Գոլանի բարձունքները կմնան Իսրայելի տարածքում. Նեթանյահուն՝ Պուտինի հետ հանդիպմանը
Իսրայելը անվտանգության ոլորտում հանդես է գալիս Ռուսաստանի հետ ավելի սերտ համագործակցության օգտին: Այդ մասին հայտարարել է Իսրայելի վարչապետ Բենիամին Նեթանյահուն Կրեմլում՝ ՌԴ նախագահ Վլադիմիր Պուտինի հետ հանդիպմանը:
«Ես եկել եմ այստեղ գլխավոր նպատակով՝ ուժեղացնել մեր միջև համագործակցությունն անվտանգության ոլորտում, որպեսզի կանխեմ տարբեր տեսակի սխալները, թյուրիմացություններն ու պատահարները»,- հայտարարել է Նեթանյահուն:
Նրա խոսքով՝ Իսրայելն ամեն ինչ անում է, որ «Հեզբոլլահի» ձեռքում ժամանակակից զենք չհայտնվի ու նոր ճակատ չբացվի Գոլանի բարձունքներում:
«Գոլանի բարձունքները կմնան Իսրայելի տարածքում»,- հայտարարել է Իսրայելի վարչապետը:
