«Այս հրաժարականներն արվել են՝ լցնելու այն օրակարգը, որը մինչև այժմ լցնում էր խաղաղության պայմանագիրը, որի ստորագրումն անորոշ ժամանակով հետաձգվել է»,- 168.am-ի հետ զրույցում նշեց Արմեն Բադալյանը՝ անդրադառնալով երեկվանից Կառավարությունում տեղի ունեցած հրաժարականներին ու դրանց իրական նպատակներին։
«Մարդիկ, որոնք ոգևորված են ԱՄՆ-ում Թրամփի ընտրվելով ու Հայաստանի փրկությունը կապում են դրա հետ՝ Թրամփի աշխատակազմո՞ւմ են աշխատում, թե՞ նրա նախընտրական ծրագիրն են գրել։ Մոռացեք այն Թրամփին, որը նախագահ է եղել 2016-2020 թվականներին, այն ժամանակ աշխարհում ուրիշ վիճակ էր և չկար ձևավորված նրա այն քաղաքական թիմը, որի պատճառով նրա քաղաքականությունը որոշակի խնդիրներ առաջ բերեց»,- այս մասին 168.am-ի հետ զրույցում ասաց քաղտեխնոլոգ Արմեն Բադալյանը՝ խոսելով Միացյալ Նահանգներում 47-րդ նախագահական ընտրություններում Դոնալդ Թրամփի ընտրվելու և հայ-ամերիկյան հարաբերությունների մասին։
Օգոստոսի 31-ին Նիկոլ Փաշինյանն իր վերջին ասուլիսում հայտարարեց, որ դեռևս որոշում չունեն՝ նոյեմբերի 11-22-ը Բաքվում անցկացվող ՄԱԿ-ի Կլիմայի փոփոխության համաժողովին՝ COP29-ին մասնակցության վերաբերյալ։
Քաղտեխնոլոգ Արմեն Բադալյանի գնահատմամբ՝ Վրաստանում տեղի ունեցած ընտրությունների արդյունքները շատ կարևոր են ոչ միայն այն պատճառով, որ Վրաստանը Հայաստանի հարևան երկիրն է, այլև ըստ նրա՝ քաղաքական գործընթացների ապագա զարգացումը շատ բանով կախված է այդ արդյունքներից:
«Շարժումը կարող է չլինել կուսակցական, բայց երբ այն դնում է քաղաքական նպատակներ, կոնկրետ այս դեպքում իշխանությունների հեռացում, արդեն իսկ քաղաքական շարժում է, այս շարժումը չի կարող լինել կրոնական կամ սպորտային, անկախ նրանից, թե այդ քաղաքական շարժումն ովքեր են առաջնորդում։
«Այն պահին, երբ Հայաստանում իշխանության կգան ազգային ուժերը, կձևավորվի ազգային իշխանություն, որը կառաջնորդվի ՀՀ ազգային շահերով, Արցախի հարցն անմիջապես կբարձրացվի, և շատ կարճ ժամանակ հետո արցախահայերը կվերադառնան Արցախ։ Չեմ կարող ասել՝ սա երբ կլինի, բայց արցախահայերի վերադարձը միայն իմ նշած տարբերակի դեպքում է հնարավոր. մենք այլ տարբերակ չունենք»,- եզրափակեց Արմեն Բադալյանը։
«Պետք է վերականգնվի 2023 թվականի սեպտեմբերի 18-ի իրավիճակը, այսինքն՝ երբ Արցախի մի հատվածը կար արցախահայերով, քանի դեռ այս վիճակը չի վերականգնվել, նոյեմբերի 9-ի եռակողմ պայմանագիրը համարվում է գոյություն չունեցող։ Այս պայմաններում սաբոտաժ անում են ռուս-ադրբեջանական կողմերը։ Անկախ այն հանգամանքից, թե ՀՀ իշխանությունը որքանով է խամաճիկային, չի կարող կյանքի կոչել այդ պայմանագիրը, որն իրականում գոյություն չունի այս պահին»,- հավելեց մեր զրուցակիցը։
Միջազգային քրեական դատարանի առաջին դատախազ Լուիս Մորենո Օկամպոն բաց նամակ էր հղել հայերին, որտեղ անդրադարձել է COP-29-ին՝ կլիմայի փոփոխության վերաբերյալ ՄԱԿ-ի 29-րդ համաժողովին և համայն հայության անելիքներին։ Համաժողովն անցկացվելու է նոյեմբերին Բաքվում։
«Նաև լավ է կազմակերպված շարժումը լուսաբանելու գործընթացը, լավ քայլ է արված քայլերթի հիմնի մշակումը։ Բավականին լավ էներգետիկա կա, հատկապես Հանրապետության հրապարակում, նշմարվում է, որ մարդկանց մոտ իշխանություններից դժգոհության մեծ ալիք կա։ Կարծում եմ՝ փորձում են քայլ առ քայլ թափանիվն ավելի արագ պտտեցնել ու նոր թափ վերցնել, թե ինչ կլինի՝ ապագան ցույց կտա»,- նշեց Արմեն Բադալյանը։
168.am-ի հետ զրույցում քաղտեխնոլոգ Արմեն Բադալյանը խոսելով այս հատվածական բողոքի ակցիաների՝ հետագա զարգացումների և համաժողովրդական ընդվզման վերաճելու հնարավորությունների մասին, ասաց՝ իհարկե, հասարակության մի հատվածի մոտ նկատվում են դժգոհություններ իշխանությունների վարած զիջողական քաղաքականության նկատմամբ, որոնք արտահայտվում են որոշակի միջոցառումների, մասնավորապես՝ փողոցներ կամ մայրուղիներ փակելու միջոցով։
«Պրեսսինգ» հաղորդաշարում Սաթիկ Սեյրանյանի հյուրը քաղտեխնոլոգ Արմեն Բադալյանն է։
«Եթե Հայաստանն ունենար ինքնուրույն քաղաքական ղեկավարություն և ոչ թե՝ Արևմուտքի կողմից նշանակված խամաճիկային ղեկավարություն, ապա ներկա բարդ աշխարհաքաղաքական գործընթացներին Հայաստանի նման փոքր պետությունը պետք է վարեր, այսպես կոչված, կոմպլեմենտար քաղաքականություն։ Սա միակ հնարավոր տարբերակն է այս պահին, քանի որ ռուսական ու ՆԱՏՕ-ական աշխարհը բավականին լուրջ հակամարտության մեջ են մտել, այսպես կոչված՝ արևելյան բլոկը՝ Ռուսաստան, Իրան, Չինաստան, Հյուսիսային Կորեա, և, բնականաբար, սրանք հակամարտության մեջ են Արևմուտքի հետ»։
«Ադրբեջանը ժամանակ է ձգում, որպեսզի տեսնի, թե Ռուսաստանն Ուկրաինայում ինչ արդյունքներ է գրանցելու, այդ ընթացքում փորձում է ՀՀ-ում Սահմանադրություն փոխել։ Իսկ ՌԴ-ի կողմից Ուկրաինայում հաջողություններ գրացնելու համար նախադրյալներ կան, բայց դեռևս դա շոշափելի չէ։
«Տեխնոլոգիաների տեսանկյունից ընդդիմությունը շատ թույլ է, ավելին՝ երբեք չի կարող ուրիշի ծրագրի մեջ մտնել և ուրիշի ծրագիրն իրենով անել, դրա համար մեծ «տաղանդ» պետք է ունենալ։ Այդ պատճառով եթե Հայաստանում արտահերթ ընտրություններ լինեն, հնարավոր է՝ ընդդիմադիր այս կամ այն ուժն անցնի խորհրդարան, բայց չի կարող իշխանություն վերցնել, քանի որ արտաքին ուժերն աջակցելու են այն ուժին, որին բերել են իշխանության, այսինքն՝ այսօրվա իշխանությանը։
«Պրեսսինգ» հաղորդաշարի եթերում Սաթիկ Սեյրանյանի հյուրը քաղտեխնոլոգ Արմեն Բադալյանն է։
