Սաակաշվիլին Վերին Լարսում ստեղծված իրավիճակը գնահատել է «դարի ողբերգություն»
Վրաստանի նախկին նախագահ Միխեիլ Սաակաշվիլին Ռուսաստանի և Վրաստանի միջև միակ ցամաքային անցակետում՝ Վերին Լարսում ստեղծված իրավիճակն անվանել է «պետականությանը սպառնացող աղետալի սպառնալիք»։
Ֆեյսբուքյան իր գրառման մեջ քաղաքական գործիչը վրդովմունք է հայտնել ոչ միայն ռուս քաղաքացիների մուտքի, այլև իշխանությունների և ընդդիմության արձագանքի կապակցությամբ։
«Մեր աչքի առջև ծավալվում է դարի ողբերգությունը՝ ռուսների զանգվածային միգրացիան դեպի Վրաստան։ Մենք այս մասշտաբի աղետ չենք տեսել Շահ Աբբասի ժամանակներից ի վեր, որը վտարեց Քարթլ-Կախեթցիներին՝ Վրաստանը վրացիներից մաքրելու համար», — գրել է քաղաքական գործիչը։
Սաակաշվիլիի պնդմամբ` իշխող «Վրացական երազանք» կուսակցության հիմնադիր և պատվավոր նախագահ Բիձինա Իվանիշվիլին և Կրեմլը գործում են խիստ համակարգված ձևով. նախ` իշխանությունները սկսեցին «հիստերիկորեն կրկնել ռուսաֆոբիայի անընդունելիությունը», որին հաջորդեց ռուսների հոսքը, որոնք, ըստ քաղաքական գործչի, պլանավորում են մշտապես մնալ Վարստանում։
