Քաղաքականություն

«Ես՝ որպես էկոնոմիկայի նախարար, դրա նպատակահարմարությունն այս պահին չեմ տեսնում: Ավելին՝ կարծում եմ, որ նման ուղերձները կարող են որոշակի շփոթ առաջացնել տնտեսական գործընթացներում, հետևաբար՝ շատ կարևոր է, որպեսզի նման քաղաքականությունը նախ մշակվի ներսում, որ դրանից հետո հրապարակվի: Ցանկացած նման գործելակերպ ազդում է տնտեսության վրա, իհարկե, որովհետև ձևավորում է որոշակի սպասումներ: Որպես կառավարության՝ էկոնոմիկայի բլոկի պատասխանատու, ես համարում եմ, որ այսօր դրա անհրաժեշտությունը չկա»:

Հանդիպմանը մասնավորապես քննարկվելու է այդ կազմակերպության աշխատանքը Ուկրաինայում:

Ապրիլի սկզբին քառօրյա պատերազմի ժամանակ, եթե հայ զինվորի դեմ կռվեր Ադրբեջանի հիմնական ռազմական ուժ համարվող բանակը, ապա ռազմաճակատում արմատական բեկում տեղի կունենար: Ադրբեջանը թույլ չտվեց, որ իր ժամկետային զինծառայողը մարտի մեջ մտնի հայ ժամկետային զինվորի հետ` հստակ իմանալով, որ անդառնալի կորուստներ կունենա:

Ռուսաստանը համոզված է, որ Լեռնային Ղարաբաղի հակամարտության կողմերը պետք է հանդես բերեն զսպվածություն, վերսկսեն բանակցային գործընթացը: Այս մասին, ինչպես հայտնում է RIA Novosti-ն, այսօր հայտարարել է ՌԴ ԱԳՆ ղեկավար Մարիա Զախարովան:

«Որևէ շփումներ չեն եղել: Հաղթանակի առթիվ շնորհավորանքներ ևս չենք ստացել նրանց կողմից: Չեմ էլ կարող պատկերացնել, որ նրանք կարող էին գալ ու շնորհավորել»:

«Ակնհայտ է, որ այս պահին բանակցություններ չկան և նաև պարզ է, որ հայկական կողմը չի կարող չփոխել իր դիրքորոշումը Ադրբեջանի սանձազերծած ռազմական գործողություններից հետո: Ես կարծում եմ, որ տարածքներ զիջելու մասին խոսակցություններ իրականում գոյություն չունեն և չեն էլ կարող գոյություն ունենալ, որովհետև ակնհայտ է, որ բանակցային գործընթացում իրավիճակ է փոխվել»,- հավելեց Հրանտ Մելիք-Շահնազարյանը:

«Ներկա իրավիճակում անհնարին է հաշվի չառնել Ադրբեջանի այն կեցվածքը, այն ագրեսիան, որը նա իրականացրեց՝ խախելով արդեն առկա երեք համաձայնագրերը: Եվ բնական է՝ արդեն ապագա բանակցային գործընթացը պետք է ելնի երկու հանգամանքից: Առաջինը՝ պետք է երաշխավորված լինի կրակի դադարեցումը, որովհետև երբ կրակում են, անհնարին է բանակցել»:

Կիևի քաղաքապետ Վիտալի Կլիչկոն աշխատանքի գնալիս ընկել է հեծանիվից, հայտնում է ուկրաինական «Վեստի» պարբերականը:

Սիրիայի զինադադարը լավագույն հիմքն է սիրիական հակամարտության խաղաղ լուծման համար, հայտարարել է Հյուսիսատլանտյան դաշինքի գլխավոր քարտուղար Յենս Ստոլտենբերգը, տեղեկացնում է RIA Novosti-ն:

Թուրքիայի Զինված ուժերն ավելացրել են տանկերի ու հաուբիցների թիվը, որոնք տեղակայված են Սիրիայի հետ սահմանի երկայնքով, որը որոշ հատվածներում վերահսկվում է ԴԱԻՇ-ի կողմից, հայտնում է Hurriyet-ը՝ հղում կատարելով ռազմական աղբյուրներին:

Լեռնային Ղարաբաղի հակամարտության գոտում բռնկված քառօրյա պատերազմից հետո բուռն ու միաժամանակ հակասական խմորումները չկարգավորված հակամարտության շուրջ դեռ շարունակվում են։

Իրանի բանակի էլիտար ուժերի անդամները, մասնավորապես օդադեսանտային 65-րդ բրիգադի անդամներ Նոդեխ Սադեգ Շեյբայկն ու Հոսեին Հեմմատին սպանվել են Սիրիայում ընդդիմադիր խմբավորումների դեմ բախումների ժամանակ, հայտնում են իրանական լրատվամիջոցները:

Նրա կարծիքով՝ Եվրոպան կարող է չդիմանալ «ևս մեկ սառեցված հակամարտության»:
«Դարձյալ դիմում եմ նախագահներ Օբամային և Պուտինին (առաջին անգամ դիմել եմ 2014թ. հունվարին)՝ կոչ անելով հանդիպել ու քննարկել այդ շարունակվող ճգնաժամը»,- գրել է Գորբաչովը:

Համաձայն ադրբեջանա-իրանական պետական սահմանագծին՝ Աստարա գետի վրա երկաթուղային կամրջի շինարարության մասին համաձայնագրի, որը ստորագրվել էր Ադրբեջանի նախագահ Իլհամ Ալիևի՝ Իրան կատարած այցի ընթացքում, ապրիլի 20-ին դրվել է Աստարա գետի վրա երկաթուղային կամրջի հիմքը, հայտնում է APA-ն:

«Այցը հետաձգվել է, այս օրերին չի լինելու: Նա տարածաշրջան գալու է, բայց ժամկետների մասին ոչինչ հայտնի չէ: Մենք տեղեկացել ենք գլխավոր քարտուղարի մամուլի խոսնակից և գիտեինք, որ տարածաշրջանային այցելությունը շատ ցանկալի էր: Պարզապես այլ`ավելի հրատապ գործերի պատճառով, նրա ներկայությունը պետք է ուրիշ տեղում լինի»,-տեղեկացրեց Արմինե Հալաջյանը` հղում անելով ՄԱԿ-ի գլխավոր քարտուղարի մամուլի խոսնակ Ստեֆան Դյուժարիկից ստացված տեղեկությանը:

ԱՄՆ նախագահ Բարաք Օբաման ժամանել է Սաուդյան Արաբիա, որտեղ բավականաչափ սառն ընդունելության է արժանացել երկրի ղեկավարության կողմից: Այսօր ԱՄՆ նախագահը մասնակցելու է Պարսից ծոցի արաբական պետությունների համագործակցության ղեկավարների գագաթաժողովին:

Թուրքիայի ներկայացուցիչները հաջորդ շաբաթ կժամանեն Մոսկվա՝ քննարկելու Ռուսաստանում թուրքական բուսական արտադրատեսակների մատակարարման հետ ստեղծված իրավիճակը: Այս մասին RIA Novosti-ին հայտնել է «Ռոսսելխոզնադզորի» ղեկավարի օգնական Ալեքսեյ Ալեքսեենկոն:

Ինչ-որ մենք՝ հայերս, վերջերս շատ ենք ամբողջ աշխարհից նեղանում: Տեղ ունենք, իհարկե, բայց 10 օր հույզերով ապրելուց եւ փրփրելուց հետո արժե, թերեւս, փոքր-ինչ «սառչել» եւ սթափ գնահատել իրավիճակը: Այո, Ռուսաստանի քաղաքականությունն այսպիսին է` այդ երկիրն իրար վրա «քսի է տալիս» ժողովուրդներին, երկուսին էլ զինում է, կռվացնում է, որպեսզի երկուսի նկատմամբ էլ պահպանի իր ազդեցությունը: Այդպես են դարերի ընթացքում վարվում բոլոր կայսրությունները: Մեր նեղանալուց այդ քաղաքականությունը կփոխվի՞:

Ծանր ջրբաժանի առաջ ենք կանգնած: Ով կարողանում է տեսնել՝ կտեսնի: Հիմա ավելի, քան ապրիլի սկզբին, միասնություն է պետք: Ապրիլի սկզբին միասնությունը եկավ ներքևից. հերթը ձերն է՝ պարոնա՛յք, հիմա միասնությունը պիտի վերևից գա:

«Ռուսաստանի ուղղաթիռներ» հոլդինգը ներկայացրել է 2015 թվականի իր ֆինանսական ցուցանիշները: Ընկերությունը վաճառել է 212 ուղղաթիռ, ինչը 59 միավորով քիչ է նախորդ տարվա ցուցանիշից, սակայն արժութային տատանումների ու պատվերների շնորհիվ հոլդինգը կարողացել է ավելացնել հասույթը 50 միլիարդ ռուբլով, իսկ զուտ շահույթը՝ կրկնակի, գրում է «Կոմերսանտը»:

Այսօր Հայաստան կատարելիք պաշտոնական այցի ընթացքում ՌԴ ԱԳ ղեկավար Սերգեյ Լավրովը կքննարկի Լեռնային Ղարաբաղում ստեղծված իրավիճակը:

Գերմանիայի արտգործնախարար Ֆրանկ-Վալտեր Շտայնմայերը հանդիպել է ԵԱՀԿ Մինսկի խմբի համանախագահների և ԵԱՀԿ գործող նախագահի անձնական ներկայացուցիչ Անջեյ Կասպրշիկի հետ:

Պարզվում է՝ Հայաստան ժամանած, այդպես էլ Ղարաբաղ չմեկնած, համատեղ հայտարարությունը չընդունած Ռուսաստանի Պետդումայի ՆԳ ԱԱ մշտական հանձնաժողովի «այցը» նաև «հետախուզական» է եղել այսօր Հայաստան ժամանող Սերգեյ Լավրովի այցի ֆոնին. Ռուսաստանի պատգամավորական բլոկի ներկայացուցիչները փորձել են շոշափել հայ պատգամավորների «նյարդը» «Լավրովի փաստաթղթի» առնչությամբ՝ ըմբռնելու համար, թե ինչ տրամադրություններ են տիրում հայոց պառլամենտում քառօրյա պատերազմից հետո։

Վրաստանի վարչապետ Գեորգի Կվիրիկաշվիլին Ստրասբուրգ այցի ժամանակ, պատասխանելով լրագրողների հարցերին, հայտարարել է, որ Վրաստանի իշխանությունները գիտակցում են, թե տարածաշրջանի համար որքան կարևոր է Լեռնային Ղարաբաղում խաղաղության պահպանումը:

«Այս քառօրյա պատերազմը մեկ բան հաստատ ցույց տվեց, այն է, որ ռազմական գործողություններն այս խնդիրը չեն լուծի: Դրանց միջոցով հնարավոր է միայն մարդկային կյանքեր խլել, իսկ մենք ուղղակի չենք կարող դա թույլ տալ»,- «Ամերիկայի ձայնի» հաղորդմամբ՝ ասել է Ադրբեջանում ԱՄՆ-ի նախկին դեսպանը:

Հետաքննությունը մտադիր է հաջորդ երեքշաբթի ծայրահեղականության մեղադրանք առաջադրել ճանաչված բլոգեր, լրագրող և մեդիա-մենեջեր Անտոն Նոսիկի դեմ` Սիրիայում Ռուսաստանի ռազմատիեզերական ուժերի գործողությունների մասին տեքստի համար: Ըստ Ինտերֆաքսի՝ այս մասին հայտնել է նրա պաշտպան Սերգեյ Բադամշինը: Նա հայտնել է, որ իր պաշտպանյալին են հանձնել ծանուցում` ապրիլի 26-ին քննիչի մոտ ներկայանալու համար, որպեսզի նրան մեղադրանք ներկայացվի:

«Կոմերսանտը» հղում է արել Հայաստանի կառավարությունում իր անանուն աղբյուրին՝ նշելով, թե ԼՂ-ի շուրջ շրջանները հայկական ուժերը գրավել են, որպեսզի հետո վերադարձնեն դրանք Լեռնային Ղարաբաղի ֆիզիկական անվտանգության երաշխիքների եւ անկախության ճանաչման դիմաց»:

«Մանկական տարիքում այն ամենը, ինչ նրանք տեսել էին իրենց ընտանիքների հանդեպ բռնություններն էին: Նրանք կտրել էին մայրցամաքներ ու օվկիանոսներ` մեր երկրում նոր կյանք կառուցելու համար: Պարո՛ն նախագահ, նրանց ու նրանց ժառանգների համար ցեղասպանություն բառը սրբազան է, քանի որ այն նշանակում է, որ աշխարհը չի մոռացել և չի մոռանա: Մյուս կողմից ցեղասպանության ժխտումն անվայել է: Ինչպես Էլի Ուիզելն էր ասում, դա կրկնասպանություն է:

Արձանագրելով, որ քառօրյա պատերազմից հետո Հայաստանը հայտնվել է լիակատար միջազգային մեկուսացման մեջ, քանի որ ոչ մի երկիր կատարվածը չճանաչեց որպես Ադրբեջանի կողմից ԼՂՀ-ի դեմ իրականացված ռազմական ագրեսիա, Հովհաննիսյանը զուգահեռ անցկացրեց այսօր ստեղծված իրավիճակի և 1996-1997 թթ. ԵԱՀԿ-ի Լիսաբոնյան գագաթաժողովից հետո Հայաստանին և Ղարաբաղին միակողմանի զիջումներ պարտադրելու փորձերի միջև:

Սերժ Թանգյանը գրել է «Ավրորայի երազանքը» ստեղծագործությունը, որը հնչելու է ապրիլի 24-ին Երեւանում կայանալիք «Ավրորա» համաշխարհային մարդասիրական մրցանակի շնորհման արարողության ժամանակ.