Թրամփ․ Իրանի հարցով ընդունելի է միայն համաձայնությունը կամ Թեհրանի լիակատար կապիտուլյացիան
ԱՄՆ նախագահ Դոնալդ Թրամփը հայտարարել է, որ Իրանի հարցով իրեն կբավարարի կա՛մ համաձայնության ձեռքբերումը, կա՛մ Թեհրանի «լիակատար կապիտուլյացիան»։
«Ոչինչ չի հասնի Իրան, եթե մենք դա չցանկանանք, և ոչինչ չի անցնի, եթե համաձայնություն ձեռք չբերվի կամ չլինի լիակատար կապիտուլյացիա», — գրել է ԱՄՆ նախագահը։
ԱՄՆ նախագահ Դոնալդ Թրամփը հայտարարել է, որ Վաշինգտոնն ու Թեհրանը բանակցություններ են վարում, նույնիսկ եթե Իրանը հրապարակայնորեն հերքում է այդ փաստը։
«Նրանք հանդիպում են խնդրում, ոմանց խոսքով՝ «աղաչում» են, բանակցություններն արդեն սկսվել են, և մոտ ապագայում նախատեսվում է դրանց շարունակությունը։ Միևնույն ժամանակ նրանք բացահայտ ու հպարտ հայտարարում են, թե խորհրդակցություններ չեն անցկացնում, ոչինչ չեն քննարկում և միայն շփվում են Օմանի հետ», — գրել է Թրամփը Truth Social սոցիալական հարթակում։
Նա նաև պնդել է, որ Հորմուզի նեղուցն ամբողջությամբ վերահսկվում է ԱՄՆ ռազմածովային ուժերի կողմից և կրկին ընդգծել, որ Իրանը չպետք է ձեռք բերի միջուկային զենք։
Հիշեցնենք՝ ԱՄՆ նախագահ Դոնալդ Թրամփը ավելի վաղ հայտարարել էր, որ Միացյալ Նահանգներն ու Իրանը համաձայնության են հասել Հորմուզի նեղուցի հարցում, և այժմ ակնկալում է նաև համաձայնագիր Իրանի միջուկային ծրագրի վերաբերյալ։
