Հայաստանյան ծաղիկների ներմուծումը Վրաստան աճել է՝ Ռուսաստանի շուկայի փակվելուց հետո
Հայաստանից ծաղիկների արտահանումը դեպի Վրաստան զգալիորեն աճել է Ռուսաստանի շուկայի փակվելուց հետո։ Հայ արտադրողները այժմ իրենց արտադրանքի ավելցուկը մեծ ծավալներով ուղարկում են Վրաստան, ինչն առաջացրել է գների անկում, անհավասար մրցակցություն և խնդիրներ տեղի ձեռնարկատերերի համար։ Այս մասին BMG-ին հայտնել է Ծաղկաբույծների ասոցիացիայի ղեկավար Ռուսիկո Միկավան։
Նրա խոսքով՝ ծաղիկների մի մասը Վրաստան է ներմուծվում սահմանված չափանիշների խախտմամբ և առանց ներմուծողի մակնշման, իսկ տեղական դիստրիբյուտորները չեն կարող մրցակցել ցածր գներով առաջարկվող խոշոր խմբաքանակների հետ։
Հունվար-հուլիս ամիսներին Վրաստանը Հայաստանից ներմուծել է 3,3 մլն դոլարի ծաղիկ, ինչը 53,7%-ով ավելի է, քան 2025 թվականի նույն ժամանակահատվածում։
