր պաշտոնից հեռացնելու որոշում չկայացրեցիք։
«Ենթադրում եմ՝ Փաշինյանը ոչ բոլոր փաստաթղթերին է տիրապետում, եթե տիրապետեր, դժվար կլիներ խոսել փաստերի դեմ։ Ես հերքում եմ Նիկոլ Փաշինյանի այն հայտարարությունը, թե նախկին նախագահները բանակցել են Արցախն Ադրբեջանի կազմում թողնելու համար»,- ասաց ԱՄՆ-ում ՀՀ նախկին փոխդեսպանը՝ ընդգծելով՝ Նիկոլ Փաշինյանի վարչակազմի դիվանագիտությունն անատամ կմնա այնքան ժամանակ, քանի չկա դիվանագիտության ատամը համարվող ամուր բանակը։
168.am-ի «Ռեվյու» հաղորդաշարի հերթական թողարկման հյուրերն էին պետական դավաճանության գործով օրեր առաջ կալանքից ազատված ՀՀ Զինված ուժերի գումարտակի հրամանատարի տեղակալ Տարոն Կարապետյանը և վերջինիս պաշտպան Ալեքսանդր Կոչուբաևը:
Հանրային ֆինանսների կառավարման միջազգային փորձագետ Վարդան Արամյանը վստահեցնում է՝ թեև Կենտրոնական բանկը նախապատվությունը տալիս է գնաճին և դա այդպես էլ պետք է լիներ, սակայն ակնհայտ է, որ դրամի արժևորումն արտահանող հատվածի համար խնդիրներ է ստեղծում, ուստի հենց այստեղ է, որ գործի պետք է անցնի նաև Կառավարությունը՝ ինչ որ կերպ օժանդակելով տնտեսության արտահանելի հատվածին։
Հուլիսի 1-ին Հայաստանի և Թուրքիայի միջև հարաբերությունների կարգավորման գործընթացի հատուկ ներկայացուցիչներ, Հայաստանի Ազգային ժողովի նախագահի տեղակալ Ռուբեն Ռուբինյանը և դեսպան Սերդար Քըլըչը չորրորդ հանդիպումն են անցկացրել Վիեննայում։
«Նման որոշման կայացումը Պապիկյանի համար դժվար է լինելու, թեև, ես Սուրեն Պապիկյանին համարում եմ Փաշինյանի թիմի ամենաադեկվատ մարդը. ես իմ այդ գնահատականում չեմ սխալվել, եթե կգտնեք այդ թիմում Պապիկյանից ավելի ադեկվատ մեկին, այն ժամանակ ինձ կմեղադրեք»,- ասաց Մովսես Հակոբյանը։
«Նոր Քրդատ օրենսգիրքը կիրառող իրավակիրառը վստահաբար և, ցավոք սրտի, խնդիր ունենալու է: Մի բան է՝ գտնել իրավական խնդիրների արդարացի, հավասարակշռությունը պահպանող լուծումներ, մեկ այլ բան է՝ դրանք կիրառության մեջ դնել: Քրդատ նոր օրենսգիրքն ավելի քան մեկ տասնամյակի պատմություն ունի, 2006թ. վերջին գործընթաց սկսվեց, հետո այն կասեցվեց, ապա վերսկսվեց: Ես աշխատանքային խմբի անդամ եմ եղել 2011-12թթ.-ից»:
Նշված միջնորդությունը ներկայացնելը պայմանավորված էր այն հանգամանքով, որ պարոն Հովսեփյանը դեռևս մայիսի 30-ին վատառողջ լինելու հիմքով տեղափոխվել էր «Միքայելյան» բժշկական հաստատություն: Հունիսի 6-ին Աղվան Հովսեփյանը նաև վիրահատվել է, և նրա մոտ, ի թիվս այլնի, ախտորոշվել է նաև շաքարային դիաբետի 2-րդ տիպ, ինսուլինակախյալ, որը զուգորդված է պոլինևրոպատիայով: Աղվան Հովսեփյանը երկար տարիներ է տառապում շաքարային դիաբետով, ուղղակի այս պահին հիվանդությունը նրա մոտ ունի ծանր ընթացք:
«Օրենքն ասում է՝ Բարձրագույն դատական խորհրդի (ԲԴԽ) նախագահի պաշտոնը թափուր մնալուց հետո 10 օրվա ընթացքում պետք է ընտրվի նոր նախագահ: Ընդ որում, օրենքը նախատեսում է հերթականությամբ դատավոր անդամների և գիտնական անդամների նախագահություն, և քանի որ Ռուբեն Վարդազարյանը դատավոր անդամ էր, հիմա գիտնական անդամի հերթն էր»,- 168.am-ի «Ռեվյու» հաղորդաշարի հերթական թողարկման ընթացքում ասաց Բարձրագույն դատական խորհրդի (ԲԴԽ) անդամ Գրիգոր Բեքմեզյանը՝ անդրադառնալով երեկ ԲԴԽ նախագահի ընտրության գործընթացին, ինչի արդյունքում նախագահ չընտրվեց:
Հուլիսի 5-ը Հայաստանի Սահմանադրության օրն է. թեև պետք է մեր երկրի Սահմանադրության օրը նշեինք լիաթոք հպարտության զգացումով, իրականում լրիվ հակառակն է, որովհետև գիտակցում ես՝ այլևս ինքնիշխան պետություն չունես, տեսնում ես՝ Հայաստանը դարձել է բուտաֆորիկ մի պետություն, որի ներքին գործերին մեկ միջամտում է Թուրքիայի արտգործնախարարը, մյուս դեպքում՝ Ադրբեջանի ղեկավարը. երկուսն էլ՝ թշնամական երկրների ղեկավարներ։ 168 TV-ի «Ռեվյու» հաղորդաշարի եթերում, պատասխանելով հարցին՝ Հայաստանը հիմա ինքնիշխա՞ն պետություն է, ինչն ամրագրված է ՀՀ Սահմանադրությամբ, ասաց թուրքագետ Ռուբեն Մելքոնյանը։
«Փաստացի, այն, ինչ հիմա տեղի է ունենում պառլամենտում, իրավական իմաստով Նիկոլ Փաշինյանի պաշտոնանկության գործընթաց է, որը սկսել է «Քաղաքացիական պայմանագիր» կուսակցությունը: Այսինքն՝ փաստացի ՔՊ 66 պատգամավոր միացել է ընդդիմությանը և սկսել Փաշինյանին պաշտոնազրկելու ֆորմալ գործընթաց»,- 168TV-ի «Ռեվյու» հաղորդման ընթացքում ասաց «Համախմբում» շարժման անդամ, Լեհաստանում ՀՀ նախկին դեսպան Էդգար Ղազարյանը:
Պետական վերահսկողական ծառայության նախկին պետ, «Քաղաքացիական պայմանագիր» կուսակցության նախկին անդամ Տիգրան Ուլիխանյանը վստահեցնում է՝ այս կուսակցության միջոցով այլևս չի կարողանում իր ցանկություններն իրականացնել. այդ հարցում կա խոչընդոտ, ուստի հիմա է որոշել հեռանալ թիմից, և ոչ թե՝ 2020 թվականի պատերազմից հետո։
«Պետք է նրանց հետ խոսենք, բացատրենք, ասենք՝ եկեք համախմբվենք, հասկանանք՝ ոնց ենք հեռացնում այս ապիկարներին, ովքեր ձեր ապագան են վաճառում, դուք դա կողքից տեսնում եք ու մտածում, թե աթոռի կռիվ է: Աթոռ դնելու տեղ չի մնալու, ու մարզերում ավելի շատ են խնդիրները: Անվտանգային համակարգն առաջնային է, և դա պետք է գիտակցի յուրաքանչյուր հայ, սա այն խնդիրն է, որ բոլորին է վերաբերում»:
Ազգային ժողովի «Հայաստան» խմբակցության պատգամավոր Վահե Հակոբյանի համար իրեն ԱԺ Տնտեսական հարցերի մշտական հանձնաժողովի նախագահի պաշտոնից զրկելը սպասելի էր՝ հաշվի առնելով այն, որ այդ հանձնաժողովի կազմում ինքն ու ընդդիմադիր երկու պատգամավորները մշտապես խնդիրներ են ստեղծել այն օրենքների նախագծերի հետ կապված, որոնք սպասարկել են իշխանամերձ օլիգարխներին։ Նա թեև խոստովանում է, որ դրանց ընդունումը չեն կարողացել կանխել, որովհետև ընդդիմադիրների ձայները բավարար չէին, բայց նկատում է՝ այդ մասին խոսել են ու բարձրաձայնել։
«Իրականում, շատ ավելին կարող ենք անել: Այնպես չէ, որ մեր միջոցները անսահմանափակ են, դրա համար եմ ասում՝ կարող ենք անել, պարզապես կարող ենք այլ բնագավառներից ծախսերը կրճատել, օրինակ՝ պոպուլիստական բնագավառները: Մենք կարծես թե այլ քաղաքականություն ենք որդեգրել՝ ավելի շատ փորձում ենք ցույց տալ կատարված աշխատանքը, և, բնականաբար, քանի որ պաշտպանական ոլորտը ցույց տալու չի, երրորդական և չորրորդական ոլորտներում ենք ծախսեր իրականացնում»,- 168TV-ի «Ռեվյու» հաղորդման ընթացքում ասաց նա:
«Այս իշխանքությունը կորցրել է կապն իրականության հետ. դա իշխանության հիվանդություններից մեկն է. գիտեք՝ երբ իշխանությունը կորցնում է կապն իրականության հետ, դա նշանակում է, որ իշխանության վերջը մոտ է։ Փաշինյանի իշխանությունը չի հասկանում՝ ինչ գործընթացներ են գնում։ Այն, ինչ խորհրդարանում այսօր արեց այս իշխանությունը, որևէ բան իրական բովանդակության մեջ չի փոխելու. դա ընդամենը ձևի համար արված քայլ էր։
«Սա Գորիսն է, այստեղից դուրս ենք գալիս Տեղ խոշորացված համայնք, այնտեղից՝ միանգամից Աղավնո, հետո՝ Սուս, Բերձոր, հետո՝ Եղծահողով մինչև Լիսագոր, հետո՝ Շուշիի տակ ենք հայտնվում: Հիմա առաջարկվում է՝ Կոռնիձորից ճանապարհ է կառուցվում 32 կմ երկարությամբ, որը գալիս է գործող ճանապարհին զուգահեռ, շրջանցում է Աղավնոն, Սուսը և Բերձորը, գալիս է Հին Շենով, Մեծ Շենով և միանգամից միանում է Եղծահողին, որտեղից Լիսագոր, այնտեղից էլ Շուշիի տակով՝ միանգամից Ստեփանակերտ: Աղավնոյում, Սուսում և Բերձորում ապրող մեր հայրենակիցներին հերթական 1915թ. հայրենազրկում է սպառնում»:
«Մինչև այսօր մենք ճանաչելիության խնդիր ունենք, որ ասում ենք՝ Armenia, ճշտում են՝ “Albania, Romania?”: Հիմա փորձում ենք այդ խնդիրը լուծել: Մենք հայտարարել ենք Զազի, 50Cent-ի համերգի մասին, որը գալիս է G-Unit-ով և երբևէ ունեցած ամենամեծ շոուներից է լինելու: Մյուսը՝ Led Zeppelin Symphonic նախագիծն է, որը հիմնված է լեգենդար խմբի անդամների կողմից՝ իրենց հիթերը միշտ կենդանի պահելու համար: Դա գեղեցկագույն ռոք համերգ է լինելու»,- 168TV-ի «Ռեվյու» հաղորդման ընթացքում ասաց նա:
«Մարդկանց էմոցիաներն են օգտագործում՝ քաղաքական գործընթացներում։ Փաշինյանի նպատակն է՝ հանել Գյումրու ռուսական ռազմաբազան, հետո տեղակայել այստեղ թուրքականը։ Կրկնում եմ՝ Հայաստանում չի լինելու ՆԱՏՕ-ի զորք. Փաշինյանը հանում է ռուսական ռազմաբազան՝ տեղը թուրքականն ունենալու համար»
«Եթե վաղը նախագահը հրամանագիր ստորագրի, որով պայմանական Հովիկ Աղազարյանին նշանակեն ԶՈՒ ԳՇ պետ, ես չեմ զարմանա, որովհետև այս մարդկանց չեն հետաքրքրում համակարգերը, պետությունը կամ պետական անվտանգությունը: Այս մարդիկ եկել են իրենց ներքին խնդիրները լուծելու, անձնական բարեկեցության հարցերը լուծելու, դրանց ճանապարհին իրենց համար կարևոր է, որ նույնիսկ ԶՈւ համակարգը, որը մաքուր զինվորական է, լինի կուսակցական ֆունկցիոներների ուղիղ վերահսկողության տակ: Թե վաղը պաշտպանության նախարար կամ ԳՇ պետ ում կնշանակեն, արդեն այդ համակարգերը ոչնչացված են»,- ի պատասխան՝ ասաց նա:
Բերձորն ու Աղավնոն կհանձնվեն Ադրբեջանին։ Այս տեղեկությունը երեկ հրավիրված առցանց ասուլիսի ժամանակ հաստատեց Նիկոլ Փաշինյանը՝ հավելելով. «Երթուղու փոփոխություն տեղի ունենալու պարագայում այն տարածքները, որոնք չեն գտնվում նախկին ԼՂԻՄ սահմանի կազմում, անցնելու են Ադրբեջանի վերահսկողության տակ»։ Ըստ Փաշինյանի՝ Բերձորի բնակիչների հարցերը կառավարությունը «լուծում» է․ բնակիչներին պետք է ապահովեն բնակարաններով, իսկ Աղավնո գյուղի բնակչների խնդիրները Արցախի կառավարության միջոցներով կլուծվեն։
168.am-ը հունիսի 13-ին անդրադարձել էր Նիկոլ Փաշինյանի Արարատ այցին, տեղեկացրել, որ այդ այցի ընթացքում բերման ենթարկված տասնյակ քաղաքացիներից մեկը Գայանե Հովհանյանն է:
