Քաղաքականություն

Վրաստանում կառուցվելու է երկրում առաջին նավթավերամշակման համալիրը: Շինարարության մասին պայմանագիրը ստորագրվել է 2016թ․սեպտեմբերի 29-ին Վրաստանի տնտեսական զարգացման նախարարության պետական ունեցվածքի ազգային գործակալության և վրաց-իրանական Geopars ընկերության կողմից։

Ադրբեջանական երկրորդ՝ ADEX 2016 սպառազինությունների ցուցադրությանը Բաքուն ներկայացրել է Şimşək գնդացիրը, որը նախատեսված է տանկերի և զրահատեխնիկայի վրա տեղադրելու համար, հայտնում է ադրբեջանական haqqin.az պորտալը։

Gulfstream G200-ը, որը պատկանում է Կրիշտիանու Ռոնալդուին, վթարի է ենթարկվել Բարսելոնայի El Prat օդանավակայանում: Ինչպես հաղորդում է Sport.es-ը, ինքնաթիռը վթարի է ենթարկվել վայրէջք կատարելիս, և օդանավակայանի ներկայացուցիչները ստիպված են եղել փակել թռիչքուղիներից մեկը:

«Մենք պետք է կարողանանք ներքին ռեսուրսների ճիշտ կառավարում իրականացնել: Կարծում եմ, որ սա է լինելու կառավարության գերխնդիրը: Կառավարությունը պետք է կարողանա կարճ ժամկետներում արձանագրել տեսանելի արդյունքներ, որոնք որոշակիորեն տեսանելի են դարձնելու արդյունավետ կառավարման խնդիրները»:

«Բաքու-Թբիլիսի-Կարս» (ԲԹԿ) երկաթուղային ճանապարհի թուրքական հատվածի շինարարական աշխատանքներն ավարտվում են, և տարեվերջին դրանով կգործարկվեն թեսթային համակարգերը, լրագրողներին հայտնել է Թուրքիայի Կարս նահանգի նահանգապետ Ռահմի Դողանը։

Եվրամիությունը պլանավորում է դեկտեմբերին քննարկել Ռուսաստանի դեմ պատժամիջոցային քաղաքականության երկարաձգման մասին որոշումը՝ կապված Ուկրաինայի դեմ ագրեսիայի հետ։

Վրաստանի խորհրդարանի խոսնակ, «Հանրապետական կուսակցության» առաջնորդ Դավիթ Ուսուպաշվիլին վստահ է, որ Վրաստանը խորհրդարանական ընտրությունների արդյունքում չի ստանա միակուսակցական խորհրդարան, ինչպես ցանկանում է «Վրացական երազանքը»։ Այս մասին նա հայտարարել է այսօր Թբիլիսիի Գլդանի շրջանում հանդիպման ժամանակ, հայտնում է «Գրուզիա օնլայնը»։

Այսօր Վրաստան կժամանի Հռոմի պապ Ֆրանցիսկոսը, և Վրաստանը պատրաստվում է ըստ արժանվույն դիմավորել նրան, հայտնում է «Գրուզիա օնլայնը»։

Ըննդիմությունը բողոքի ակցիա է սկսել երկրի գործող նախագահ Ժոզեֆ Կաբիլի դեմ, որին կասկածում են իշխանության ղեկին մնալու ձգտման մեջ։

ՄԱԿ-ում Սիրիայի մշտական ներկայացուցիչ Բաշար Ջաֆարլին հերքել է երկրի իշխանությունների հասցեին ուղղված մեղադրանքները, թե վերջիններս սպանում են երկրի քաղաքացիական բնակչությանը, հայտնում է Reuters-ը։

Իտալիայի Բազիլիկատա մարզի խորհուրդը (Consiglio Regionale della Basilicata) սեպտեմբերի 27-ին միաձայն ճանաչել է Հայոց ցեղասպանությունը՝ իր զորակցությունը հայտնելով հայ ժողովրդին: Բանաձևի նախագիծը ներկայացրել էր անկախ պատգամավոր Աուրելիո Պաչեն՝ ընդառաջելով հայ համայնքի խնդրանքին: Այս մասին տեղեկացնում են ՀՀ արտաքին գործերի նախարարությունից:

Մոսկվայի հետ Սիրիայի ահաբեկչների դեմ պայքարի համագործակցությունից Վաշինգտոնի հրաժարվելը կդառնա լավագույն նվերը զինյալներին։ Ինչպես հայտնում է RIA Novosti գործակալությունը, այդ մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

Հռոմի պապ Ֆրանցիսկոսն այսօր կսկսի իր եռօրյա այցը Վրաստան և Ադրբեջան։ Ինչպես հայտնում է Վատիկանի մամուլի ծառայությունը, այցի ընթացքում Հռոմի պապը հանդիպումներ կունենա երկրի իշխանությունների, քաղաքացիական հասարակության և դիվանագիտական կորպուսի ներկայացուցիչների հետ։

Ֆրանսիական Rafale կործանիչները ավիահարվածներ են հասցրել ծայրահեղական ԴԱԻՇ խմբավորման դիրքերին «Շառլ դե Գոլ» ավիակրից, հայտնում են ականատեսներն ու ԶԼՄ-ները։

Հայաստանի ԱԳՆ ղեկավարի հետ հանդիպմանը, որը վարում էր Կարնեգի հաստատության փոխնախագահ Էնդրյու Վեյսը, ներկա էին ԱՄՆ պետքարտուղարության, ազգային անվտանգության խորհրդի պաշտոնյաներ, առաջատար վերլուծաբաններ, Վաշինգտոնում հավատարմագրված դիվանագետներ։

Վաշինգտոնում Ռուսաստանի դեսպանությանը ուժեղացվել են անվտանգության միջոցառումները ծայրահեղականների պոտենցյալ ակցիաների պատճառով, հայտնում է Lenta.ru-ն։

ԱՄՆ նախագահ Բարաք Օբաման և Գերմանիայի կանցլեր Անգելա Մերկելը դատապարտել են այն բարբարոսական, ինչպես իրենք են արտահայտվել, ավիահարվածները, որոնք հասցնում են Սիրիայի կառավարությունն ու Ռուսաստանը Հալեպի արևելքում, հայտնում է BBC-ի ռուսական ծառայությունը։

ՌԴ ԱԳՆ-ում երեկ կայացած ճեպազրույցի ընթացքում ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է Հայաստանի նախագահ Սերժ Սարգսյանի վերջերս կատարած հայտարարությունն այն մասին, որ ներկայումս քննարկվում է Հայաստանի մասնակցությունը Սիրիայում իրականացվող մարդասիրական գործողություններին:

Թուրքիայի Վան նահանգում հնագետները հայտնաբերել են 2800 տարվա վաղեմություն ունեցող քաղաքային կոյուղատարի համակարգ, որը պատկանել է Ուրարտուի թագավորությանը:

«Հայաստանը մի երկիր է, որն ուզում է ապրել հարեւանների հետ խաղաղության մեջ եւ հույս ունեմ որոշ պահի մեզ կհաջողվի դրան հասնել»,- ասել է հայ-ամերիկյան խմբի համանախագահ կոնգրեսական Ֆրանք Փալլոնը:

«Էլի անեին, բայց ոչ այս ձևով։ Սա գողության նման է, հետին դռնից մտնելը գողություն է։ Նախ՝ արտահերթն ամենավատ մեթոդն է, որովհետև արտահերթի ամբողջ մեխանիզմը թույլ չի տալիս մարդկանց նորմալ ծանոթանալ, քննարկել նախագիծը, երկրորդ՝ աննախադեպ է նաև այն, որ ՀՕ-ի ամբողջական տարբերակը գրեթե մինչև ընդունումը չկար»։

«Վտանգի տակ կարող է հայտնվել Ուկրաինայի շուրջ Մինսկի գործընթացը»,- 168.am-ի հետ զրույցում ասաց գերմանացի վերլուծաբան Ալեքսանդր Ռարը՝ անդրադառնալով «Բոինգի» կործանման վերաբերյալ Հոլանդիայում հրապարակված Միջազգային քննչական խմբի եզրակացությանը։

Հանրապետական կուսակցությունից ԱՄՆ-ի նախագահի թեկնածու, միլիարդատեր Դոնալդ Թրամփի կարողությունը մեկ տարում նվազել է 800 միլիոն դոլարով՝ կազմելով 3,7 միլիարդ դոլար: Այս մասին իր էլեկտրոնային տարբերակում հայտնել է Forbes հանդեսը:

Համաշխարհային լրատվության հիմնական թեման Իսրայելի 9-րդ նախագահ Շիմոն Պերեսի մահվան գույժն է ու կենսագրությունը: Ու դա զարմանալի չէ: Նրան սովորական քաղաքական դեմք չես համարի: Շատերի համար նա պետությանն ու ազգին ծառայած գործչի մարմնավորում է:

«Հայաստանը պետք է հետապնդի ՌԴ-ի հետ իր հարաբերությունները վերափոխելու քաղաքականություն, նվաճելով ավելի մեծ հարգանք և ավելի շատ դիվիդենտներ ՌԴ-ի աչքում` այն պարզ պատճառով, որ ՀՀ-ն միակ վստահելի գործընկերն է այս տարածաշրջանում, միակ երկիրը, որը տեղակայել է ռուսական ռազմական բազա, միակ երկիրն այս տարածաշրջանում, որը և՛ ԵՏՄ, և՛ ՀԱՊԿ անդամ է»։

Գերմանիայի արտաքին գործերի նախարար Ֆրանկ Վալտեր Շտայնմայերը սեպտեմբերի 29-­ին հեռախոսազրույց է ունեցել իր ռուս գործընկեր Սերգեյ Լավրովի հետ:

Սեպտեմբերի 23-ից ի վեր Հալեպի՝ զինյալների կողմից վերահսկվող արեւելյան թաղամասերում, որոնց վրա հարձակում են ծավալել կառավարամետ ուժերը, զոհվել է առնազն 96 երեխա, եւս 223-ը վերքեր են ստացել: Այս մասին հայտարարել Է ՄԱԿ-ի Մանկական հիմնադրամը (ՅՈՒՆԻՍԵՖ):

Ներկայիս կառավարության գործունեության համար Հայաստանի հանրապետական կուսակցությունը կրում է ամբողջական պատասխանատվություն:

«Արևմուտքը տեսնում է, որ այս տարիներին իր համակիրների, իր մոդելի ուղղությամբ մտածողների և այն գնահատողների թիվը 5-8%-ից դարձել է 35-40%: Իսկ դա լուրջ ձեռքբերում է, և իրենք ուզում են այդ արդյունքն ամրացնել»:

Պաշտպանության նախարար Էշթըն Քարթերն այս զենքերի արդիականացումը համարում է Պենտագոնի առջեւ դրված թիվ մեկ առաջադրանքը, ում խոսքերով, միջուկային առաքելությունն Ամերիկայի անվտանգության հիմնաքարերից մեկն է։