Air Arabia-ն աստիճանաբար չեղարկում է հոկտեմբերին և դեկտեմբերին Ռուսաստան նախատեսված չվերթները
Air Arabia ավիաընկերությունը շարունակում է փուլ առ փուլ չեղարկել հոկտեմբերին և դեկտեմբերին Ռուսաստան նախատեսված չվերթները։ Հոկտեմբերյան որոշ չվերթների ամրագրումներն արդեն չեղարկվել են, սակայն բոլոր ուղևորները դեռևս պաշտոնական ծանուցումներ չեն ստացել։
Ընկերության կայքում դեռ հասանելի են հոկտեմբերին Մոսկվա, Եկատերինբուրգ, Կազան, Ուֆա և Սամարա նախատեսված չվերթների տոմսերը։ ԶԼՄ-ների տեղեկություններով՝ Air Arabia-ի ներկայացուցիչները հաստատել են չվերթների չեղարկումը և հայտնել, որ գնված տոմսերի գումարները կվերադարձվեն։
Ռուսաստանի զբոսաշրջության արդյունաբերության միության (ՌԶԱՄ) տվյալներով՝ իրավիճակը պետք է դիտարկել Air Arabia-ի՝ Ռուսաստան թռիչքների ծրագրի երկարատև կասեցման համատեքստում։
Միության ներկայացուցիչ Գորինի խոսքով՝ խոսքը նոր չեղարկման մասին չէ, այլ նախկինում չեղարկված ծրագրի ճշգրտման։ Ավիաընկերությունը փոփոխություններն իրականացնում է փուլ առ փուլ, ինչի հետևանքով չվերթները աստիճանաբար չեղարկվում են։ Ներկայում փոփոխությունները վերաբերում են հոկտեմբերին և դեկտեմբերին նախատեսված չվերթներին։
