«Որոշ պաշտոնյաներ այս հարցն առաջ են բերում՝ առանց գիտակցելու իրենց զբաղեցրած պաշտոնի դերն ու նշանակությունը». Արծվիկ Մինասյան
ՀՅԴ անդամ Արծվիկ Մինասյանից հետաքրքրվեցինք, թե Դաշնակցությունն ինչ վերաբերմունք ունի օրհներգի փոփոխության հարցի առնչությամբ: Նրա բնորոշմամբ՝ ՀՀ օրհներգը փոխելու առաջարկությունն առաջ բերելը կեղծ օրակարգ է։
«Որոշ պաշտոնյաներ այս հարցն առաջ են բերում՝ առանց գիտակցելու իրենց զբաղեցրած պաշտոնի դերն ու նշանակությունը։ Սա խոսում է այն մասին, որ ազգային պետության պատկերացումները ոչ միայն աղճատված են, այլև առանձին դեպքերում կարծես չկան։
Հորդորում եմ ձեռնպահ մնալ մեր պետականությունն ամրապնդող խորհրդանիշների նկատմամբ նման վայրագ վերաբերմունքից. սա լավ տեղ չի տանելու։ «Նոր Հայաստանում» ամեն ինչ պետք է նորովի՞ լինի, մենք պատմություն ու անցյալ չունե՞նք, ճանապարհ չունե՞նք անցած, սա ո՞ւր է տանելու»,- 168.am-ի հետ զրույցում նշեց Արծվիկ Մինասյանը և հավելեց, որ Դաշնակցությունը դեմ է նման կարգի փոփոխությունների։
Զվարթ Խաչատրյան
