Հայաստանում Շվեյցարիայի դեսպանատան մոտ այսօր ՀՀԿ երիտթևի նախաձեռնությամբ բողոքի ակցիա էր կազմակերպվել՝ Շվեյցարիայի կողմից Socar-ի գործունեությունը դադարեցնելու խնդրանք-հորդորով:
«Մենք ունենք ներքին լուրջ խնդիր, դա հասարակության հետ աշխատանքն է: Շարքային քաղաքացին բացում է հեռախոսը և կարդում այն մեդիաաղբը, որը հրամցվում է այս իշխանության կողմից: Իշխանությունն այս առումով բազմավեկտոր է. Գիտի՝ ինչպես աշխատել, ինչը թիրախավորել»,- «Հայաստանի իրական օրակարգը» հանրային քննարկման ժամանակ ասաց ՀՀԿ խորհրդի անդամ Հայկ Դերզյանը:
«Մեր պետության պատմության ընթացքում բազմաթիվ օրհասական և բացառիկ իրավիճակների հետ մեկտեղ՝ ներքաղաքական կյանքում ստեղծվել է մի բացառիկ իրավիճակ, որտեղ ընդդիմությունը որպես քաղաքական ինստիտուտ՝ այսօր լիարաժեք հնարավորություն ունի հակակշռելու և կասեցնելու անվտանգային և բոլոր այն սպառնալիքները, որոնք այսօր ուղիղ իմաստով կանգնած են մեր պետության առջև»։
«44-օրյա պատերազմից հետո Արցախի և Հայաստանի սահմանները չունեն անվտանգություն, կանգնած են մեծագույն վտանգի առջև, քանի որ չեն պահպանվել նոյեմբերի 9-ի համաձայնագրի կետերը»,- այսօր հրավիրված ասուլիսի ընթացքում ասաց ՀՀԿ խորհրդի անդամ Շուշան Զաքարյանը՝ հիշեցնելով, որ չունեցանք բոլոր գերիների վերադարձ, զոհվածների և անհետ կորածների հստակ թիվ:
