Թուրքիայում երկրաշարժի հետևանքով ավերածություններ են
6.1 մագնիտուդով ուժեղ երկրաշարժ է տեղի ունեցել Թուրքիայի արևմուտքում: Կան ավերածություններ, և զոհերի թիվը ճշտվում է: Երկրաշարժի էպիկենտրոնը Սընդիրի քաղաքից մոտավորապես 10 կմ հեռավորությամբ է: Հզոր ցնցումները զգացվել են Ստամբուլում, Իզմիրում, Բալիկեսիրում և երկրի մի շարք այլ շրջաններում:
Մի քանի քաղաքներում շենքեր են փլուզվել, և այս պահին էլեկտրաէներգիայի և ջրամատակարարման անջատումներ կան: Մարդիկ լքում են իրենց տները՝ վախենալով հետցնցումներից և հետագա ավերածություններից: Դեպքի վայրում աշխատում են արտակարգ ծառայությունները:
