168.am-ի տեղեկություններով, իրապես, որոշակի կանխավճար է տրվել ՌԴ-ին և զենք չի մատակարարվել: Փաշինյանը պատճառների մասով ինչ-ինչ բաներ հասկացնում է, բայց, ամեն դեպքում, հստակություն պահանջող հարցեր կան, որոնց գուցե ավելի ուշ անդրադարձ լինի հայկական կամ ռուսական կողմից:
Այսօր ՀՀ երկրորդ նախագահ Ռոբերտ Քոչարյանը լրագրողների հետ հանդիպմանը վստահեցրել է, որ ՀԱՊԿ-ին անդամությունը բնավ չի խանգարում եվրոպական, արևմտյան երկրներից զենքի գնմանը:
Հակակոռուպցիոն դատարանը մերժել է գրավի դիմաց հրթիռների գործով անցնող ՀՀ պաշտպանության նախկին նախարար Դավիթ Տոնոյանին կալանքից ազատ արձակել կամ փոխել խափանման միջոցը: Տեղեկությունը 168.am-ին հայտնեց Դավիթ Տոնոյանի փաստաբան Սերգեյ Հովհաննիսյանը:
Երբ տեսնելու շատ բան է եղել, և ասելու շատ բան կա, արտահայտվելը չափազանց դժվար է, հատկապես, երբ խոսքը բանակի, զինվորի, սպայի, հրամանատարի մասին է: Առհասարակ, միշտ զարմացել եմ, երբ սիրո մասին կարելի է երկար խոսել, աղոթքում շատախոս լինել, այն, ինչ ինտիմ է, հրապարակներում գոռալ: Չի ստացվում, զգացածի և զգացմունքների շատությունն ու «կռիվը» խանգարում է:
Հանրային հեռուստաընկերությանը տված հարցազրույցում ՀՀ առաջին նախագահ Լևոն Տեր–Պետրոսյանն անդրադառնալով պնդումներին, թե Ադրբեջանի և Հայաստանի միջև հնարավոր հաշտության պայմանագիրը, դա իրականում կապիտուլյացիայի պայմանագիր է, ասել է՝ «ավելի հզոր երկրներն են կապիտուլյացիայի ենթարկվել, ի՞նչ է եղել, Ճապոնիա՞ն չի նվաստացել, չի՞ կապիտուլացվել, ի՞նչ է եղել այստեղ»: Այսինքն, այլ ելք չկա, ցավոտ լուծումներ են մեզ սպասվում:
Վաղը՝ սեպտեմբերի 27-ին, կլրանա 44-օրյա պատերազմի 2-րդ տարին, որի ժամանակ գերագույն հրամանատարը Նիկոլ Փաշինյանն էր: Այս ֆոնին Փաշինյանի ընտանեկան թերթի, այսպես ասած, արխիվային հոդվածներն ընթերցելը վնաս չէ, եթե չասենք՝ անհրաժեշտ, գուցե՝ օգտակար, համենայնդեպս, որոշ դեպքերում հենց Նիկոլ Փաշինյան վարչապետի և գերագույն հրամանատարի համար:
44-օրյա պատերազմում նահատակված զինծառայողների ծնողներն այսօր նորից կարևոր կոչով «Եռաբլուր» պանթեոնում էին, այն հատվածում, որտեղ սեպտեմբերի 21-ին՝ ՀՀ անկախության օրը, հարյուրավոր ոստիկաններ, ուժային այլ կառույցների աշխատակիցներ բռնի ուժ կիրառեցին նրանց դեմ՝ ճանապարհ բացելով Նիկոլ Փաշինյանի և նրա թիմակիցների առջև:
Սեպտեմբերի 25-ին Բյուրեղավան խոշորացված համայնքում ՏԻՄ ընտրություններ են։ Համայնքի թիվ 28/11 ընտրատեղամասում, որը տեղակայված է Բյուրեղավանի հիմնական դպրոցում, ժամը 13:35-ի դրությամբ ընտրել է 515 ընտրող՝ 1811 ընտրողից։
Սեպտեմբերի 13-ից հետո՝ ադրբեջանական ռազմական վերջին գործողությունների համատեքստում, դարձյալ «ջրի երես» դուրս եկան դիրքերի կահավորման հետ կապված հարցերը, ռազմատեխնիկայի չքողարկման և ՀՕՊ միջոցների տեղակայման վայրը չփոխելու խնդիրները, ինչպես նաև՝ զենքի պակասի, որի մասին խոսում են հենց իշխանությունները, գիշերային տեսանելիության սարքերի, վրանների, բահերի և այլ խնդիրների, ինչպես շրջանառվում է սոցցանցերում:
