Օֆելյա Հովհաննիսյան

Հայկ Ալումյանի խոսքով՝ ԱԱԾ-ի պատասխանն անբովանդակ է եղել: «Դատարանն ուզում էր պարզել պատճառները՝ ինչու ձայնագրությունը և լսումը տեղի չեն ունեցել: Այնտեղից դատարանին պատաասխանեցին, որ տեխնիկական պատճառներով տեղի չի ունեցել,- ասաց փաստաբանը՝ շարունակելով,- Ես շատ անհավանական եմ համարում, որ Ազգային անվտանգության ծառայությունն այնքան թշվառ վիճակում է գտնվում, որ տեխնիկական խնդիրներ ունի երեք հոգու վերաբերյալ դատարանի որոշումը կատարելու, նրանց ձայնագրելու առումով, բայց եթե դա այդպես է, շատ ավելի վատ»:

«Չորրորդ իշխանություն» թերթն իր այսօրվա համարում գրել էր, որ իրենց տեղեկություններով՝ Սյունիքի մարզպետ Սուրիկ Խաչատրյանը որդու անազատության մեջ գտնվելու ժամանակ այցելել է «Նուբարաշեն» քրեակատարողական հիմնարկ՝ տեսակցելու Տիգրանին. «Տեսակցություն հատկացվել է. որդին, մարզպետը ու էլի մարդիկ միմյանց հետ շփվել են տեսակցությունների սենյակում: Սակայն Սուրեն Խաչատրյանը սրանով չի բավարարվել: Նա ցանկություն է հայտնել տեսնելու, թե որտեղ է «ապրում» իր որդին: Նրան բացատրել են, որ քաղաքացիական անձը իրավունք չունի կալանավայր մտնելու, սակայն Խաչատրյանը համառել է: Մի խոսքով, նա բարձրացել է վերև, որդու խցում կերուխում է սկսվել»:

ՀՀ առողջապահության նախարար Արմեն Մուրադյանը չի կարծում, որ էլեկտրաէներգիայի սակագնի թանկացումը առողջապահության համակարգի վրա կարող է էական անդրադարձ ունենալ:

Լրագրողներն այսօր ՀՀ աշխատանքի և սոցիալական հարցերի նախարար Արտեմ Ասատրյանից հետաքրքրվեցին՝ արդյոք նախարարությունն ուսումնասիրություն ունի՞, թե ինչպես կազդի էլեկտրաէներգիայի սակագնի թանկացումը բնակչության, սոցիալապես անապահով խավերի վրա:

ՀՀ կառավարության այսօրվա նիստում հավանության արժանացավ ՀՀ Ազգային ժողովի արտահերթ նստաշրջան գումարելու վերաբերյալ կառավարության նախաձեռնության մասին որոշման նախագիծը:

Վարակի տարածման գործում միջատները մեխանիկական կամ կենսաբանական գործոն են հանդիսանում, այսինքն մի քանի հիվանդության հարուցիչները միջատի միջոցով մեխանիկորեն փոխանցվում են, մյուս դեպքում` հարուցիչները միջատի օրգանիզմում անցնում են կենսաբանական զարգացման որոշակի փուլ՝ պայմանավորելով տվյալ հիվանդության հետագա ընթացքը:

ՀՀ քննչական կոմիտեի Շիրակի մարզային քննչական վարչությունում շարունակվում է 102-րդ ռազմաբազայի պայմանագրային զինծառայող Արթուր Աֆյանի մահվան դեպքի առթիվ հարուցված քրեական գործի նախաքննությունը:

Գործարար Փայլակ Հայրապետյանի ներկայացուցիչ Գրիշա Բալասանյանը կմիջնորդի դատարան հրավիրել ՀՀ նախկին վարչապետ Տիգրան Սարգսյանին: Այս մասին այսօր լրագրողների հետ զրույցում ասաց փաստաբանը՝ Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում Տիգրան Սարգսյանի կողմից ներկայացված հայցի գործով առաջին դատական նիստից հետո:

Ինչպես հայտնի է, ՀՀ նախկին վարչապետ Տիգրան Սարգսյանը հայց է ներկայացրել գործարար Փայլակ Հայրապետյանի դեմ: Լրագրողների հետ զրույցում, պատասխանելով հարցին, թե ինչն է պատճառ դարձել, որ հայց է ներկայացվել, Տիգրան Սարգսյանի ներկայացուցիչ Արամ Օրբելյանն ասաց. «Մեր վստահորդի կարծիքով՝ եղել է զրպարտություն և համապատասխան հայցադիմում է ներկայացվել: Այս պահին մանրամասներ չէի ցանկանա քննարկել, քանի որ ինչպես տեսաք, առաջին դատական նիստը դեռևս չկայացավ երրորդ անձի՝ ծանուցված չլինելու պատճառով և մինչև դատական նիստը չէի ցանկանա մեկնաբանել որևէ բան»:

Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում սկսվեց ՀՀ նախկին վարչապետ Տիգրան Սարգսյանն ընդդեմ գործարար Փայլակ Հայրապետյանի հայցի քննությունը:

Հունվարի 29-ին՝ ժամը 06:35-ի սահմաններում ՀՀ պաշտպանության նախարարության Վազգեն Սարգսյանի անվան ռազմական ինստիտուտում հայտնաբերվել էր զորամասի զինծառայող Հայկազ Բարսեղյանը՝ պտտաձողի վրա պարանով կախված վիճակում: ՀՀ քննչական կոմիտեից ի պատասխան մեր հարցման` հայտնել են, որ զինծառայողի սպանության դեպքի առթիվ հարուցված քրեական գործի նախաքննությունը շարունակվում է:

Հունիսի 6-ին՝ ժամը 00:00-ի սահմաններում, Տաշիր-Ստեփանավան ճանապարհի 10-րդ կիլոմետրում ավտովթարի արդյունքում 7 երիտասարդ էր մահացել:

Գազալցակայանում պայթյունի հետևանքով վնասվածքներ ստացած Արմեն Հակոբյանը դեռ գտնվում է «Ճառագայթային բժշկության և այրվածքների գիտական կենտրոնում»:

Գևորգ Մհերյանի հայրը՝ Պետրոս Մհերյանը 168.am-ի հետ զրույցում ասաց, որ հարուցված քրեական գործի մասին իրեն տեղեկացրել է քննիչը: «Ում վրա է քրեական գործ հարուցված, ես դրանից անտեղյակ եմ»,- ասաց նա:

Նա նշեց, որ երիտասարդը նորմալ ընտանիքից է, աշխատասեր է, ընտանիքի սոցիալական վիճակը նորմալ է: «Մեզ էլ է շատ հետաքրքիր, հանելուկ է»,- ասաց նա:

Ամբաստանյալ Իսրայել Սարգսյանը վկայից հետաքրքրվեց՝ արդյոք նա հիշո՞ւմ է որևէ դրվագ, որ իր ու Արթուր Սաֆարյանի միջև վիճաբանություն են ունեցել, «իրար հետ թեմա են ունեցել, իրարից «մանթո» են եղել», ինչին վկան բացասական պատասխան տվեց: «Դաժե եղել է, որ Արթուրը, խոսքի, ասենք, մի քանի տարի առաջ վտանգի մեջ է եղել, էս տղեն միշտ կողքն է եղել»,- ասաց Իսրայել Սարգսյանը՝ նշելով, որ կապացուցի, որ «ինքը չէ». «Ես ապացուցելու եմ, որ ես սրա մեջ չկամ»:

«Մենք արդեն 2 տարի իրականացնում ենք ռիսկի վրա հիմնված ստուգումներ՝ համաձայն ՀՀ կառավարության 2013թ. N 132 որոշման, որը ենթադրում է մի շարք պրոցեդուրաների պահպանում: Այսինքն՝ մենք չենք կարող ցանկացած օբյեկտ, երբ ուզենք, վեր կենանք-գնանք, ասենք՝ մենք եկել ենք՝ ձեզ ստուգելու: Օրինակ, 2014թ. դեկտեմբերին մենք մեր պաշտոնական կայքում տեղադրել ենք (պարտավոր ենք տեղադրել և տեղադրել ենք) այն օբյեկտների ցանկը, որտեղ մենք նախատեսում ենք ռիսկի վրա հիմնված ստուգում իրականացնել 2015թ.»:

5-ամյա երեխայի գլուխը մնացել էր Երևանի Բեկնազարյան փողոցի տներից մեկի վերելակի դռների արանքում. երեխան հոսպիտալացվել էր «Արմենիա» բ/կ, որտեղ մահացել էր:

Լրագրողներն այսօր ՀՀ մարդու իրավունքների պաշտպան Կարեն Անդրեասյանից հետաքրքրվեցին, թե ինչո՞ւ է նա Սահմանադրական դատարանից ետ վերցրել վարչական իրավախախտումների վերաբերյալ իր դիմումը:

Ընդհանուր առմամբ տարին բարենապաստ է գյուղատնտեսության համար: Այս մասին այսօր կառավարության նիստից առաջ ասաց ՀՀ գյուղատնտեսության նախարար Սերգո Կարապետյանը:

«Գարուն» ԲԲԸ խորհրդի նախագահ և գործադիր տնօրեն, ԲՀԿ խմբակցության նախկին պատգամավոր Գոհար Ենոքյանի նկատմամբ քրեական հետապնդումը դադարեցվել է: Նրա պաշտպան Գեղամ Հակոբյանը 168.am-ի հետ զրույցում ասաց, որ բողոք էր ներկայացրել, որի քննության արդյունքում դատախազը գտել է, որ Գոհար Ենոքյանի նկատմամբ քրեական հետապնդումը ենթակա է դադարեցման:

ՀՀ գյուղատնտեության նախարար Սերգո Կարապետյանն այսօր կառավարության նիստից առաջ անդրադարձավ մայիսի 15-ին, 22-ին, 23-ին, 24-ին և 28-ին տեղացած կարկուտի հետևանքով Արարատի, Արմավիրի, Վայոց Ձորի, Արագածոտնի և Շիրակի մարզերում վնասների չափերին: Սերգո Կարապետյանն ասաց, որ ապրլից մինչև օգոստոս ամիսներին մեծ է հանրապետությունում կարկտահարության հավանականությունը՝ կապված բնակլիմայական պայմանների և աշխարհագրական դիրքի հետ:

«Նաիրիտ» գործարանի նախկին աշխատակիցներն այսօր մի քանի րոպեով փակել էին Տիգրան Մեծ պողոտան: Աշխատակիցները պահանջում էին ընդունել իրենց` հայտարարելով, որ իրենց «համբերության բաժակն» արդեն լցվել է:

12 տարի առաջ Նուբարաշենի խճուղում մի քանի անձանց սպանության գործն ուղարկվել է Երևանի Էրեբունի և Նուբարաշեն վարչական շրջանների ընդհանուր իրավասության դատարան: Քրեական գործը մակագրվել է դատավոր Արտուշ Գաբրիելյանին:

Սյունիքի մարզպետ Սուրիկ Խաչատրյանն իր ավտոմեքենայի վրա արձակված կրակոցների գործով տուժող է ճանաչվել: ՀՀ քննչական կոմիտեի նախագահի խորհրդական Սոնա Տռուզյանը 168.am-ի հետ զրույցում ասաց, որ տուժող են ճանաչվել նաև նրա վարորդն ու նրա օգնականը:

Մինչ այդ գործը մակագրվել է նույն դատարանի դատավոր Ռուբեն Ներսիսյանին, ով, սակայն, իր նախաձեռնությամբ ինքնաբացարկ է հայտնել:

Մայիսի 2-ին Գորիսի Սդղի գյոլ կոչվող տարածքում տեղի ունեցած միջադեպի առիթով հարուցված քրեական գործի շրջանակներում ստացվել են նշանակված դատաբժշկական փորձաքննությունների եզրակացությունները: ՀՀ քննչական կոմիտեի նախագահի խորհրդական Սոնա Տռուզյանը 168.am-ի հետ զրույցում հայտնեց, որ ըստ եզրակացության՝ Հարություն Զաքարյանին պատճառված վնասը գնահատվել է ծանր, Մուշեղ Զաքարյանինը՝ միջին ծանրության:

168.am-ի հետ զրույցում ՀՀ պաշտպանության նախարարության խոսնակ Արծրուն Հովհաննիսյանը հաստատեց այս տեղեկությունը՝ նշելով, որ ավտոմեքենայի 3 ուղևորներ վնասվածք են ստացել:

Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի դատավոր Գագիկ Պողոսյանը քիչ առաջ մերժեց 2014թ. մայիսի 17-ին Վերնիսաժի մոտ՝ Վարդանանց փողոցում հնչած կրակոցների գործով ամբաստանյալ Վալերիկ Հովհաննիսյանի խափանման միջոցը փոխելու մասին միջնորդությունը:

Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում շարունակվում է 2014թ. մայիսի 17-ին Վարդանանց փողոցում՝ Վերնիսաժի մոտ հնչած կրակոցների գործի քննությունը։ Դատարանում ամբաստանյալ Ներսես Մելքոնյանի պաշտպան Վարդուհի Էլբակյանը խնդրեց քննության չառնել նախորդ դատական նիստում իր կողմից ներկայացված միջնորդությունը։ Փաստաբանը միջնորդել էր խափանման միջոց կալանավորումը փոխել գրավով։