«Առավոտ» թերթը զրուցել է ՀՀԿ-ական պատգամավոր Մանվել Բադեյանի հետ – Հետևո՞ւմ եք սահմանադրական բարեփոխումների «այո»-ի և «ոչ»-ի քարոզարշավին ՝ հեռուստաշոուի տեսքով։ Ի՞նչ տպավորություն եք ստացել։ Հնարավո՞ր է՝ Դուք մասնակցեք դրան։ – Հնարավոր է։ Բայց որ ասեմ հատուկ հետևում եմ այդ շոուին՝ չէ, որովհետեւ ես այլ ձեւի քարոզարշավի եմ մասնակցում։ Մարդկանց հետ շփվում եմ տարբեր ֆորմատով, […]
«Չորրորդ իշխանություն» թերթի տեղեկություններով՝ կիրակի օրը դաշնակցականների մի խումը ԱԺ՝ ՀՅԴ խմբակցության ղեկավար Արմեն Ռուստամյանի գլխավորությամբ, մեկնել է Արարատի մարզ։ Դաշնակցականները հանդիպում են ունեցել Բերքանուշ գյուղի մանկավարժների հետ և նրանց հորդորել «Այո» ասել սահմանադրական հանրաքվեին։
«Ինչպես «Հայկական Ժամանակ»-ին հայտնել է Գյուղատնտեսության նախարարության Սննդամթերքի անվտանգության պետական ծառայության պետի մամուլի քարտուղար Նվարդ Առաքելյանը, ՍԱՊԾ պետի հրամանի համաձայն՝ «Ալեքս Գրիգ» ՍՊԸ-ին պատկանող «Երեւան Սիթի» սուպերմարկետների Գայ պողոտա 16, Ռուբինյանց 15/5, Կոմիտասի 60/2 հասցեներում գործող մասնաճյուղերում նոյեմբերի 12-14-ին իրականացվել է դիտարկում եւ հսկիչ գնում «Բաղրամյանի ալյուր» ապրանքանիշի նկատմամբ: Ռուբինյանց 15/5 հասցեում գործող «Երեւան Սիթի» սուպերմարկետներում հայտնաբերվել են ոչ ընթեռնելի պիտանելիության ժամկետով 5 փաթեթ ալյուր, որոնք անմիջապես հանվել են իրացումից, մակնշման հետ կապված այլ խախտումներ չեն հայտնաբերվել»:
Սամբիստ Կարենը իրականացնելով իր հանցավոր մտադրությունը` 2008թ. ապրիլի 22-ին` ժամը 16.30-ի սահմաններում, Երեւան քաղաքի Տիգրան Մեծ 10 հասցեում գործող խանութի բակից ատրճանակի բռնակով հարվածելով՝ առեւանգել է Ռուբեն Ղազարյանին եւ նստեցնելով «Համմեր» մակնիշի սեւ գույնի 99UL555 պետհամարանիշի ավտոմեքենան՝ տեղափոխել է Էրեբունի թանգարանի հարակից տարածքում գտնվող բացօթյա սրճարան, որտեղ իրեն է սպասել Թեւոսիկը: Նշված վայրում Կարեն Բագրատունյանը, Թեւոս Սաֆարյանը եւ քննությամբ չպարզված այլ անձինք Ռուբեն Ղազարյանին ծեծել են:
Գործարարներից միայն Գագիկ Ծառուկյանն է իր խոստումը կատարել՝ մթերել ու փողն էլ տվել։ Մյուս մթերողները խոստացել են գումարը տալ մարտ-ապրիլ ամիսներին, և քանի որ այս տարի կոնյակի արտահանումը տասն անգամ անկում է գրանցել, գյուղացիները հույս չունեն, որ գոնե այդ ժամանակ կստանան իրենց փողերը։
Դիվանագիտական մեր աղբյուրները պնդում են, թե ՀՀ ԱԳ նախարարը բանակցություններ է վարում ԵՄ անդամ երկրների ԱԳ նախարարների հետ՝ «Բռնության աճը ԼՂ-ում և Ադրբեջանի մյուս գրավյալ տարածքներում» զեկույցը չեզոքացնելու համար։ Հակահայ այս խայտառակ զեկույցը, որը քննարկման է դրվելու ԵԽԽՎ հունվարյան նստաշրջանում, ամբողջությամբ չեզոքացնել, բնականաբար, հնարավոր չէ, և փորձ է արվելու գոնե այնտեղ տեղ գտած հակահայ ձևակերպումները չեզոքացնել։
«Եթե այդ «ճառասացները» ենթադրում են, որ «հասարակ ժողովուրդը» չի կասկածում իրենց անկեղծությանը, ապա նրանք վատ կարծիքի են մեր քաղաքացիների մասին»:
Շոուբիզնեսի ներկայացուցիչները որոշել են մտնել նաեւ բիզնես-դաշտ։ Մենք տեղեկացանք, որ դերասան Հովհաննես Ազոյանը մտադիր է ռեստորան բացել Սարյան փողոցի վրա։
Չնայած հաշված օրերն են մնում սահմանադրական փոփոխությունների քարոզարշավի ավարտին, սակայն այդպես էլ անհայտ է մնում, թե «Ժառանգություն» կուսակցության նախագահ, «Նոր Հայաստան» քաղաքական միավորման հիմնադիրներից Րաֆֆի Հովհաննիսյանը երբ կվերադառնա Հայաստան:
Քարոզչության շրջանում ցանկացած քաղաքական ուժ պետք է ձգտի առավելագույնս օգտագործել անվճար ուղիղ եթերի հնարավորությունը՝ չխորանալով ժանրային առանձնահատկությունների եւ կազմակերպիչների մոտիվացիաների մեջ: Իսկ ընդհանուր պատճառն այն է, որ մեր քաղաքական մշակույթը «մենախոսական» է:
«Փողերի լվացում, որ տեղի է ունեցել, դա անժխտելի է։ Փողերի լվացումը շատ վտանգավոր գործողություն է. կարող էր այդ ֆռռացրած փողերով զենք առնել, կարող էր պետության դեմ գործունեություն ծավալել։ Բայց չեմ կարծում, թե պետական ոլորտում կան մարդիկ, որ կաջակցեն Աշոտին»:
ՀՀ գործատուների միության նախագահ Գագիկ Մակարյանը «Ժողովուրդ»-ի հետ զրույցում ասել է, որ վերջին շրջանում Հայաստանից հեռանում են ոչ միայն IT մասնագետները, այլև բժիշկներ։ Նրա պնդմամբ՝ բժիշկները հիմնականում մեկնում են Գերմանիա, որովհետև այնտեղ նրանց ավելի բարեհաջող պայմաններ են առաջարկում։
«Այս պատմությանը մինչեւ պաշտպանության նախարար տեղյակ են, բայց բանի որ «Էրիզ» ՍՊԸ-ի տերը ՊՆ-ի գնումների բաժնի ղեկավարներից է, ոչ ոք հարցին« ընթացք չտվեց, թողեցին, որ մատակարարվի բանակին։ Եթե բանակի տենդեր է, չի նշանակում, որ փչացած ապրանք պետբ է գնեն»
«Մենք չենք հավատում ընդհանրապես, որ ինքը չկա, որովհետեւ մենք ոչինչ չենք տեսել, ոչ մի բան չգիտենք, դեռ հույսով սպասում ենք, որ ինքը կարող է գա։ Մենք մեր աչքով իրեն չենք տեսել, ոչ իր դիակը, ոչ մասունքներ, մենք ոչինչ չենք տեսել ընդհանրապես, դրա համար հավատում ենք, որ մի գեղեցիկ օր ինքը կգա կամ մեզ կտեղեկացնի, որ այսինչ տեղն եմ, եկեք իմ հետեւից»։