«Հենակետ» վերլուծական կենտրոնի ղեկավար Վիտալի Մանգասարյանի դիտարկմամբ, պետք է ելնել այն կանխավարկածից, որ Ադրբեջանը փորձելու է մեզ հանկարծակիի բերել և հանկարծակիության պահն աշխատացնել հնարավորինս արդյունավետ:
Ադրբեջանը հայտարարել է, որ Կարմիր խաչի միջնորդությամբ հայկական կողմին են փոխանցել 6 հայ զինծառայողի մարմին: ՀՀ ՊՆ խոսնակ Արամ Թորոսյանը 168.am-ի հետ զրույցում հաստատեց տեղեկությունը, որ ադրբեջանական կողմը հայկական կողմին է փոխանցել ռազմական վերջին գործողությունների ժամանակ զոհված 6 զինծառայողի մարմին:
ՄԱԿ-ի Գլխավոր ասամբլեայի 77-րդ նստաշրջանում Նիկոլ Փաշինյանն իր ելույթի ժամանակ օգտագործել է «ԼՂ-ում բնակվող հայեր», «ԼՂ հայեր» ձևակերպումները, որոնք կիրառում է Ադրբեջանի ղեկավարը, և ինչը որոշ մարդկանց գուցե զարմանքն և զայրույթը հարուցի:
Ադրբեջանի պաշտպանական գերատեսչությունը հերթական ապատեղեկատվությունն էր տարածել այսօր, թե «սեպտեմբերի 22-ի երեկոյան ժամերից հայկական զինված ուժերի ստորաբաժանումները տարբեր ուղղություններով կրակել են ադրբեջանական դիրքերի և բնակավայրերի ուղղությամբ, այդ թվում՝ Տավուշի հատվածում»:
Օրերս Առաջին ալիքի՝ «Պետրոս Ղազարյանի հետ հարցազրույցի» ժամանակ ԱԺ նախագահ Ալեն Սիմոնյանն անդրադառնալով Հայաստանի դեմ պատերազմական գործողություններին և դրա ֆոնին ռազմական դրություն հայտարարելու անհրաժեշտությանը, նշել է. «Ռազմական դրություն հայտարարելն այս պահին կարող է ագրեսիայի քայլ դիտարկվել։ Հարևան երկիրը միշտ հայտարարում է, որ մենք պատրաստվում ենք սադրանքի, հարձակման»:
Հայաստանի Հանրապետության անկախության 31-րդ տարեդարձի առթիվ այսօր՝ սեպտեմբերի 21-ին, ՀՀ բարձրագույն ղեկավարությունն այցելել է «Եռաբլուր» զինվորական պանթեոն:
Կողմերը փորձում են նորմալ հարաբերություններ պահպանել։ Սակայն ակնհայտ է մի բան․ երկու երկրներն էլ միմյանց դիտարկում են՝ որպես սպառնալիք։ Դա փաստ է, որը հերքել չի կարելի։ Բավական է հիշեցնել, թե ոչ պաշտոնական մակարդակով կողմերն ինչպիսի հակաքարոզչությամբ են զբաղվում միմյանց դեմ։
Այս օրերին ակտիվորեն քննարկվում է՝ Հայաստանի համար արտաքին քաղաքական և ռազմաքաղաքական որ ուղղությունն է շահեկան՝ դեպի Ամերիկա՞, Արևմո՞ւտք, ՆԱՏՕ՞, թե՞ Ռուսաստան, ՀԱՊԿ:
Ադրբեջանը հայտարարել է, որ Կարմիր խաչի միջնորդությամբ հայկական կողմին են փոխանցել 95 հայ զինծառայողի մարմին:
Օրեր առաջ ՀՀ զինված ուժերի գլխավոր շտաբի պետ, գեներալ-մայոր Էդվարդ Ասրյանը Ջերմուկ քաղաքում հայտարարել էր, որ ադրբեջանական զինուժն իր հարձակողական գործողությունների արդյունքում այս ուղղությամբ ունեցել է որոշակի հաջողություններ։
Հայկական կողմին է փոխանցել ռազմական վերջին գործողությունների ժամանակ զոհված 32 զինծառայողի մարմին:
Ճիշտ է՝ Նիկոլ Փաշինյանը ժամանակ առ ժամանակ սրբագրում է հատկապես իր պատերազմական ֆեյսբուքյան գրառումները և հայտարարությունները, բայց ինքն իրեն ամբողջովին չի կարող, չէ՞, սրբագրել, ուստի հանդիպում ենք ոչ պատահական համընկնումների՝ պատերազմի պատճառների և այլնի մասին՝ 44-օրյա պատերազմի և այս՝ վերջին օրերին Ադրբեջանի սկսած պատերազմական գործողությունների ֆոնին:
Ջերմուկում լրագրողների հետ զրույցում ԶՈւ գլխավոր շտաբի պետ Էդվարդ Ասրյանը տեղեկացրել է, որ Ջերմուկի հյուսիսային հատվածում հակառակորդի 50-60 հոգանոց խումբը հետ է քաշվել։
Օտարերկրյա դիվանագետների հետ հանդիպում-բրիֆինգի ժամանակ Էդվարդ Ասրյանը հայտնել է, որ հակառակորդը Ջերմուկի հատվածում մխրճվել է ՀՀ ինքնիշխան տարածք՝ 8.5 կմ լայնությամբ ճակատով և մինչև 7.5 կմ խորությամբ, և, որ այդ մխրճումներն իրականացվել են Ադրբեջանի զինված ուժերի կողմից՝ խմբերով, ջոկատներով:
«Դանակը հասել է ոսկորին, նոր փորձում են վտանգների ու սպասվող նորանոր ագրեսիաների մասին բարձրաձայնել ի լուր աշխարհի։ Սակայն լավ է ուշ, քան երբեք։ Ես կարող եմ ասել, որ այդ ժամանակավոր հրադադարը շատ փխրուն է, ու ցանկացած պահի կարող է պայթել։ Ադրբեջանական կողմը երկօրյա ագրեսիայից հետո իր պլանը նվազագույնը կատարել է, հիմա զորքերի, սպառազինության վերախմբավորումներ է անում ու պատրաստվում է, իմ կարծիքով, նոր հարվածի»,- նշեց փորձագետը:
Օտարերկրյա դիվանագետների հետ հանդիպում-բրիֆինգի ժամանակ Էդվարդ Ասրյանը հայտնել է, որ ռազմական գործողությունների հենց սկզբից վարելով դիրքային մարտեր, մեր ստորաբաժանումները ետ էին մղում հակառակորդի գերակշռող ուժերի հարձակումները:
«Հակառակորդը մխրճվել ՀՀ ինքնիշխան տարածք՝ 8.5 կմ լայնությամբ ճակատով և մինչև 7.5 կմ խորությամբ: Այդ մխրճումներն իրականացվել են Ադրբեջանի զինված ուժերի կողմից՝ խմբերով, ջոկատներով, և որոշակի խմբեր, ջոկատներ նաև գտնվում են մեր ստորաբաժանումների անմիջական հսկողության տակ, նաև՝ շրջափակումների մեջ: Ներկա դրությամբ Ադրբեջանի ԶՈւ-ն Ջերմուկի մատույցներից 4.5 կմ հեռավորության վրա է»,- հայտնել է ՀՀ ԶՈՒ ԳՇ պետը՝ շեշտելով, որ Զինված ուժերը շարունակելու են հայրենիքի ռազմական անվտանգության բոլոր միջոցառումների իրականացումը:
Սեպտեմբերի 14–ին Կառավարություն-ԱԺ հարցուպատասխանի ժամանակ Նիկոլ Փաշինյանը հերթական անգամ հայտարարել է, թե իր վարչապետության օրոք չի եղել մի դեպք, երբ բանակը որևէ հարց բարձրացնի, և ինքն այդ խնդիրը չլուծի՝ առնվազն ֆինանսական առումով: Այս հայտարարությունը Փաշինյանն արել է ի պատասխան իր թիմակցի՝ ՔՊ-ական պատգամավոր Քրիստինե Պողոսյանի հարցին՝ ի՞նչ է արել հաղթանակ ապահովելու համար: «Էդքան քննադատված Սու-30ՍՄ-ի […]
Ինչքան կարելի է միտումնավոր դավաճանական խոսք ասել ԱԺ ամբիոնից, հետո փորձել սրբագրել: 168.am-ի հետ զրույցում անդրադառնալով Նիկոլ Փաշինյանի երեկվա իրարամերժ հայտարարություններին, ասաց «Հայաստան» խմբակցության պատգամավոր Գեղամ Մանուկյանը:
ԱԺ «Հայաստան» խմբակցության անդամ Գեղամ Մանուկյանն իր ելույթում նշեց, որ չի քննարկելու ՍԴ դատավորի թեկնածուի հարցը, քանի որ Սահմանադրական դատարանի կարգավիճակը, հեղինակությունը վաղուց արդեն նսեմացվել է, երբ ապագայում ԿԸՀ նախագահացուի թեթև ձեռքով, նախագծով իշխանության կողմից ընդհանրապես ձևախեղվեց Սահմանադրական դատարանը:
«Լավ էլի, կատակ ե՞ք անում»:
