ՀԱՊԿ-ում հայտարարել են, որ կարող են միջուկային զենք կիրառել՝ դաշնակիցներին պաշտպանելու համար

ՀԱՊԿ հավաքական անվտանգության ռազմավարությունը չի բացառում զանգվածային ոչնչացման զենքի կիրառում՝ դաշնակիցներին պաշտպանելու համար, РИА Новости-ին հայտարարել է կազմակերպությունում մշտական ներկայացուցիչ Վիկտոր Վասիլևը։

«Այդ Ռազմավարության զարգացման նպատակով ընդունված փաստաթղթերը, ինչպես նաև Ռուսաստանի Դաշնության ռազմական դոկտրինը ենթադրում են միջուկային զենքի օգտագործման հնարավորություն, ներառյալ՝ հարձակման դեպքում դաշնակիցներին պաշտպանելու համար»,- նշել է նա՝ ի պատասխան այն հարցին՝ արդյոք նման սպառազինություն կարո՞ղ է հայտնվել դաշինքի այլ երկրներում։

Զրուցակիցը պարզաբանել է, որ ՀԱՊԿ-ում ընդունված փաստաթղթում հավաքական անվտանգության ժամանակակից մարտահրավերների և սպառնալիքների շարքում նշվում են ռազմական միջուկային ներուժ ունեցող պետությունների թվի աճի հնարավորությունը, ինչպես նաև զանգվածային ոչնչացման զենքի ու դրա տեղափոխման միջոցների տարածումը։