Սույն լուսանկարը երեկ տեղադրվել է «Ֆեյսբուք» սոցիալական ցանցում եւ պատմում է Գյումրու թիվ 6 դպրոցի մասին: Իհարկե, այն, որ հայաստանյան հանրակրթական հաստատություններում ստեղծված են պետական խորհրդանիշների անկյուններ, որտեղ իրենց պատվավոր տեղն ունեն Սերժ Սարգսյանի եւ Ամենայն հայոց կաթողիկոս Գարեգին Երկրորդի պատկերները, վաղուց հայտնի է, բայց ահա Ռուսաստանի նախագահ Վլադիմիր Պուտինի ներկայությունը մեր երկրի պետական դպրոցներում դեռ նորություն է:
Արարատյան հայրապետական թեմի առաջնորդանիստ Սուրբ Սարգիս եկեղեցու խորհրդավար Տեր Եսայի քահանա Արթենյանը իր և եզդիների միջեւ ծագած սկանդալը փակված է համարում: Նա Skipe-ի միջոցով հարցը քննարկել է Մոսկվայում ապրող Մաքսիմ անունով եզդի շեյխի հետ եւ համաձայնության եկել: Այդ մասին այսօր մեզ հետ զրույցում ասաց ինքը՝ Տեր Եսային:
ԱԺ ԲՀԿ խմբակցության պատգամավոր Հայկ Խաչատրյանը, որը սեպտեմբերին հայտարարել էր, որ սահմանադրական փոփոխությունների դեմ պետք է պայքարել փողոցում, իր այս հայտարարությունից հետո մեկնել է ԱՄՆ ու չի վերադարձել: Խաչատրյանը, որ «ՀԺ»-ին տված հարցազրույցում սուր քննադատության էր ենթարկել սահմանադրական փոփոխությունները եւ հայտարարել, որ Ռոբերտ Քոչարյանը անպարտելի նախագահ է եղել եւ եթե նա մտնի խաղի մեջ, ամեն ինչ ուրիշ կլինի, գրեթե 2 ամիս է, ԱԺ չի գալիս:
Վերջերս շատ շոշափվեց այն տեղեկությունը, թե առողջապահության նախարար Արմեն Մուրադյանը, երբ 2014-ին նշանակվել էր նախարար, ազատել է իր կնոջը՝ Ելենա Ամիրխանյանին, որը 2006-ից զբաղեցնում էր առողջապահության նախարարի հասարակական հիմունքներով խորհրդականի պաշտոնը։ Բավական ժամանակ է անցել այդ իրադարձություններից, բայց նախարարը դեռ շարունակում է այստեղ-այնտեղ գլուխ գովել։
Օրերս ՀՀԿ-ում քննարկել են հարցը, թե ինչպես պետք է հանրությանը ներկայացնեն սահմանադրական փոփոխությունների նախագիծը, այլ կերպ ասած՝ որոնք են այդ փաստաթղթի առավելությունները, որ պետք է իրենք քարոզեն:
Երեկ Սերժ Սարգսյանը ՀՀ ազգային անվտանգության խորհրդի նիստ է հրավիրել, որի ընթացքում, ըստ պաշտոնական հաղորդագրության, քննարկվել եւ ամփոփվել են այս տարվա սեպտեմբերի 3-ից 6-ը տեղի ունեցած «Շանթ-2015» ռազմավարական հրամանատարաշտաբային զորավարժությունների արդյունքները:
Իսկապես, էլ ինչի՞ համար կարող էր Լավրովը գալ Հայաստան, եթե ոչ՝ «Ղարաբաղը ծախելու» մասին փաստաթուղթը համաձայնեցնելու: Կամ՝ սահմանադրական փոփոխությունները:
Երբ ավելի քան մեկ տարի առաջ Հ. Նադդալյանը ԵԽԽՎ-ում խայտառակ ելույթ էր ունեցել, որը նույնպես ոչ բարենպաստ հետեւանքներ ունեցավ, դա արդեն իսկ պետք է ահազանգ դարձած լիներ։ Սակայն ոչ պատվիրակության կազմի առումով, ոչ էլ աշխատանքի առումով որեւէ փոփոխություն տեղի չի ունեցել, կատարվող աշխատանքի որակն է՛լ ավելի է վատթարացել, ինչի բազմաթիվ վկայություններից է նաեւ ԱԳԼ-ի լռությունը ադրբեջանական զինված ոտնձգությունների վերաբերյալ։ Հետևություններ անելու փոխարեն՝ թե այն ժամանակ, թե ներկայումս խաբեբաները կամ անմեղսունակները նույն երգն են երգում՝ ադրբեջանականկան «խավիարային դիվանագիտաթյան» մասին։
«Գյումրիում սահմանադրական փոփոխությունների համար անհրաժեշտ թվով այո-ներ ապահովելու նպատակով տեղի իշխանական վերնախավն արդեն «աշխատանքի բաժանում» է իրականացրել։
ՌԴ Տուլայի տարածաշրջանում նոյեմբերի 3-ին վթարի ենթարկված Մոսկվա-Երեւան ավտոբուսը, թերթի տեղեկություններով, այսպես կոչված՝ «տեսա-ռեգիստրով» կահավորված չի եղել: Արդյոք նման պայմաններում կպարզվե՞ն վթարի ճշգրիտ պատճառները, ցույց կտա ժամանակը: Բայց որ միջպետական ուղեւորափոխադրում իրականացնող ավտոբուսը «ռեգիստր» չի ունեցել, ինքնին տարօրինակ է: Ժամանակակից բոլոր ավտոբուսները նման սարքավորումներով կահավորված են:
Թե ինչու է 30-ամյա կինը նման քայլերի դիմում, ինչու է պահանջում հանդիպումներ Վլադիմիր Գասպարյանի հետ, մեզ հետ զրույցում որոշ մանրամասներ ներկայացրեց Լուսինե Սիմոնյանի քույրը՝ Նունեն։
Ռուսաստանի ԱԳ նախարար Սերգեյ Լավրովի՝ այս երկուշաբթի Հայաստան կատարած այցից հետո սկզբում հայկական, այնուհետեւ նաեւ ռուսական լրատվամիջոցներում սկսեցին լուրեր շրջանառվել այն մասին, որ ռուսական կողմը ՀՀ իշխանություններին համոզում է Արցախի ազատագրված շրջաններից մի քանիսը վերադարձնել Ադրբեջանին: Ըստ լուրերի՝ Լավրովի այցի նպատակը եղել է շրջանները Ադրբեջանին հանձնելու հարցը ՀՀ իշխանությունների հետ քննարկելը:
Հայտնի գործարար, մեծահարուստ, Դիլիջանի միջազգային դպրոցի և միջազգային այլևայլ պրոյեկտների հեղինակ Ռուբեն Վարդանյանի որդին այս օրերին ծառայում է Ղարաբաղում՝ Հադրութում, ընդ որում՝ այն նույն զորամասում, որտեղ ծառայում է Բակո Սահակյանի որդին։
ՀԺ»-ի հետ զրույցում Աբովյանի հարսը` Դուշիկ Բեջանյանը, նշեց, որ սկեսուրը չէր կարող մոլորվել, քանի որ ճանապարհը նրան անծանոթ չէր։ Հարսը բացատրեց, որ սահմանը հատելու համար Լ.Աբովյանը պետք է անցներ խորը փորված խրամատով, ինչը նա չէր կարող անել:
Այո, տառապանքը փորձ ունի, 90-ականների փորձ ունեցողները գիտեն, որ փորձ ունի, բա իհարկե ունի։ Որովհետեւ բոլորս ենք ականատես եղել այդ ամենին, ինչ կատարվել է։ Արմատախիլ ենք անելու բոլոր նեգատիվ երեւույթները, եւ հանրաքվեի վրա ստվեր գցող քաղաքական ուժը կամ գործիչը պարզապես չի ցանկանում այս երկրի լավը տեսնել։
Ինձ թվում է՝ շատ պարզ բան. եթե դուք, ասենք, հայ եք, քրիստոնյա եւ ՀՀԿ-անդամ, ապա ոչնչով ավելի կամ պակաս չեք, քան, ենթադրենք, եզդին, արեւապաշտը եւ ՀԱԿ անդամը:
