Վրաստանի տնտեսությունը 2025 թվականին աճել է 7.5%-ով
Վիճակագրության ազգային ծառայության նախնական գնահատմամբ՝ 2025 թվականի դեկտեմբերին, նախորդ տարվա համապատասխան ժամանակահատվածի համեմատ, իրական համախառն ներքին արդյունքի (ՀՆԱ) աճը կազմել է 7.2%, իսկ 2025 թվականի միջին իրական աճը սահմանվել է 7.5%: Այս մասին գրում է aliq.ge-ն։
Դրա հետ մեկտեղ, տվյալների համաձայն՝ 2025 թվականի դեկտեմբերին, նախորդ տարվա համապատասխան ժամանակահատվածի համեմատ, աճի ուղղությամբ զգալի ներդրում են ունեցել հետևյալ ոլորտները.
- արդյունաբերություն,
- տեղեկատվություն և հաղորդակցություն,
- տրանսպորտ և պահեստավորում,
- հյուրանոցներ և ռեստորաններ:
Անկման միտում է գրանցվել շինարարության ոլորտում։
Դեկտեմբերին գրանցվել է նաև 6134 նոր ձեռնարկություն, ինչը 1.2%-ով ավելի է 2024 թվականի դեկտեմբերի ցուցանիշից:
