«Ես իմ իրավունքները պաշտպանելու ձևը գիտեմ և կպայքարեմ, քանի դեռ Գլխավոր դատախազությունն ու Ազգային անվտանգության ծառայությունը ներողություն չեն խնդրել»,- հայտարարեց Ա. Արզումանյանը:
Վարդան Օսկանյանը ՀՀ գլխավոր դատախազությանը տրամնադրել է բանկային հաշիվներում դրամական միջոցների շարժը, ինչից ակհայտ երևում է, որ բարեգործական նպատակների համար նախատեսված դրամական միջոցների մի մասը ծախսվել է անձնական նպատակներով:
«Այն պատգամավորները, որոնք դեմ են, ուղղակի հորդորում եմ չմասնակցել քվեարկությանը: Մասնակցելով այս քվեարկությանը՝ ուղղակիորեն կլեգիտիմացնենք այս ֆարսը: Այս կերպ մենք մեր միաձայն անհամաձայնությունը կհայտնենք Հայաստանում քաղաքական հաշվեհարդարներին»,- հայտարարեց Նաիրա Զոհրաբյանը:
«Փողը կա, բողոքը չկա: Ի՞նչ անեմ: Ես կարծում եմ` սա փոթորիկ է ոչ թե ինչ-որ մի փոքրիկ բաժակի մեջ, սա նույնիսկ փոթորիկ չէ մատնոցի մեջ: Իսկապես, ես նստած լսում եմ, մտածում եմ` մենք մեր երկրի խնդիրները թողած, էս հարցերով պիտի զբաղվե՞նք: Իսկապես, սրա՞նք են մեր խնդիրները: 10 տարվա արտգործնախարարին բերել եք էստեղ, էսպիսի հարցադրումնե՞ր եք անում»:
«Վերջին շրջանում փորձեր են ձեռնարկվում ճնշումներ գործադրել Սաֆարովի գործով, իսկ այս հանձնաժողովի ստեղծումը շատ կարևոր է այդ փորձերի ձեռնարկումն ու կանխակալ փաստաթղթերի ընդունումը կանխելու տեսանկյունից: Հայամետ ուժերը, օգտվելով այս առիթից, ցանկանում են ճնշումներ բանեցնել Ադրբեջանի վրա՝ Ղարաբաղյան հակամարտության կարգավորումն օրակարգից դուրս մղելու համար», այս հանձնաժողովի ստեղծման կապակցությամբ ասել է Ադրբեջանի խորհրդարանի խոսնակ Օգտայ Ասադովը:
Իշխող մեծամասնությունը կարող է խնդիրներ ունենալ ոչ միայն քվեարկության, այլև քվորում ապահովելու հարցում: Հատկապես, որ առավոտյան տեղի ունեցած օրինագծերից մեկի քվեարկության ժամանակ ներկա է եղել ուղիղ 66 պատգամավոր: Այսինքն`եթե էլեկտրոնային քվեարկության ժամանակ քվեարկել է այդքան թվով պատգամավոր, ապա ակնհայտ է, որ փակ, գաղտնի քվեարկության պարագայում իշխանությունները կարող են հայտնվել փաստի առաջ:
«Ես նախկինում արդեն ասել եմ` նաև հղում կատարելով իր հեռուստատեսային ելույթներին, հատկապես իր վերջին հանդիմանանքին, որ ողջունելի է, բայց խիստ ընտրովի է և խիստ ուշացած»,- այսօրվա ասուլիսում հայտարարեց «Ժառանգություն» կուսակցության նախագահ Րաֆֆի Հովհաննիսյանը` պատասխանելով լրագրողներից մեկի հարցին` թե հաշվի առնելով, որ քրեական հետապնդման է ենթարկվում ոչ միայն Վարդան Օսկանյանը, այլև ՀՀԿ-ական Վազգեն Խաչիկյանը, այդ գործընթացը նույնպես համարում եք նախընտրակա՞ն, թե՞, այնուամենայնիվ, նախագահի կողմից կա անկեղծ ցանկություն՝ գործերը կարգի բերելու:
«Հիմա այս պահի դրությամբ արդեն փողը կա, ոչ մի բողոք չկա և չի էլ եղել ո’չ Հանսթմանի, ո’չ էլ հիմնադրամի կողմից»,- ասաց նա` հավելելով, թե ինքն այդ փողերի կարիքը չունի:
Պարոն Այվազյանին հարցրեցինք` այսինքն ստացվում է, որ Րաֆֆի Հովհաննիսյանը սո՞ւտ է խոսում: «Այսինքն` ես Րաֆֆի Հովհաննիսյանի և Խաչատուր Քոքոբելյանի միջև պայմանավորվածության մասին ինֆորմացիա չունեմ»,- հայտարարեց նա` ըստ էության չբացառելով, որ Ր. Հովհաննիսյանը կարող է նաև սուտ խոսել:
168.am-ի թղթակցի փոխանցմամբ` ԱԺ-ում ՀՀ գլխավոր դատախազի կողմից ներկայացվող միջնորդագրի քննարկման ժամանակ Աղվան Հովսեփյանը հայտարարեց, թե փողերի լվացում չի նշանակում միայն անհայտ ծագման փողերի լվացում:
Երկուստեք կարևորվել է Բունդեսթագի կողմից հովանավորվող Միջազգային խորհրդարանական կրթաթոշակ ծրագիրը և դրա շարունակականությունը: Հանդիպման ընթացքում անդրադարձ է եղել Հայաստանի ներքաղաքական իրավիճակին, քննարկվել են երկկողմ հետաքրքրություն ներկայացնող այլ հարցեր ևս:
«Այստեղ միջնորդությունը արված է միայն և միայն որպես մեղադրյալ ներգրավելու և որևէ կալանքի կամ ձերբակալության հարց առաջ չի քաշվում: Դրանով նախաքննության մարմինը հնարավորություն է տալիս Վարդան Օսկանյանին զբաղվել իր պատգամավորական գործունեությամբ, օգտագործել ԱԺ ամբիոնը, ազատ տեղաշարժվել»,- հայտարարեց Ա. Հովսեփյանը:
«Բայց ինձ մի փոքր զարմացնում է այն, որ ինձ հետ միասին իր մանդատը վայր չդրեց «Ազատ դեմոկրատներ» կուսակցության նախագահը (Խաչատուր Քոքոբելյանը.- Ա.Ս.), որովհետև մենք ունեինք համաձայնություն, որ միասին պետք է վայր դնեինք, որպեսզի առավել երիտասարդներին տեղ տայինք: Իր վերադարձից հետո ես այդ և հարակից այլ հարցերի վերաբերյալ կլսեմ իր պատասխանները, և մի քանի շաբաթ անց՝ այս ամսվա ընթացքում, դուք կստանաք վերջնական պատասխանը թե՛ այդ, թե՛ իմ թեկնածության վերաբերյալ»,- հայտարարեց Րաֆֆի Հովհաննիսյանը:
Հարցին, թե ինչո՞ւ ԱԺ նախագահը չթույլատրեց, որպեսզի այդ փաստաթղթերը բաժանվեն նիստի ընթացքում, ԲՀԿ-ական պատգամավորը պատասխանեց, որ այդ մասին պետք է հարցնել ԱԺ նախագահից, ով իրեն ասել էր, թե նպատակահարմար չի գտնում, որ Նիստերի դահլիճում փաստաթղթեր բաժանեն: Իսկ հարցին, թե ինչո՞ւ կուսակցության առաջնորդ Գագիկ Ծառուկյանը ներկա չի գտնվելու նիստին, Ն. Զոհրաբյանը պատասխանեց. «Պարոն Ծառուկյանը նախապես ծրագրված այց ուներ, և այդ պատճառով բացակայում է: Ո՛չ, նա Հայաստանում չէ: ԲՀԿ պատգամավորներն իրենց ելույթները կունենան, և ֆրակցիայի անունից ես կխոսեմ»:
«Պարոն Օսկանյանը ծառայել է հանրապետությանը, և մենք պահանջում ենք, որ արդար որոշում կայացնեն: Եթե երիտասարդները որոշեն գնալ, կրթություն ստանալ արտերկրում, հիմա ի՞նչ` էդ մարդուն էսպես պիտի դիմավորե՞ն: Պարոն Օսկանյանն էն քիչ պաշտոնյաներից ա, որ բարձրագույն կրթություն ունի, որ արտասահմանում ա սովորել, իսկ հիմա ճի՞շտ է, որ իր հետ էսպես են վարվում»:
«Կարծում եմ` իրենք ճիշտ դիրքորոշում չեն որդեգրել, և կարծում եմ` իրենք պետք է մասնակցեին և’ քննարկմանը, և’ քվեարկությանը ու ներկայացնեին իրենց հակափաստարկները: Դրանից հետո եթե դեմ են, թող դեմ քվեարկեն, բայց պետք է ապացուցեին իրենց հիմնավորումները: Բայց դա իրենց իրավունքն է, ինչպես կուզեն` այնպես էլ կորոշեն»:
Կամ բոլոր պաշտոնյաները` վարչապետն ու պատգամավորները պետք է զրկվեն անձեռնմխելիությունից, կամ` ոչ ոք: Այս ամեն ինչն անընդունելի է, եթե չի վերաբերելու բոլորին: Եթե Վարդան Օսկանյանը 2 մլն պարտք է, թող տա, բայց դատախազը և մյուսները պետք է պատասխան տան, թե վերջին ընտրություններում հարյուրավոր միլիոններն ովքեր բաժանեցին, ով հրահանգեց: Վարդան Օսկանյանին քավության նոխազ, նախընտրական զոհ չդարձնեք, խնդիրը բոլորովին այլ տեղ է»:
ԱԺ «Ժառանգություն» խմբակցության ղեկավար Ռուբեն Հակոբյանը 168.am-ի թղթակցի հետ զրույցում ասաց, որ «Ժառանգություն» կուսակցությունը համակողմանի քննարկում է ծավալել և որոշել է չմասնակցել ՀՀ գլխավոր դատախազի կողմից ԱԺ ներկայացված` ԲՀԿ-ական պատգամավոր Վարդան Օսկանյանին անձեռնմխելիությունից զրկելու մասին միջնորդագրի քվեարկությանը:
«Հայաստանի գլխավոր դատախազին ես հորդորում եմ լրջորեն հաշվի առնել Վարդան Օսկանյանին անձեռնմխելիությունից զրկելու և շինծու մեղադրանքներով դատապարտելու հետևանքները: Այս գործողությանը մեծագույն մտահոգությամբ հետևում են բոլոր այն մարդիկ, ովքեր մտահոգված են խոսքի ազատությամբ իրապես ժողովրդակավարական և ժամանակակից երկրում»,- ասել է Ատոմ Էգոյանը:
«Կարծում եմ` Դուք ճիշտ կանեք Ձեր քաղաքացիական իրավունքն իրականացնել և այդ հարցով դիմել դատաքննչական մարմիններին, և ես ցուցմունք կտամ համապատասխան մարմիններին»:
«Մենք՝ որպես գերմանահայ ուսանողներից և երիտասարդ գիտնականներից կազմված խումբ, որոշեցինք բաց նամակով դիմել Ձեզ և Ձեզ ուղղել պարզագույն հարց՝ ո՞ւմ շահերն է ներկայացնում Գերմանիայում Հայաստանի Հանրապետության դեսպանը, Հայաստանի՞, թե՞ հարևան Ադրբեջանի: Եթե անակնկալի եկաք տարօրինակ թվացող մեր հարցադրումից, խնդրում ենք այցելեք Գերմանիայում ՀՀ դեսպանության պաշտոնական կայքէջը և ծանոթացեք դեսպան Արմեն Մարտիրոսյանի՝ Գերմանիայի Շլեզվիգ- Հոլշթայն երկրամասի մայրաքաղաք Քիլի համալսարանում այս տարվա հունիսի 29-ին ունեցած ելույթին»:
168.am-ի թղթակիցն ԱԺ-ից հայտնում է, որ արդեն Ազգային ժողովում է ՀՀ գլխավոր դատախազ Աղվան Հովսեփյանը: Նա այժմ ԱԺ ամբիոնից ներկայացնում է այն հիմնավորումները, ըստ որոնց` ԲՀԿ-ական Վարդան Օսկանյանին պետք է զրկել անձեռնմխելիությունից:
168.am-ի թղթակիցը քիչ առաջ ԲՀԿ առաջնորդ Գագիկ Ծառուկյանի խոսնակ Իվետա Տոնոյանից հետաքրքրվեց, թե ինչո՞ւ այսօր ԱԺ չի եկել Գագիկ Ծառուկյանը: Ի պատասխան, Իվետա Տոնոյանն ասել է, թե նախապես պլանավորած աշխատանքային գրաֆիկի շրջանակներում` անհետաձգելի այցով Գագիկ Ծատուկյանը գտնվում է արտերկրում:
Քիչ առաջ Աժ ամբիոնից ԱԺ «Բարգավաճ Հայաստան» խմբակցության քարտուղար Նաիրա Զոհրաբյանը հայտարարեց, որ իրենց պատգամավորներն այսօր չեն մասնակցելու ԱԺ քվեարկություններին:
«Հայաստանի նախկին արտգործնախարար Վարդան Օսկանյանի հետապնդումն ակնհայտորեն քաղաքական բնույթ ունի: 2011թ. սկզբին Ջոն Հանթսմանի հիմնադրամը «Սիվիլիթասի» միջոցով գումար էր տրամադրել Օսկանյանին: Մինչդեռ պարոն Օսկանյանի դեմ գործողությունները ձեռնարկվեցին այն բանից հետո, երբ նա 2012թ. քաղաքականություն վերադարձավ»:
«Նախկին արտգործնախարարը ամերիկացի բարեգործից ստացած 2 մլն դոլարով անկախ ինտերնետային լրատվամիջոց է հիմնադրել: Օսկանյանի համակիրները վստահ են, որ մեղադրանքը քաղաքական հետապնդման դրսևորում է` կանխելու նրա առաջադրումը գալիք նախագահական ընտրություններին»,- հայտնել է արաբական աշխարհում մեծ հեղինակություն վայելող այս լրատվամիջոցը:
Այսօր ժամը 11-ին «Պահանջում ենք դադարեցնել Վարդան Օսկանյանի քաղաքական հետապնդումը» քաղաքացիական նախաձեռնությունը Դեմիրճյան փողոցում` Ազգային ժողովի մուտքի մոտ, ի պաշտպանություն Վարդան Օսկանյանի ակցիա է կազմակերպել:
Վարդան Օսկանյանն այսօր քաղաքական դրդապատճառներով քրեական հետապնդման է ենթարկվում այն իշխանության կողմից, հանուն որի պահպանման 2008 թվականի մարտի 1-ին հիմնավորում էր արտակարգ դրության հայտարարումն ու խաղաղ ցուցարարների նկատմամբ ուժի կիրառումը:
Այսպիսով, ձեռք բերված ապացույցների համակցությունը բավարար հիմք է տալիս Վարդան Օսկանյանին սույն քրեական գործով ներգրավելու որպես մեղադրյալ` առաջադրելով մեղադրանք առանձնապես խոշոր չափերի դրամական միջոցներ յուրացնելու և յուրացման արդյունքում ստացված եկամուտներն օրինականացնելու համար՝ ՀՀ քրեական օրենսգրքի 179-րդ հոդվածի 3-րդ մասի 1-ին կետով և 190-րդ հոդվածի 3-րդ մասի 1-ին կետով:
Լևոն Տեր-Պետրոսյանն ամեն ինչ անում է, որպեսզի նախագահական ընտրություններում ինքը դառնա Ռուսաստանի համար ցանկալի թեկնածուն` դա համարելով հաղթելու կամ գոնե շոշափելի արդյունքների հասնելու գրավականը: Թե որքանով է դա ազնիվ ու բարոյական Հայաստանի ինքնիշխանության տեսանկյունից, այլ քննարկման նյութ է: