Սամվել Հովհաննիսյանի խոսքով՝ հիմնական միջոցառումները սկսվում են 2015թ. ապրիլի 22-ից: Նրա խոսքով՝ ապրիլի 23-ին՝ 17:00-ի սահմաններում Մայր աթոռ սուրբ Էջմիածնի տարածքում կսկսվի սրբադասման արարողությունը, որը կարող են դիտել Երևանում՝ Հանրապետության հրապարակում տեղադրված հեռուստաէկրաններից:
Արամ Մանուկյանն ասաց, որ իրենք կհիմնավորեն, որ կատարվածը կազմակերպված հանցագործություն է:
Արամ Մանուկյանը հայտարարեց, որ տուժողից նյութական պահանջ չունի։ Նրա ներկայացուցիչն առարկեց միջնորդության դեմ, պնդեց, որ դատաքննության ընթացքում ակնհայտ կդառնա, որ սխալ որակում է տրվել հանցագործությանը, արագացված կարգ կիրառելով ցանկանում են դատարանից թաքցնել իրական հանցագործությունը։
Երևանի Արաբկիր և Քանաքեռ-Զեյթուն վարչական շրջանների ընդհանուր իրավասությաբ դատարանում այսօր սկսվեց ՀՀ ԱԺ պատգամավոր Արամ Մանուկյանի նկատմամբ բռնություն գործադրելու գործի քննությունը։
Ինչպես տեղեկացրել էինք, Երևանի Կենտրոն և Նորք-Մարաշ վարչական շրջանների ընդհանուր իրավասության դատարան է ուղարկվել Վազգեն Սարգսյանի անվան ռազմական ինստիտուտի կուրսանտ Ա. Մարտիրոսյանի վերաբերյալ քրեական գործը: Նա մեղադրվում է պտտաձողի վրա պարանով կախված վիճակում հայտնաբերված կուրսանտ Հայկազ Բարսեղյանին վիրավորանք հասցնելու մեջ: Սպանության գործով Հայկազ Բարսեղյանի իրավահաջորդի ներկայացուցիչ Գարիկ Գալիկյանը 168.am-ի հետ զրույցում ասաց, որ իրենք այս գործով ներգրավված չեն եղել:
Հունվարի 29-ին, ժամը 06:35-ի սահմաններում Վազգեն Սարգսյանի անվան ռազմական ինստիտուտի մարզահրապարակում՝ պտտաձողի վրա պարանով կախված վիճակում հայտնաբերվել էր զորամասի զինծառայող Հայկազ Բարսեղյանը: Քննչական կոմիտեում հարուցվել էր քրեական գործ՝ մի խումբ անձանց կողմից Հայկազ Բարսեղյանին սպանելու դեպքի առթիվ:
«Դուք ասացիք, որ Պերմյակովի գործով փայլուն օպերցիա եք իրականացրել: Փայլուն օպերացիան ո՞րն, Պերմյակովին ձեր կողքով տարան»,- այսօր ՀՀ ոստիկանության պետի առաջին տեղակալ Հունան Պողոսյանից հետաքրքրվեց լրագրողներից մեկը: Ի պատասխան նա ասաց, թե գրողի կարծիքն է, որ՝ հունվարի 12-ին Գյումրիում Ավետիսյանների ընտանիքի սպանության մեջ մեղադրվող Վալերի Պերմյակովին տարան իրենց կողքով.
Անդրադառբնալով «Հիմնադիր խորհրդարանի» անդամների հետ կապված քրեական գործին՝ Հունան Պողոսյանն ասաց, որ քրեական գործի վերաբերյալ տեղեկատվություն կարող ենք ստանալ ՀՀ Քննչական կոմիտեից: Նրա խոսքով՝ օրենսդրությամբ սահմանված կարգով՝ ոստիկանության աշխատակիցներն իրավապահներին օգնություն են ցուցաբերել խուզարկությունների կատարման ընթացքում:
ՀՀ ոստիկանության պետի առաջին տեղակալ Հունան Պողոսյանից այսօր լրագրողները հետաքրքրվեցին, թե ինչո՞ւ ոստիկանները չէին կանխում Գյումրիում «Հիմնադիր խորհրդարանի» հանրահավաքի ժամանակ ձվեր նետող, կոնֆլիկտներ հրահրող երիտասարդներին:
Լրագրողներն այսօր ՀՀ ոստիկանության պետի տեղակալ Հունան Պողոսյանից հետաքրքրվեցին՝ արդյոք համաներում հայտարարելու անհրաժեշտություն տեսնո՞ւմ է և նախորդ տարիներին հայտարարված համաներումների մասին որոշումներն ինչպես են ազդում օպերատիվ իրավիճակի վրա։
Վերաքննիչ դատարանն այսօր քննարկել է «Նուբարաշեն» քրեակատարողան հիմնարկի մոտ հնչած կրակոցների գործով մեղադրյալներ Սարգիս Գրիգորյանի (մականունը՝ Ծգլ), Սարգիս Հախանումյանի (մականունը՝ Տլե) և Վահան Հակոբյանի (մականունը՝ Գաստիկ) պաշտպանների բողոքները: Նրանք բողոքարկել էին դատարանի որոշումը, որով մեղադրյալների նկատմամբ որպես խափանման միջոց էր ընտրվել կալանավորումը:
«Եթե Տիգրանը պաշտպանվելիս լիներ կյանքի համար վտանգավոր, իրական սպառնալիքից, ապա ինչո՞ւ պիտի այս կանայք նրան աղաչեին՝ չկրակել, իսկ կրակելուց հետո՝ նախատեին և վիրավորանքներ հասցնեին: Նույն Տիգրան Խաչատրյանը ժամը 23:08:10 վայրկյանին կրակում է Ավետիքին մեջքից և տապալում նրան, երբ վերջինս արդեն ծանր վիրավոր վիճակով, հազիվ քայլելով հեռանում էր դեպքի վայրից: Այս կրակոցը որևէ պարագայում չի կարող դիտվել՝ որպես անհրաժեշտ»,- ասաց Հայկ Ալումյանը:
Վերաքննիչ քրեական դատարանում այսօր սկսվեց ջրծաղիկից մահացած զինծառայող Հայկ Խաչատրյանի հոր՝ Մովսես Խաչատրյանի բողոքի քննությունը: Այսօր դատարան չէր ներկայացել այս գործով ամբաստանյալ Միքայել Միքայելյանի պաշտպան Վարդուհի Էլբակյանը: Միքայել Միքայելյանը հայտարարեց, որ իր պաշտպան Վարդուհի Էլբակյանը չի ծանուցվել այսօրվա դատական նիստի մասին և մեկ այլ գործով դատական նիստի է մասնակցում: Ամբաստանյալը միևնույն ժամանակ հայտնեց, որ ցանկանում է՝ իր պաշտպանը մասնակցի դատական նիստին:
Գեղարքունիքի մարզում «Հայփոստի» աշխատակցի մահվան դեպքով ՀՀ քննչական կոմիտեում քրեական գործ է հարուցվել: ՀՀ քննչական կոմիտեից 168.am-ին հայտնեց, որ քրեական գործ է հարուցվել 2 հոդվածով՝ ՀՀ քրեական օրենսգրքի 104-րդ և 235-րդ հոդվածներ՝ սպանություն, ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը:
Մամուլում շարունակվում են տեղեկություններ տարածվել այն մասին, որ ցեղասպանության 100-րդ տարելիցին ընդառաջ համաներում կհայտարարվի: Քննարկվում է, որ այս անգամ համաներումն ավելի ընդգրկուն կլինի, քան նախորդ տարիներիներին: Պաշտոնապես այս տեղեկությունները ո՛չ հերքում, ոչ էլ հաստատում են. ՀՀ արդարադատության նախարարությունը հայտնում է, որ հարցի պատասխանը՝ նախապատրաստվո՞ւմ է արդյոքն համաներում հայտարարելու մասին նախագիծ, նախարարության իրավասության շրջանակներում չէ, քանի որ համաներում հայտարարում է ՀՀ Ազգային ժողովը՝ հանրապետության նախագահի առաջարկությամբ:
Պարզելու համար՝ արդյոք Գյումրիում հունվարի 12-ին սպանված Ավետիսյանների բնակարանում հայտնաբերված զինվորական հագուստների վրա կրակոցի արգասինքներ առկա՞ են, թե՞ ոչ, նշանակվել է փորձաքննություն: ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնից ի պատասխան 168.am-ի գրավոր հարցման հայտնել են, որ այդ նպատակով նշանակվել է համալիր դատաձգաբանական, դատաքիմիական և դատահետքաբանական փորձաքննություն, որի եզրակացությունը դեռևս չի ստացվել:
«Իսկապես ինչ-որ աննախադեպ բան է»,- ասաց Սամվել Մարտիրոսյանը՝ նշելով, որ այս ամենին ավելացել է նաև Հռոմի պապի հայտարարությունը: «Արդեն նույնիսկ դժվար է ընդհանուր գնահատական տալ, որովհետև այս ամեն ինչը միասնական է, տարանջատելը շատ բարդ է»,- ասաց փորձագետը:
Փաստաբանի խոսքով՝ նույն տրամաբանությամբ` ազգաբնակչության մի զգալի մասը տանը թույլատրելի, օրինական ինքնապաշտպանության միջոցներ ունի. «Այդ բոլոր մարդիկ տեսականորեն կարող են հանրահավաքի մասնակցել, բայց դա ամենևին չի նշանակում, որ նրանք պլանավորում են հանրահավաքը զանգվածային անկարգության վերածել կամ այդպիսի մտադրություն ունեն: Այսինքն՝ զուտ այդ հոդվածն ինքն իրենով աբսուրդ հոդված է, այն քաղաքական նպատակներով կիրառվող հոդվածներից մեկն է, ու իր բնութագիրը շատ անորոշ է»:
«Այն ամբողջությամբ քաղաքական էր, չհիմնավորված»,- ասաց փաստաբանը՝ նշելով, որ նրանք ցուցմունք տալուց չեն հրաժարվել, սակայն քննիչների հիմնական մասը նրանց ուղղելու հարց չի ունեցել:
«Հիմնադիր խորհրդարանի» անդամներին մեղադրանք է առաջադրվել: ՀՀ քննչական կոմիտեից 168.am-ին հայտնեցին, որ Վարուժան Ավետիսյանին, Պավել Մանուկյանին, Գևորգ Սաֆարյանին, Ժիրայր Սէֆիլյանին, Գարեգին Չուքասզյանին մեղադրանք է առաջադրվել ՀՀ քրեական օրենսգրքի 35-225-րդ հոդվածով՝ զանգվածային անկարգություններ կազմակերպելու հանցագործության նախապատրաստություն: Քննչական կոմիտեից հայտնեցին, որ քննիչը միջնորդություն է ներկայացրել դատարան՝ մեղադրյալների նկատմամբ կալանավորումը որպես խափանման միջոց ընտրելու համար, ինչը բավարարվել է:
Ռուսական ռազմաբազայի պայմանագրային զինծառայող Արթուր Աֆյանի դին կախված վիճակում հայտնաբերվել էր մարտի 8-ին. նրա անհետ կորելու վերաբերյալ 2015թ. փետրվարի 21-ին հաղորդում էր տվել Գյումրիի բնակչուհի ալվարդ Մկրտչյանը: Արթուր Աֆյանի մահվան պատճառը և վաղեմությունը պարզելու համար նաշանակվել էր դատաբժշկական փորձաքննություն:
«Վստահ եմ, որ մեղավորները կպատժվեն, քանզի այլ տարբերակ լինել չի կարող: Չկա արդարացում մարդկանց, ովքեր կարող էին օգնել իմ երեխային, բայց դա չարեցին»,- ասաց Լիա Միսակյանի հայրը: Նա ասաց, որ մինչև վերջ պայքարելու է, իր սկսած գործն ավարտին է հասցնելու, ոչ ոք չի կանգնի իր առաջ. «Այս գործով արդարությունը պետք է դաս լինի բոլորի համար, որպեսզի մեր և ձեր երեխաներին սպասարկեն բարձրակարգ բժիշկներ»:
Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանն այսօր մերժեց Արաբկիր բժշկական կենտրոնում մահացած Լիա Միսակյանի գործով ամբաստանյալ Զարինե Այվազյանի պաշտպան Երեմ Սարգսյանի միջնորդությունը` դատարան հրավիրել և հարցաքննել առաջին հանձնաժողովային փորձաքննություն իրականացրած Արգամ Հովսեփյանին:
«Արհեստական ինչ հոդվածներ էլ փորձեն նրանց կպցնել, միևնույն է, չի ստացվի: Դրա փայլուն օրինակները մենք ունենք անցյալում՝ Մարտի 1-ի գործերով, դրանից առաջ, դրանից հետո եղած քաղաքական դատավարությունների ժամանակ: Երբեք նրանք չեն կարողացել հաստատել և համոզել հասարակությանը, որ իրենց ներկայացրած մեղադրանքները հիմնավոր են: Այս դեպքում լինելու է ճիշտ այդպես»:
«Բարոյականության մասին խոսում են կանայք, որոնք օրեր առաջ հռհռալով, ծիծաղելով սելֆիներ էին անում Ծիծեռնակաբերդում: Նրանց բարոյական խրատների կարիքը մեր ազգը չունի»:
Այսօր ձերբակալվածների պահման վայրի մոտ տեղի ունեցած բողոքի ակցիայի ժամանակ «Հիմնադիր խորհրդարանի» փոխնախագահ, փաստաբան Հայկ Գրիգորյանը, ով նաև իրականացնում է Պավել Մանուկյանի, Վարուժան Ավետիսյանի, Ժիրայր Սէֆիլյանի, Գարեգին Չուքասզյանի պաշտպանությունը, «ռեժիմին» կոչ արեց այլևս չշարունարկել, իր բնորոշմամբ՝ անհիմն քրեական գործի հետագա ընթացքը: Ըստ նրա՝ դա ավելի է զայրացնելու հասարակությանը:
«Միանշանակ, իհարկե, ես կարող եմ ասել, որ նույն Ազգային անվտանգության ծառայության ղեկավարը., նույն Քննչական կոմիտեի ղեկավարը, եթե խոսում են բարոյականությունից, ապա պետք է իրենք իրենց նայեն՝ իրենց վարքագծին, և երբ հունվարի 12-ին այդ անբարո գործողության, անբարո չասեմ, ոճրագործության հետևանքով սպանվեցին Ավետիսյանների ընտանիքի անդամները, պետք է հետամուտ լինեին: Երբ անձը՝ իբրև թե Պերմյակովը, զինված փախել էր 102-րդ ռազմաբազայից, ո՞ւր էին իրենք: Ազգային անվտանգության ծառայության աշխատակիցները, նույն Քննչական կոմիտեի աշխատակիցները որտեղ էին, որ թույլ տվեցին, որ տեղի ունենա այդպիսի ոճրագործություն»:
Ձերբակալվածների պահման վայրի մոտակայքում այժմ շարունակվում է «Հիմնադիր խորհրդարանի» անդամների բողոքի ակցիան: Նրանք պահանջում են ազատ արձակել երեկ ձերբակալված անդամներին՝ Ժիրայր և Թորոս Սէֆիլյաններին, Գարեգին Չուքասզյանին, Վարուժան Ավետիսյանին, Գևորգ Սաֆարյանին , Պավել Մանուկյանին և Գյումրիի քաղաքացի Արամ Հակոբյանին:
ՀՀ ՊՆ Վազգեն Սարգսյանի անվան ռազմական ինստիտուտի զինծառայող Հայկազ Բարսեղյանի սպանության մեջ մեղադրվող զինծառայողների օրգանիզմում ալկոհոլ է հայտնաբերվել:
Հարցին՝ արդյոք սպասվո՞ւմ էին անկարգություններ իրենց կողմից, Կարո Եղնուկյանը պատասխանեց. «Մեր կողմից՝ ոչ: Մենք բազմիցս հայտարարել ենք, որ մենք խաղաղ քաղաքացիական անհնազանդության ակցիա ենք կազմակերպում: Մենք այսքանն ենք ասել: Իրենք են, որ փորձում են հիմա, այսպես ասած, եզան տակ հորթ փնտրել: Թող փնտրեն, չեն կարող գտնել, որովհետև ոչ մի հայտարարության մեջ չի ասվել որևիցե անկարգության մասին: Միակ բանը, որ ասվել է, որ եթե իշխանությունները սադրեն, ինչպես դա արեցին Բերձորում, ինչպես արեցին Գյումրիում, ինչպես արեցին մարտի 1-ին և այլն, և ժողովրդի վրա ձեռք բարձրացնեն, նորից մարտի 1 ստեղծեն, այն ժամանակ մենք ասել ենք, շեշտում եմ, որ ժողովուրդն իրավունք ունի ինքնապաշտպանվել»:
