Թուրքիան ավելացրել է Սիրիայի հետ սահմանին կուտակված տանկերի ու հաուբիցների թիվը
Թուրքիայի Զինված ուժերն ավելացրել են տանկերի ու հաուբիցների թիվը, որոնք տեղակայված են Սիրիայի հետ սահմանի երկայնքով, որը որոշ հատվածներում վերահսկվում է ԴԱԻՇ-ի կողմից, հայտնում է Hurriyet-ը՝ հղում կատարելով ռազմական աղբյուրներին:
Այդ միջոցառումները ձեռնարկվել են վերջին օրերին թուրքական սահմանամերձ Քիլիս քաղաքի հրթիռակոծման դեպքերի հաճախակիացման ֆոնին:
Քիլիսը վերջին շաբաթվա ընթացքում 4 անգամ հրթիռակոծվել է, ինչի հետևանքով սպանվել է 5 մարդ, ավելի քան 20 մարդ ստացել է վնասվածք: Թուրքական հրետանին յուրաքանչյուր դեպքից հետո կրակ է բացել ԴԱԻՇ-ի դիրքերի ուղղությամբ:
