Քաղաքականություն

«Մեզ համար որևէ զարգացում չի բացառվում։ Եթե Գագիկ Ծառուկյանը լինի կալանավորված էլ, միևնույն է՝ մեր քաղաքական թիմի օրակարգում որևէ բան չի փոխվելու, որովհետև պարոն Ծառուկյանին կալանավորելով՝ մեր երկրում թռիչքային աճ չի լինելու, ներդրումները չեն հոսելու այստեղ, և մեկ հարվածով Գագիկ Ծառուկյանին կալանավորելով՝ այս ու այլ խնդիրները չեն լուծվելու։ Քաղաքական ընդդիմախոսներին կալանավորելն այս իշխանության համար ընդդիմախոսությունը լռեցնելու միջոց է»,- 168 TV-ի «Ռեվյու» հաղորդաշարի եթերում ասաց «Բարգավաճ Հայաստան» խմբակցության պատգամավոր Իվետա Տոնոյանը։

Սեպտեմբերի 22-ին ՀՀ ՊՆ վարչական համալիրում անցկացվել է միջգերատեսչական խորհրդակցություն ՀՀ պաշտպանության և արտաքին գործերի նախարարությունների միջև՝ նախարարներ Դավիթ Տոնոյանի և Զոհրաբ Մնացականյանի գլխավորությամբ։

Նավթի գները նախօրյակին կտրուկ անկումից հետո չափավոր կերպով նվազում են սեպտեմբերի 22-ի սակարկությունների ընթացքում, որը կապված է Լիբիայի արեւելքում արդյունահանումն սկսելու եւ աշխարհի մի շարք երկրներում կորոնավիրուսով վարակվելու դեպքերի աճի հետ։

Ամենայն հավանականությամբ, հոկտեմբերի 5-ին հանրությանը թույլատրելի չափաբաժնով կամ զուտ քաղաքական «բաղադրությամբ» հասանելի կլինի Ապրիլյան պատերազմի հանգամանքներն ուսումնասիրող քննիչ հանձնաժողովի եզրակացությունը, և չի բացառվում, որ թեման, որը հիմա էլ «սառը» վիճակում չէ, առավել «տաքանա»՝ Ապրիլյան պատերազմի մասնակից տղաների դժգոհություններից մինչև իշխանության կողմից քաղաքական շահարկումների և վրեժխնդրության նոր փուլ, պարտված-հաղթած լինելու «շեքսպիրյան» հարցադրումներ և այլն: Եվ երանի թե ամեն ինչ գոնե այս մակարդակում լիներ, բայց ոչ:

Ստամբուլի Քարաքյոյ վարչական շրջանում հայտնաբերվել է Ռուսաստանում ծնված ամերիկացի լրագրող Անդրե Վլչեքի դին։

ԱՄՆ ֆինանսական նյութերի զանգվածային նոր արտահոսքի միջոցով պարզվել է, որ անօդաչու թռչող սարքերի և հակաօդային պաշտպանության համակարգերի արտադրությամբ զբաղվող իսրայելական խոշորագույն ընկերությունը՝ Israel Aerospace Industries-ը, 2012-2014 թվականներին առնվազն 155 մլն դոլար է փոխանցել երկու ընկերությունների (Jetfield Networks և Larkstone Ltd.), որոնք, ըստ հրապարակումների, որպես գաղտնի հիմնադրամ են օգտագործվել Ադրբեջանի վերնախավի համար:

Օրերս հայտնի դարձավ, որ Լեհաստանի արտաքին գործերի նախարարությունը հրատարակել է ՀՀ-ում ԵՄ պատվիրակության նախկին ղեկավար (2015-2019), դեսպան Պյոտր Սվիտալսկու գիրքը՝ «Հայկական հեղափոխություն։ Անավարտ Մալուխ» (The Armenian Revolution. An Unfinished Cable) վերնագրով: Գրքում Սվիտալսկին նկարագրում է իրավիճակը Հայաստանում իր պաշտոնավարման ժամանակաշրջանում։

Ինչպե՞ս կարելի է այս ամենը մեկնաբանել, հասկանալ: Սա կարելի է հասկանալ այնպես, որ Ալիևը համաձայն չէ այն մթնոլորտի հետ, որը սկսվել է բանակցային փուլում: Նա փորձել է, նույնիսկ ես կասեի՝ դա ոչ թե որպես պայման, այլ՝ որպես շանտաժ, վերջնագիր ներկայացնել Մինսկի խմբին, որ ըստ էության այս իրավիճակում չի տեսնում բանակցային գործընթացի շարունակություն:

ՀՅԴ Բյուրոյի տնտեսական հետազոտությունների գրասենյակի ծրագրերի համակարգող, տնտեսագետ Թադևոս Ավետիսյանը հոդված է գրել, որում անդրադառնում է սոցիալական պաշտպանության ոլորտում համակարգային բարեփոխումներին։ 

Ռուս ընդդիմադիր գործիչ Ալեքսեյ Նավալնիի հետ կապված միջադեպի հիմնական թիրախը «Հյուսիսային հոսք 2» գազատարն է: Այս մասին սեպտեմբերի 22-ին հայտարարել է ՌԴ արտաքին հետախուզության ծառայության ղեկավար Սերգեյ Նարիշկինը, գրում է eadaily.com կայքը:

ՀՀ երկրորդ նախագահ Ռոբերտ Քոչարյանի պաշտպան Հովհաննես Խուդոյանն այսօրվա դատական նիստին միջնորդեց նախաքննության ընթացքում քննիչ Հրաչյա Մուշեղյանի կողմից հավաքած ապացույցները ճանաչել անթույլատրելի և հանել դրանք սույն քրեական գործի նյութերից։ Պաշտպանական կողմը գտնում է նաև, որ քննիչ Մուշեղյանը ենթակա է բացարկի և պետք է հեռացվի գործի վարույթից։

Իրանում մեկ օրում կորոնավիրուսով ախտահարման դեպքերի թիվն աճել է ավելի քան 3,7 հազարով, ինչն առավելագույն ցուցանիշն է համավարակի սկզբից ի վեր:

«Հայաստանի անկախությունը ծնվել է Արցախյան շարժումից, քաղաքական օրակարգը թելադրված է եղել Արցախով, ՀՀ-ի ազգային, պետական հպարտությունը սերում է Արցախից: Այս տեսակետից ոչ թե Արցախն է Հայաստան, այլ Հայաստանն է Արցախ՝ իր գոյաբանական իմաստով»,- այսօր հրավիրված ասուլիսում ասաց Արմեն Աշոտյանը՝ անդրադառնալով Արցախի շուրջ տեղի ունեցող գործընթացներին:

«Արտաքին քաղաքականության մեջ պատկերը երբևիցե ավելի տխուր չի եղել». քաղտեխնոլոգ

Ալեքսեյ Նավալնիին Հանրայինի եթերում մեղմիկ հակառուսականության ալիքի շրջանակներում ցուցադրող Հայաստանի իշխանությունը որևէ խոսք չասաց ու չի ասել ու չի ասելու նույն Ալեքսեյ Նավալնիի թունավորման առնչությամբ։

Վրաստանում կորոնավիրուսով ախտահարման 218 նոր դեպքերից 137-ն արձանագրվել է Աջարիայում, այդ մասին լրագրողներին պատմել է Թբիլիսիի ինֆեկցիոն հիվանդանոցի բոքսի բաժանմունքի ղեկավար Մարինա Էնդելաձեն։

Իվետա Տոնոյանը ֆեյսբուքյան իր էջում գրում է․ ««Բարգավաճ Հայաստան», «Հայրենիք» և Հայ Հեղափոխական դաշնակցություն կուսակցությունների կողմից հոկտեմբերի 8-ին համապետական հանրահավաք անցկացնելու վերաբերյալ տեղեկատվության տարածումից ընդամենը ժամեր անց իշխանական քարոզչամեքենան շրջանառության մեջ դրեց այն թեզը, որի համաձայն առաջիկա երկու օրերի ընթացքում Գագիկ Ծառուկյանը կկալանավորվի:

Ներկա իշխանությունն անընդմեջ խոսում է քաղաքացիների կյանքի որակի բարելավման, «նոր Հայաստանում նոր պայմաններով» ապրելու մասին, բայց մարդկանց տարբեր խմբեր չեն դադարում փակել ճանապարհներ, կառավարության, Ազգային ժողովի, գերատեսչությունների շենքերի բակում բողոքի ակցիաներ իրականացնել՝ այդ կերպ փորձելով բարձրացնել իրենց բողոքի ձայնը: Այդ ակցիաների մի մասն էլ հաճախ մնում է անպատասխան:

Երևանի ընդհանուր իրավասության դատարանը, դատավոր Աննա Դանիբեկյանի նախագահությամբ, հետաձգեց է ՀՀ երկրորդ նախագահ Ռոբերտ Քոչարյանի պաշտպանական թիմի՝ մարտի 1-ի մայր գործի նյութերն ամբողջությամբ տրամադրելու միջնորդության լուծումը մինչև սույն գործում առկա բոլոր ապացույցների հետազոտումը։

Երեկ՝ Հայաստանի Անկախության 29-րդ տարեդարձի միջոցառումների շրջանակներում, Մեսրոպ Մաշտոցի անվան Մատենադարանի շենքում վարչապետ Նիկոլ Փաշինյանը ներկայացրեց Հայաստանի վերափոխման՝ մինչև 2050 թ. ռազմավարությունը։

«Կարծում եմ՝ ավելորդ է լրացուցիչ մեկնաբանություն անել այդ առնչությամբ, իսկ առանձին պատգամավորների մասով, որոնց հետ կապված դեռ հարցեր ունեք՝ առաջարկում եմ, որ հենց այդ պատգամավորները պատասխանեն ձեր հարցերին: Ինձ հետ անձամբ եղել են աշխատանքային քննարկումներ, մնացած հարցերը, խնդրում եմ, պատգամավորների հետ»,- խորհրդարանում լրագրողների հետ ճեպազրույցում ասաց Լիլիթ Մակունցը:

«Նման հանրային դժգոհության և ատելության ալիք, որ առաջացել է այդ գործչի շուրջ, միայն օգուտ է Կառավարության և Նիկոլ Փաշինյանի անձնական վարկանիշը հետևողականորեն քանդելու համար: Ինչքան երկար Նիկոլ Փաշինյանը թևերը փռի բոլոր իր ձախողած կադրերի վրա, այնքան մեծ է հավանականությունը, որ նրանք փաթեթով կգնան»,- ասաց Աշոտյանը:

Այսօր, երբ հեղափոխական իշխանությունները հայոց պետականության ծնունդը հռչակել են 2018թ.-ի գունավոր հեղաշրջումը,  ՀՀ անկախության 29-ամյա իրողության առթիվ` խոսենք հայոց պետականության հնարավոր հեռանկարների մասին:

3,5 մագնիտուդով երկրաշարժ է տեղի ունեցել երկրի արեւելքի Կախեթի տարածաշրջանում, հայտնել է Վրաստանի Սեյսմիկ մոնիթորինգի ազգային կենտրոնը։

ԱԺ նախկին պատգամավոր Արմեն Փամբուխչյանը, ով վերջերս մանդատը վայր էր դրել՝ գործադիրում աշխատանքի անցնելու համար, այսօր լրագրողների հետ զրույցում ասաց, որ նման որոշում անձամբ է կայացրել, առաջարկով հանդես է եկել, որն էլ քաղաքական թիմը հանգիստ ընդունել է:

Արեւելյան Միջերկրականի պետություններն ստորագրել են գազի կազմակերպության ստեղծման համաձայնագիր՝ կենտրոնակայանը Կահիրեում:

Արդեն մի քանի օր է՝ մամուլը գրում է, որ իշխանական մի շարք պատգամավորներ, որոնք Սահմանադրական դատարանի դատավորի թեկնածուների ընտրության վերաբերյալ անհամաձայնություն էին հայտնել «Իմ քայլը» խմբակցության ներսում, և նրանց կարծիքը հաշվի չեն առել, առաջիկայում պատրաստվում են վայր դնել պատգամավորական մանդատը:

Այսօր «Բարգավաճ Հայաստան», «Հայ Յեղափոխական Դաշնակցություն», «Հայրենիք»կուսակցությունները համատեղ  հայտարարություն տարածեցին, որ հոկտեմբերի 8-ին հրավիրում են համապետական հանրահավաք: Կմիանա՞ Հանրապետական կուսակցությունն այս հանրահավաքին՝ հարցին, այսօր հրավիրված ասուլիսում ՀՀԿ փոխնախագահ Արմեն Աշոտյանը պատասխանեց, որ դեռ չեն քննարկել, թե ի՞նչ մասնակցություն կարող են ունենալ:

«Բարգավաճ Հայաստան», «Հայրենիք» և ՀՅԴ կուսակցությունների՝ հոկտեմբերի 8-ին նախատեսվող հանրահավաքը, որը, ինչպես նշել են երեք ուժերը տարածած հաղորդագրության մեջ, նախաձեռնվել է, քանի որ «իշխանությունները ձախողել են ամենուրեք», քաղտեխնոլոգ Կարեն Քոչարյանը դիտարկում է՝ որպես «հստակ ընդդիմադիր բևեռների ձևավորմանն» ուղղված քայլ:

Վարչապետ Նիկոլ Փաշինյանը երեկ՝ Անկախության տոնի առիթով, ներկայացրեց մինչև 2050 թ. վերափոխման ռազմավարությունը: ՀՀԿ փոխնախագահ Արմեն Աշոտյանի պնդմամբ, սակայն, դրան ոչ ոք այդպես էլ լուրջ չվերաբերվեց: