Նա նշեց, որ եթե ինչ-որ մեղադրանք պետք է հնչի ՀԱԿ-ի և «Ժառանգության» նկատմամբ, դրա իրավունքն ունի միայն Գագիկ Ծառուկյանը. «Եթե նա հնչեցներ, ես կհամարեի, որ ինչ-որ չափով մեղք ունեն: Ես եռյակի բանակցություններին չեմ մասնակցել, չեմ կարող գնահատել, թե ինչ բանակցություններ են եղել, ինչ է խոսվել, և կարծում եմ՝ Գառնիկ Իսագուլյանն էլ չի մասնակցել եռյակի հանդիպումներին»:
«Այն, թե ինչպես ենք մենք իրար հետ շփվում, որ քաղաքավարի խոսելը համարվում է թուլության նշան, եթե տղամարդ ես, պետք է անպայման սպառնալիքներով խոսես, պետք է մռութ ջարդես, քրեական լեզվով՝ «նակազատ» անես: Սա այն իրավիճակն է, երբ չգրված օրենքները, դառնում են ավելի կարևոր, քան գրված օրենքները: Մենք սա տեսնում ենք ամեն քայլափոխի: Քրեական աշխարհի սկզբունքները դարձել են հասարակության ապրելու սկզբունքները»:
Քաղաքագետը հիշեցրեց, որ փետրվարի 12-ին Սերժ Սարգսյանի ելույթի վերջում նա նաև նշեց 4 կետից բաղկացած մի ծրագիր, որի հիման վրա նախագահը «կոչնչացնի» Գագիկ Ծառուկյան քաղաքական գործչին, եթե վերջինս ինքնակամ չլքի քաղաքական դաշտը. «Այս ժամանակահատվածում երևի Գագիկ Ծառուկյանին հաջողվել է բոլոր վտանգները չեզոքացել՝ խոստանալով դուրս գալ քաղաքականությունից, միևնույն ժամանակ՝ պահպանել իր անվտանգությունը, անձեռնմխելիությունը, նաև բիզնես ստրուկտուրաները, որոնք ինքն ունի ՀՀ տարածքում: Շատ սպասելի էր նրա այս քայլը, և բոլորն էին սպասում»:
«Մեզ համար պարզից էլ պարզ էր, որ արդյունքում այսպես կլիներ, այստեղ ուրիշ խնդիր կա՝ այդ «համաժողովրդական շարժման» լիդերներն ի՞նչ պատասխան են տալու ժողովրդին՝ 1 տարուց ավելի հուսադրեցին, որ էսօր-էգուց իշխանափոխություն են անելու, արդյունքում՝ ի՞նչ, մեկը իր բիզնեսով, մեկը իր դղյակում, մյուսն անհասկանալի պահվածքով…»,- 168.am-ի հետ զրույցում խոսելով՝ Գագիկ Ծառուկյանի ԲՀԿ առաջնորդի պաշտոնից և ակտիվ քաղաքականությունից դուրս գալու հայտարարության մասին՝ նման տեսակետ հայտնեց «Ժողովրդավարական հայրենիք» կուսակցության նախագահ Պետրոս Մակեյանը:
«Բոլորն նրանք, ովքեր այս պահին ստանձնել են ԲՀԿ-ի ղեկավարությունը, ավելի շուտ իրենք կարող են պատասխանել ԲՀԿ-ի հետագա գործունեության վերաբերյալ հարցերին»,- 168.am-ի հետ զրույցում պատասխանելով մեր հարցին՝ ինչպիսի՞ն է լինելու ԲՀԿ-ի հետագա գործունեությունն առանց Գագիկ Ծառուկյանի, այսպես արձագանքեց ԲՀԿ անդամ, տնտեսագետ Վարդան Բոստանջյանը:
«ստ էության, եթե մենք նայում ենք փետրվարի 12-ից հետո հետագա գործողություններին՝ Լևոն Տեր-Պետրոսյանի «Սրտի խոսքը», մնացած գործողությունները, բոլորն ասում էին՝ փետրվարի 20-ի ամեն ինչը պայմանավորված է Գագիկ Ծառուկյանով: Ըստ էության, բոլորը պատասխանատվության սլաքն ուղղել էին Գագիկ Ծառուկյանի վրա, այդ թվում նաև իր թիմի անդամները: Հստակ երևում էր, որ ինքն, ըստ էության, ամբողջ պատասխանատվության կրողն է դառնում, և մնացած բոլորը ցանկացած ելքի պարագայում՝ ունեն արդարացումներ, միակ մարդը, որի վրա մնում է ամբողջ ծանրությունը, դա պարոն Ծառուկյանն էր: Այդ պարագայում արդեն բավականին լուրջ որոշում պետք է կայացվեր, և նա որոշեց, որ այդ ամբողջ հարվածը ուղղակի կարող է վերցնել իր անձի վրա»:
Այսօրվա ասուլիսի ժամանակ 168.am-ը գործարար Սիլվա Համբարձումյանից հետաքրքրվեց՝ արդյոք Սյունիքի մարզպետ Սուրիկ Խաչատրյանի հետ տեղի ունեցած միջադեպից հետո նրանք նորից հանդիպե՞լ են կամ որևէ շփում ունեցե՞լ են:
«Ինձ առաջարկեցին, որ ես գնեմ, ասաի՝ ինչի՞ս է պետք, բա՝ «գրավ է դրված, բան», ասացի՝ էդ Արմեն Մովսիսյա՞նն է դրել, ասացին՝ հա»,- ասում է Սիլվա Համբարձումյանը:
«Ես ունեմ ամերիկացի ընկեր Նյու Յորքից, մի քանի ամիս առաջ հրավիրել էի այստեղ որպես տնտեսագետ՝ խորհրդատվության համար: Ինքը գիտի, որ ես շատ հզոր հացի գործարան եմ կառուցում, ասացի՝ ուզում եմ վաճառեմ, ասաց՝ թիվ գրեք, ես դնեմ իմ գրպանը, ես ձեզ հետ 2017 թվականին կխոսեմ: Այսինքն՝ ասում է՝ արագ հավաքվի ու հացը սկսի արտադրել: Ես վստահեցի նրան և արագ ավարտում եմ գործարանի կառույցը, հունիսի 1-ին բացումն եմ անելու»:
Գործարար Սիլվա Համբարձումյանը, որը նաև մտերիմ է ԲՀԿ-ական Վարդան Օսկանյանի հետ, ոչ իշխանական քառյակի, հետագայում արդեն եռյակի գործունեության նման ավարտի մասին կանխատեսել է քառյակի ստեղծման առաջին իսկ օրվանից: 168.am-ի հետ զրույցում խոսելով Վարդան Օսկանյանի՝ ԲՀԿ-ից դուրս գալու մասին՝ Ս. Համբարձումյանը ասաց, որ պայքարի սկզբում ինքը Վարդան Օսկանյանին ասել է՝ «Դուք վստահո՞ւմ եք Գագիկ Ծառուկյանին, ասաց՝ «կարծում եմ՝ այս անգամ չեն խաբի», ասացի՝ բայց ես կարծում եմ, որ կխաբեն, ասաց՝ «չէ, ես շատ վստահ եմ», նա ասաց՝ «եթե դա լինի, ես այլևս չեմ շփվի նրանց հետ»:
«Ժողովրդին մոբիլիզացնող և ռեժիմին հեռացնող կազմակերպական ուժ է ձևավորվում, որը պետք է գործի խաղաղ անհնազանդության մեթոդներով՝ դա զինված կազմակերպություն չէ»,- 168.am-ի հետ զրույցում՝ խոսելով Հիմնադիր Խորհրդարանի անդամ Ժիրայր Սէֆիլյանի տարածած հայտարարության մասին, որով նա կոչ էր անում բոլորին միանալ իրենց քաղաքացիական բանակին՝ ասաց Հիմնադիր խորհրդարանի նախագահի տեղակալ Վարուժան Ավետիսյանը:
Երևան քաղաքի ոտիկանության պետ Աշոտ Կարապետյանը տեղեկացրեց, որ սպանվածներից ոչ մեկը կալանավորված չի եղել:
Քիչ առաջ 168.am-ին զանգահարեց Մեսրոպ Մելիքյանի՝ «Մանումենտցի Մոսոյի» հայրը՝ Սաշիկ Մելիքյանը և տեղեկացրեց, որ մամուլում շրջանառվող այն տեղեկությունները, թե իր որդին սպանվել է Նուբարաշենի ՔՀԿ-ի մոտ հնչած կրակոցների հետևանքով, չեն համապատասխանում իրականության. «Իմ որդին իմ կողքին նստած է, խնդրում եմ հերքեք այդ տեղեկությունները, սպանվածը Օշականցի Գևորիկի եղնայրն է, ոչ թե իմ որդին»:
«Նուբարաշեն» քրեակատարողական հիմնարկի մոտ ՀՀ Քննչական պետի տեղակալ Սամվել Տոնոյանը լրագրողների հետ զրույցում ասել է, որ այսօր տեղի ունեցած փոխհրաձգության հետևանքով երեք անձանց սպանության առթիվ հարուցվել է քրեական գործ 104-րդ հոդվածի 2-րդ մասի 1-ին կետով և 235 հոդվածի 1-ին մասով։ Նա տեղեկացրել է նաև, որ զննություն է կատարվում դեպքի վայրում՝ տուժողների ինքնությունները ճշտելու և ինչպես նաև հանցագործություն կատարած անձանց ինքնությունները պարզելու համար։
Ոստիկանության լրատվական ծառայությունից քիչ առաջ 168.am-ի հետ զրույցում հաստատեցին տեղեկությունը, որ այսօր «Նուբարաշեն» ՔԿՀ-ի մոտ հնչած կրակոցների հետևանքով մահացած երեք անձանցից մեկը «Երրորդմասցի Լյովիկ» մականունով հայտնի Լևոն Ղազարյանն էր:
Սոցիոլոգի խոսքով՝ հայերը տարածաշրջանում ունեն ամենաբարձր IQ-ն. «Մենք Ղարաբաղյան պատերազմում հաղթել ենք, որովհետև մեր IQ-ն ադրբեջանցիներից բավականին բարձր է: Մեր IQ-ն վրացիներից էլ է բարձր, IQ-ն է պատերազմում հաղթում, փող ստեղծում: Տարածաշրջանում մենք ունենք ամենաբարձր IQ-ն»:
Լեզուն այն ամենախոշոր ծանր հրետանին է, որը ձևավորում է գիտակցությունը: Ըստ դրա՝ ձևավորվում է մարդու աշխարհայացքը, որոշակի առումով` նրա հոգեկերտվածքը, մտահորիզոնը, ճաշակը, ու այդ բոլորը ձևավորում են յուրահատուկ անհատ: Այս կարծիքին է հոգեբան Աննա Բադալյանը, որն այսօր՝ մանկական հեռուստատեսության և ռադիո հեռարձակման միջազգային օրվա առթիվ հրավիրված ասուլիսի ընթացքում խոսեց հեռուստատեսությամբ և ռադիոյով հեռարձակվող մանկական հաղորդումների հոգեբանական ազդեցության մասին:
Նրա խոսքով՝ մենք ապրում ենք պոստ-մոդեռն դարաշրջանում, որը մեզնից պահանջում է ունենալ ռեֆլեքսիվ մտածողություն և բարձր մտավոր ունակության գործակից՝ IQ: Այն երկիրը, որը հասնում է բարձր IQ-ի, այդ երկրում մարդիկ ավելի երջանիկ, հարուստ և առողջ են:
«Փորձենք հասկանալ՝ ինչումն է կայանում ՀԱԿ-ի ընդդիմադիր լինելը: Արտաքին քաղաքականության մեջ այդ կազմակերպության հայացքը 100%-ով համընկնում է իշխանությունների հետ, ներքին գործելաոճը համընկնում է: Այսինքն՝ մեզանից բացի՝ բոլորը ստոր են, սրիկա են, կամ մեզ հետ ես, կամ մեր դեմ ես»,- այսօրվա ասուլիսի ժամանակ ասաց «Քաղաքացիական պայմանագիր» միավորման կառավարման խորհրդի անդամ Ալեն Սիմոնյանը:
«Շրջանառության հարկի մասին» նոր օրենքի դեմ պայքարող «Կասեցում» նախաձեռնության անդամ, ԲՀԿ-ական Արտակ Խաշատրյանը 168.am-ի հետ զրույցում նշեց, որ այդ փոփոխությունը չի բավարարում, որովհետև փաստացի հարկային բեռը ծանրանում է.
Այսօրվա ասուլիսի ժամանակ «Օրինաց երկիր» կուսակցության քաղաքական խորհրդի անդամ Արթուր Միսակյանը՝ ադրադառնալով ՀՀ առաջին նախագահ Լևոն Տեր-Պետրոսյանի մարտի 1-ին ելույթին՝ ասաց, որ Հայաստանում հստակ կա քաղաքական մենաշնորհ՝ ՀՀԿ-ն բացարձակ մեծամասնություն է ԱԺ-ում, կա նաև տնտեսական, տեղեկատվական մենաշնորհ, հիմա էլ գնում է ընդդիմադիր դաշտի մենաշնորհացման գործընթացը, որը, ըստ նրա՝ շատ անընդունելի է.
«Առաջին նախագահն ասում՝ պետություն, շարժվիր իմ ուղենշած ուղիով և մի շեղվիր, եթե շեղվես, կարող է՝ լինել աղետալի հետևանք: Այսինքն՝ եթե դու հիմա այս հռչակագիրն ընդունեցիր, աշխարհի երկրները շուռ կգան Հայաստանից, Թուրքիան կկատաղի, և մենք կունենանք աղետալի հետևանք»,- այսօրվա ասուլիսի ժամանակ խոսելով ՀՀ առաջին նախագահ Լևոն Տեր-Պետրոսյանի մարտի 1-ին հնչեցրած ելույթի մասին՝ ասաց ՀՀ ՊՆ նախկին փոխնախարար Վահան Շիրխանյանը:
«Ես չեմ համարում, որ Հայաստանում եղել է ընդդիմություն, որովհետև ընդդիմությունը նշանակում է քաղաքական կառույց՝ հիմնված գաղափարական դրույթների վրա: Ընդդիմությունը, որն ասում եք, թե փոշիացավ՝ գաղափարական հիմքեր չուներ, իսկ եթե քաղաքական պայքարը չունի գաղափարական հիմքեր, ապա այդ պայքարը նույնպես քաղաքական համարել չի կարելի»,- այսօր լրագրողների հետ հանդիպման ժամանակ պատասխանելով հարցին՝ համարո՞ւմ եք, որ վերջին շրջանում ընդդիմության փոշիացման գործընթաց տեղի ունեցավ, ասաց ՀՀ ՊՆ նախկին փոխնախարար Վահան Շիրխանյանը:
«Քաղաքացիական պայմանագիր» միավորման կառավարման խորհրդի անդամ Ալեն Սիմոնյանն այսօր հրավիրված ասուլիսի ընթացքում խոսելով «Բարգավաճ Հայաստան» կուսակցության (ԲՀԿ) ներկայի և ապագայի մասին՝ նշեց, որ իրենց համար դեռ սկզբից էլ պարզ էր, որ նմանատիպ իրավիճակ է ստեղծվելու։ «Մենք այդպես էլ չհասկացանք՝ ե՞րբ ԲՀԿ-ն դարձավ ընդդիմություն, պոկվեց իշխանությունից և գնաց՝ որպես ընդդիմություն»։
«Արժի՞, որ ընդհանրապես գնահատական տամ։ Կարծում եմ՝ այնտեղ գնահատական տալու բան չկա»,- այսօր լրագրողների հետ հանդիպման ժամանակ անդրադառնալով ՀԱԿ առաջնորդ, ՀՀ առաջին նախագահ Լևոն Տեր-Պետրոսյանի ելույթին՝ նման տեսակետ հայտնեց «Քաղաքացիական պայմանագիր» միավորման կառավարման խորհրդի անդամ Ալեն Միմոնյանը։ Ըստ նրա՝ այսօր ՀԱԿ-ը և իր առաջնորդը խնդիր ունեն վերակենդանանալու, ինչ-որ տեղից ուժ քաղելու։
Անցյալ տարի հոկտեմբերի 24-ին տեղի ունեցած հանրահավաքի ժամանակ առաջին նախագահը խոստացել էր «փակել մարգինալների թեման և այլևս երբեք չանդրադառնալ դրան` նույն բանն ակնկալելով նաև իր գործընկերներից». «Մենք լծված ենք լրջագույն մի գործի, որից նման մանրուքների պատճառով շեղվելու իրավունք չունենք»։ Սակայն մարտի 1-ին տեղի ունեցած հանրահավաքի ժամանակ Լ. Տեր-Պետրոսյանը կրկին անդրադարձավ այլ ընդդիմադիր ուժերին, այս անգամ` կոդավորված։
Ա.Նավասարդյանն ի պատասխան նշեց, թե երեկվա՝ Հայ ազգային Կոնգրեսի հանրահավաքի ժամանակ հնչած անվանարկումներից հետո՝ ինքը ավելի քան համոզված է, որ իրենց այդ անվանումը շատ տեղին է. «Որովհետև այս վերջին 3-4 տարվա ընթացքում մենք ավելի շատ տեսնում ենք պայքար ընդդիմությունը ընդդիմության դեմ, թե ով է իրական ընդդիմությունը, քան թե տեսնում ենք ընդդիմության պայքարը իշխանական թևի հետ»:
«Գելլափ Ինթերնեյշնլ» ասոցիացիայի հայաստանյան ներկայացուցչության տնօրեն Արամ Նավասարդյանն այսօրվա ասուլիսի ժամանակ ներկայացրեց նոյեմբերի վերջին իրենց կատարած հետազոտության արդյունքները:
«Գելլափ Ինթերնեյշնլ» ասոցիացիայի հայաստանյան ներկայացուցչության նոյեմբեր ամսին անցկացրած հեռազոտության հարցումներից մեկը եղել է 1-5 սանդղակով գնահատել, թե որքանո՞վ են հետևյալ քաղաքական գործիչները ընդդիմադիր (1-ը կրկին նշանակում է, որ ընդհանրապես ընդդիմադիր չէ, և 5-ը՝ շատ ընդդիմադիր է):
Այսօր «Գելլափ Ինթերնեյշնլ» ասոցիացիայի հայաստանյան ներկայացուցչության տնօրեն Արամ Նավասարդյան լրագրողների հետ հանդիպման ժամանակ հրապարակեց նոյեմբերի վերջին իրենց կատարած հետազոտությունը ընդդիմության վերաբերյալ: Նրա խոսքով՝ քանի որ պրոցեսները շատ բուռն էին զարգանում այդ ամիսներին, իրենք փորձել են զերծ մնալ որոշակի ազդեցությունից, ուստի չէին հրապարակում այս արդյունքները:
