ԱԺ «Բարգավաճ Հայաստան» խմբակցության ղեկավար Գագիկ Ծառուկյանի խոսքով՝ Հայաստանում ներդրումային միջավայրը շարունակում է մնալ չբարելավված, ներդրողներն ինչպես գալիս են Հայաստան, այնպես էլ հիասթափված հեռանում են:
Երևանի Օղակաձև այգում ռուս դիվանագետ, գրող, հայ ժողովրդի մեծ բարեկամ Ալեքսանդր Գրիբոյեդովի արձանը ներկելու փաստով Շահեն Հարությունյանը ոստիկանության հրավերով՝ ներկայացել է ոստիկանության Կենտրոնականի բաժին:
Երևանի ավագանու «Լույս» խմբակցության ղեկավար Դավիթ Խաժակյանը նոյեմբերի 26-ին Երևանի ավագանու նիստի ժամանակ հանդես էր եկել հանցագործության մասին հաղորդմամբ՝ տեղեկացնելով, որ քաղաքապետը և նրա տեղակալը չարաշահել են իրենց պաշտոնեական լիազորությունները, մասնավորապես՝ քաղաքապետի լիազորությունները դնելով այն տեղակալի վրա, ով ավագանու անդամ չէ և, Երևան քաղաքում տեղական ինքնակառավարման մասին օրենքի համաձայն՝ իրավասու չէ կատարելու քաղաքապետի լիազորությունները: Խաժակյանը նաև հայտարարել էր, որ կեղծվել է այն փաստաթուղթը, որով լիազորությունները դրվել են քաղաքապետի տեղակալ Հայկ Սարգսյանի վրա, և մատնանշել էր Քրեական օրենսգրքի 309 հոդվածը, այն է՝ պաշտոնական լիազորություններն անցնելը:
«Մոլորություն կա, որ, եթե չինովնիկների աշխատավարձերը բարձրանան, կոռուպցիան կնվազի, և այլն, նման բան չկա: Իհարկե, պետական պաշտոնյան պետք է արժանի վարձատրություն ունենա, բայց դա այն դեպքում է սկսում աշխատել, երբ քո պետության մեջ ունես ներքին պրոցեդուրաները, առավել ևս՝ երբ դու ժողովրդի հետ ես շփվում»:
Պարոն Հոկտանյանի այս արձագանքը ողջամիտ է, հավանաբար, նա նաև հիշում է, թե ինչպես էինք մենք 2017 թվականին խոսում այն մասին, որ «Երևան» հիմնադրամին գումարներ նվիրաբերող մարդկանց տալիս էին շինթույլտվություններ և արտոնություններ։
Իզուր ներկայացրեց, որովհետև իր ներկայացրած փաստաթղթերից մեկի սեփականատերն է Վարդան Ֆելիքսի Ցոլակյանը, դե, երևի նա կապ ունի նախարար Ցոլակյանի հետ, մյուս փաստաթղթով մեկ այլ կազմակերպության սեփականատերն է Էմիլ Եղիազարյանը: Այս անուն-ազգանունը որևէ բան չի ասում, եթե չիմանանք, որ դա Իջևանի գինու և կոնյակի գործարանի սեփականատերն է, ով նաև Սիփան Փաշինյանի մոտ ընկերն է: Իսկ այս պատմության գագաթնակետն «Էյ Ջի Գրուպն» է. այս կազմակերպությունը թեև սնանկ է, բայց շինթույլտվություն է ստացել։
Անկեղծ ասած, չեմ հասկանում այն հապճեպությունը, որը նկատելի է այս հարցի շուրջ: Սա լուրջ մասնագիտական փորձաքննություն պահանջող գործընթաց է, և հատվածական քայլերով ոչ մի լուրջ խնդիր չենք կարող լուծել: Շատ մանրամասներով դեռ չեմ ցանկանում անդրադառնալ այդ նախաձեռնությանը, որովհետև ընթացակարգային առումով դեռևս սաղմնային փուլում է, և համոզված եմ, որ այս տեսքով այն ընդունման հնարավորություն չունի: Զինված ուժերի արդիականացման հարցը ցանկացած երկրի կառավարության առաջնահերթություններից է, և ընթացիկ օրենսդրական կարգավորումներն ու օրենքները պետք է ընդունվեն՝ նկատի ունենալով Զինված ուժերի զարգացումը տարբեր ժամանակահատվածների կտրվածքով:
Այս ծրագիրը դարձել է հանելուկ, որևէ մեկը չի կարող ասել, թե ինչու չի կառուցվում, ինչ պատճառներ կան՝ կա՛մ գիտեն՝ չեն ասում, կա՛մ պատճառների մասին մենք տեղյակ չենք:
«Քաղաքապետարանից պահանջվել են նշված գործընթացներին առնչվող բոլոր փաստաթղթերը, որոնց շրջանակներում ուսումնասիրության առարկա կդառնա նաև նշված հանգամանքը»,- ի պատասխան մեր հարցի՝ ժամեր անց ասաց ՀՀ Գլխավոր դատախազության հանրային կապերի բաժնի պետ Արևիկ Խաչատրյանը:
«Սիլ գրուպ» ընկերության նախագահ, գործարար Խաչատուր Սուքիասյանն այսօր Աբովյանում ադամանդագործության արտադրամասի բացման ժամանակ լրագրողների հետ զրույցում անդրադարձել է «Բջնի» գործարանին՝ ասելով, թե գործարանն իրենից խլել են և նա ցանկանում է այն իրավական ճանապարհով հետ բերել։ Գործարարն անդրադարձել է նաև ՀՀ երրորդ նախագահ Սերժ Սարգսյանին՝ նշելով, որ վերջինս «դավաճանել է իր հին ընկերներին»։
«Այս նախագծի ճակատագրի որոշողն Ազգային ժողովն է, եթե ձայների մեծամասնությունն այդ նախագիծն ընդունեց, ապա այն կյանքի կկոչվի։ Չեմ ցանկանում որևէ մեկին վիրավորել, բայց նման աբսուրդ ու անտրամաբանական մոտեցում չի կարող լինել։ Ասում են՝ Սահմանադրական դատարանի դատավորները վստահություն չեն ներշնչում, հիմա դրա համար պետք է խրախուսեն և ուղարկեն անհոգ կյանքի՞։ Եթե կոնկրետ զանցանք են թույլ տվել, թող դատեն կամ ենթարկեն կարգապահական պատասխանատվության»,- այս մասին 168.аm-ի հետ զրույցում ասաց ԲՀԿ-ական պատգամավոր Գևորգ Պետրոսյանը՝ անդրադառնալով Կառավարության հավանությանն անրժանացած ՍԴ դատավորներին կամավոր հիմունքներով վաղաժամ թոշակի ուղարկելու նախագծին։
Արմեն Աշոտյանի ճեպազրույցը՝ Ուղիղ
ԱԺ «Լուսավոր Հայաստան» խմբակցության ղեկավար Էդմոն Մարուքյանը զարմացած է, որ Առողջապահության նախարար Արսեն Թորոսյանը նման գիտելիքներով նախարար է աշխատում։
«Համաձայն ՀՀ Սահմանադրության առաջին հոդվածի՝ Հայաստանի Հանրապետությունը ինքնիշխան, ժողովրդավարական, սոցիալական, իրավական պետություն է: Սոցիալ-իրավական պետության հիմնախնդիրներից է՝ ապահովել սոցիալական համերաշխությունը: Այս նախագիծը խարխլում է սոցիալական համերաշխությունն ու պետության հիմքերը: Սա հերթական ապազգային նախագիծն է: Աստված չանի՝ սա վավերացվի, իսկ դա կնշանակի, որ մեր բանակում ծառայողները պետք է լինեն անճար մարդիկ»,- լրագրողների հետ հանդիպման ժամանակ ասաց Գևորգ Գևորգյանը:
Այս օրերին, երբ շատերի, այդ թվում՝ իրավապահ մարմինների ուշադրության կենտրոնում է Արարատի մարզպետ Գարիկ Սարգսյանի, նրա թիմակիցների և մարզպետի «կանտովկան դզելուց» հրաժարված վարսավիրի միջև տեղի ունեցած ծեծկռտուքը (որը հաստատել էր նաև վարսավիրի հայրը), և հասարակության տարբեր խմբերում քննարկվում է նրա պաշտոնանկության հարցը, վերջինս հանգստից վերադարձել է աշխատանքի և հենց նույն օրն ինքն իրեն 1 միլիոն դրամ պարգևատրում է դուրս գրել։ Ի դեպ, նույն կարգադրության մեջ մարզպետը շռայլորեն 100 տոկոսանոց պրեմիայով նաև բաջանաղին՝ փոխմարզպետ Արտավազդ Նազարեթյանին է ներառել։
Դեկտեմբերի 2-ին՝ ժամը 06:50-ի սահմանում, ՊԲ հյուսիս-արևելյան ուղղությամբ տեղակայված զորամասերից մեկի պահպանության տեղամասում, դեռևս չպարզված հանգամանքներում, մահացու հրազենային վիրավորում է ստացել ՊԲ զինծառայող, 1998թ. ծնված Արթուր Իշխանի Աջամյանը, իսկ զինծառայող, 1999թ. ծնված Դավիթ Հարությունի Մելիքբեկյանը վիրավորվել է:
«Ձեր իշխանությունը վստահո՞ւմ է Կենտրոնական բանկի նախագահ Արթուր Ջավադյանին, հաշվեքննիչ պալատի նախագահ Սերժ Սարգսյանի ընկեր Լևոն Յոլյանին, Վանաձորի քաղաքապետ Մամիկոն Ասլանյանին, Գյումրիում բոնուսներով և կեղծիքներով ընտրված Սամվել Բալասանյանին… այս ցանկը կարող եմ շարունակել: Կա երկու տարբերակ՝ կամ ասում եք, որ այդ մարդկանց վստահում եք, կամ՝ ինչո՞ւ նախագծեր չեք բերում, որպեսզի իրենց էլ «փուռը տաք», գնան, որպեսզի նրանց տեղերում նորմալ, ժողովրդի վստահությունը վայելող մարդիկ նշանակվեն»,- հարցրեց Էդմոն Մարուքյանը:
Կարծում եմ, իշխանության շուտափույթ հեռանալու մասին պնդումը լավագույնս հիմնավորել է հենց ինքը՝ դեսպան Մինասյանը։ Իր հայտնի գրառման մեջ նա հստակ նշել է, որ այս ռեժիմի ժամանակավորության թիվ 1 լակմուսը որոշում ընդունելու անկարողությունն է։ Միքայել Մինասյանը փաստում է, որ «երկրի ամենացավոտ հարցերի վերաբերյալ մինչև հիմա նրանք ի վիճակի չեն եղել կայացնել որևէ որոշում»։ Եվ սա ճշմարտություն է։
Ո՞ւմ և ինչի՞ համար են այդ գումարները, երբ բյուջեի փողերը մնացել են օդում կախված, հայտնի չէ:
Հարկային արտոնությունների տեսքով պետական բյուջեն մեծ գումարներ է կորցնում։ Խոսքը տարեկան շուրջ 455 մլրդ դրամի կամ գրեթե 950 մլն դոլարի մասին է։
Ադրբեջանում Հեյդար Ալիևի գվարդիայի թուլացմամբ ավարտին է մոտենում Փաշաևների պայքարը «Նախիջևանյան կլանի» հետ՝ հօգուտ Փաշաևների: Երկու կլանների միջև վճռական ճակատամարտը սկսվեց 2017 թվականին, երբ փետրվարի 21-ին Ադրբեջանի նախագահ Իլհամ Ալիևն իր կնոջը՝ Մեհրիբան Ալիևա Փաշաևային, նշանակեց առաջին փոխնախագահի պաշտոնում, որին ապրիլ ամսին հաջորդեց նախագահական հին աշխատակազմը հեռացնելու և նոր աշխատակազմ ձևավորելու նրա որոշումը: Երեք տարի առաջ արդեն ակնհայտ էր, որ ներկայիս նախագահը պատրաստվում է իշխանությունը փոխանցել ադրբեջանական մյուս հզոր կլանին՝ Փաշաևներին, այս դեպքում՝ նրանց ներկայացուցիչ, Առաջին տիկին և, համատեղությամբ՝ առաջին փոխնախագահ Մեհրիբան Ալիևային:
Իրանի Իսլամական Հանրապետության հյուսիսում գտնվող հայկական Սուրբ Ստեփանոս կամ Մաղարդավանք վանական համալիրը, որը 2008 թվականին գրանցվել է ՅՈՒՆԵՍԿՕ-ի համաշխարհային ժառանգության ցանկում՝ «Հայկական եկեղեցիներն Իրանում» անվան տակ, համարվում է Իրանի և «Արաս» տնտեսական գոտու խոշոր զբոսաշրջային կենտրոններից մեկը։
Մեր երկրի խորհրդանիշը դարձած «Մայր Հայաստան» հոյակերտ հուշակոթողի հեղինակ քանդակագործ Արա Հարությունյանն իր ստեղծագործական կյանքի ընթացքում հաճախ է սթրեսներ տարել, շատ անգամներ է ստիպված եղել հաղթահարել սովետական ժամանակաշրջանի արգելքները և ծանրաշարժ չինովնիկների բյուրոկրատիզմը։
Հիմա մատների վրա կարելի է հաշվել այն շենքերը, տներն ու շինությունները, որոնք մնացել են Հին Երևանից։ Այդ պատառիկները մեր մայրաքաղաքի հին օրերի մասին պատմող վերջին վկաներն են։ Պատմություններ կարող են պատմել նաև հին լուսանկարները, տեսանյութերն ու հուշերը։ Բարեբախտաբար, արխիվներում պահպանվել են լուսանկարներ հին Երևանի առևտրական հրապարակից, որ անվանում էին «Ղանթարի» շուկա կամ «Չարսու» բազար։
Կառավարությունը մտադիր է անցնել առողջության համապարփակ ապահովագրության։ Ու դրա համար նախատեսում է սահմանել նոր` առողջապահության հարկ, որը պիտի վճարի աշխատողը` սեփական աշխատավարձից։
Նրա խոսքով՝ թե՛ Հայաստանում, թե՛ Ադրբեջանում հասարակություններն ուզում են խաղաղություն. «Սակայն, ի տարբերություն երկու հասարակությունների և հայաստանյան իշխանությունների, ադրբեջանական իշխանությունը չի ձգտում խաղաղության, այլ ձգտում է ռազմատենչ հայտարարություններով մնալ իշխանության և իր սեփական հասարակությանը հրամցնել, որ՝ այ, տեսեք, մենք գտնվում ենք ռազմական վիճակում, պատրաստվում ենք ազատագրել Լեռնային Ղարաբաղը և դրա համար այսքան հատկացումներ ենք անում, և այլն»:
Զինված ուժերի նկատմամբ մենք պետք է լինենք շատ զգույշ, և յուրաքանչյուր մեր քայլը պետք է լինի հավասարակշռված։ Հիմա շրջանառության մեջ կա մի օրենքի նախագիծ, որով վերացնում ենք վճարել և չծառայելու սկզբունքը. յուրաքանչյուր ՀՀ քաղաքացի պետք է ծառայի բանակում. վերջ։ Հիմա ստացվում է՝ այս առաջարկով ծնողի վրա լրացուցիչ բեռ ենք դնում, որ նա այդ գումարը տա և երեխային ազատի բանակից։ Ես ամեն դեպքում դեմ եմ՝ անկախ նրանից, թե ինչ բացատրություններ կան։ Կրկնում եմ՝ դեմ եմ։
«Փաստ» օրաթերթի՝ ՀՀ քաղավիացիայի ոլորտին մոտ կանգնած աղբյուրները տեղեկացրել են, որ առկա են լուրջ խնդիրներ, որոնք հիմնականում պայմանավորված են ոլորտից հին ու փորձառու մասնագետների հեռանալու հանգամանքով։
«Իմքայլական» պոպուլիստները հոգու խորքում գիտեն, որ իրենց քիչ ժամանակ է մնացել։ Այդ պատճառով ցայտնոտի մեջ են, ինքնավերլուծության, սեփական արարքների հետևանքները գիտակցելու ժամանակ չունեն։ Նրանք հասկանում են, որ իրենց իշխանությունը կարող է ավարտվել ցանկացած պահի, ամեն վայրկյան։ Այս ժամանակավորության մեջ միակ կոնստանտը նրանցից յուրաքանչյուրի ու այս ռեժիմի հավաքական ատելությունն ու ագրեսիան է՝ ամեն ինչի ու բոլորի նկատմամբ։ Ի պատասխան էլ ստանում են օրեցօր հասունացող ու ծավալով եռապատիկ ավելի հանրային ատելություն ու փոխադարձ ագրեսիա։
Վարչապետ Նիկոլ Փաշինյանն այսօր ֆեյսբուքյան իր էջում գրել է, որ ըստ Միացյալ Ազգերի Կազմակերպության սննդամթերքի համաշխարհային կազմակերպության (FAO) ամենամսյա զեկույցի՝ 2019-ի հոկտեմբերին՝ անցած տարվա նույն ժամանակահատվածի համեմատ, սննդամթերքի համաշխարհային գներն աճել են 6 տոկոսով, իսկ Հայաստանում 2019-ի հոկտեմբերին՝ անցած տարվա նույն ժամանակահատվածի համեմատ, սննդամթերքը թանկացել է 0.1 տոկոսով: Տնտեսագետ Թաթուլ Մանասերյանը 168.am-ի հետ զրույցում ասաց՝ նման թվեր հրապարակելիս շատ կարևոր է նշել, թե հատկապես ո՞ր ապրանքների գնաճի մասին է խոսքը:
