Ավելացել է դեպի Մերձավոր Արևելք ԱՄՆ ռազմաօդային ուժերի տրանսպորտային ինքնաթիռների թռիչքների քանակը
ԱՄՆ ռազմաօդային ուժերի տրանսպորտային ինքնաթիռները վերջին օրերին ակտիվացրել են բեռների մատակարարումները Մերձավոր Արևելքի բազաներ։ Նման տվյալներ են ներկայացված Flightradar24 և ADS-B Exchange ավիացիոն ռեսուրսներում։
Վերջին երկու օրերին արձանագրվել է ԱՄՆ մայրցամաքային տարածքից դեպի Մերձավոր Արևելքում ամերիկյան Կենտրոնական հրամանատարության (CENTCOM) պատասխանատվության գոտի իրականացված մինչև 10 չվերթ, այդ թվում՝ C-17A Globemaster III և C-5 Galaxy ծանր բեռնատար ինքնաթիռներով։
Բացի այդ, KC-135T Stratotanker տիպի լիցքավորող բազում ինքնաթիռներն են շարունակում ժամանել Մերձավոր Արևելք։ Վերջին երկու օրերին տարածաշրջան է հասել առնվազն 9 օդային տանկեր։
Հունվարի 30-ին հայտարարվել էր, որ Մերձավոր Արևելքի Կենտրոնական հրամանատարության պատասխանատվության գոտում ամերիկյան ռազմածովային խմբավորումն արդեն ներառում է 11 ռազմանավ։
