ՀՀ-ն` չունենալով երկարաժամկետ տնտեսական զարգացման մոդել, որոշակի դժվարությունների առաջ է կանգնեցնում այս պարտատոմսերի տեղաբաշխման ժամանակ անհրաժեշտ որոշումը կայացնողներին, որովհետև նրանք պետք է գնահատեն` ինչ ժամկետում, ինչ տնտեսական կառուցվածք և ինչ վերադարձելիություն կարող է ապահովել ՀՀ տնտեսությունը:
Վերջին մեկ ամսվա ընթացքում ԿԲ-ն արդեն երրորդ անգամ է բարձրացնում տոկոսադրույքը։ Ինչի՞ դա կարող է բերել
«Դրսի օժանդակությամբ ստեղծվել են կազմակերպություններ, որոնք նպաստում են այն մտածողության զարգացմանը, թե ճանաչենք Ցեղասպանությունը, փակենք էջն ու անցնենք առաջ: Բայց էջը հնարավոր չէ փակել, ճանաչմանը հաջորդում է հատուցումը, որն այս հարցում արդարության հասնելու ճանապարհն է»,- ասում է նա:
«Բարգավաճ Հայաստան» կուսակցության նախագահ Գագիկ Ծառուկյանի հրավիրած ոչ իշխանական քաղաքական և հասարակական ուժերի խորհրդաժողովում որոշակիորեն առանձնացավ ԱԺ «Ժառանգություն» խմբակցության ղեկավար Ռուբեն Հակոբյանի ելույթը: Այն իր մեջ մեղադրական տարրեր էր պարունակում նաև ոչ իշխանական ուժերի հանդեպ, ովքեր, ըստ Հակոբյանի, օրվա իշխանության հետ համատեղ, պատասխանատվության լուրջ բաժին ունեն: Նրա խոսքով, ընտրությունից ընտրություն ժողովրդի քվեն կեղծելով` իշխանությունը բռնազավթվում […]
ՀՀ ռեզիդենտ բնակիչների դրամային և արտարժութային ավանդները (այդ թվում ցպահանջ հաշիվները) նվազել են 51.3 մլրդ դրամով։
Գյումրեցիների դեպքում իշխանությունների մտավախությունն արդարացված էր. նրանք կգնային մինչև վերջ: Մայրաքաղաքում առայժմ համաժողովրդական ամուլ շարժումների նոր փուլ է սպասվում: Դրանց հեգնանքով է արձագանքում անգամ Գալուստ Սահակյանը:
«Ես չեմ կարծում, որ հավաքվել էինք լիդերության հարցը ճշտելու: Լիդերության հարցը կճշտվի այն ժամանակ, եթե խոսքը անձի է վերաբերում, երբ կոնկրետ առաջանա ընտրությունների հարցը»,- 168.am-ին ասել է ԱԺ «Ժառանգություն» խմբակցության ղեկավար Ռուբեն Հակոբյանը՝ մեկնաբանելով «Բարգավաճ Հայաստան» կուսակցության նախագահ Գագիկ Ծառուկյանի հրավիրած ոչ իշխանական քաղաքական և հասարակական ուժերի խորհրդաժողովում հռետորների մեծամասնության հայտարարությունները Գագիկ Ծառուկյանի լիդերության մասին:
ՀՀ ռեզիդենտ բնակիչների դրամային և արտարժութային ավանդները (այդ թվում ցպահանջ հաշիվները) դեկտեմբերին նվազել են 51.3 միլիարդ դրամով։ Մարդիկ պարզապես գումարը դուրս են բերել բանկերից։
Թե ով կամ ովքեր են գրել Գագիկ Ծառուկյանի ելույթը, այլ հարց է: Սակայն, երբ այդ մասին խոսում է Գալուստ Սահակյանը, ով Հայաստանի քաղաքական դաշտում «դժվարըմբռնելի» մտքերի անվիճելի առաջատարն է, դա իսկապես զվարճալի է:
«Շատ դեպքերում հենց հասարակությունը, մենք, նույնիսկ իրավաբաններն ավելի հեռու են փնտրում, քան իրականում կա: Ժողովրդական խոսք կա՝ ասում է՝ հեռու փնտրեցինք, մոտիկ գտանք: Ինչ-որ ֆանտաստիկ վարկածներ ենք առաջ քաշում, տարբեր քաղաքական լուրջ մտավախություններ են հնչում, իսկ իրականում շատ հավանական է, իմ կարծիքով, պարզապես ցավալի պարզունակ հանցագործություն է, իհարկե՝ ոչ հետևանքի մասով: Ցավոք, հետևանքն այնքան ծանր է, որ կարելի է համեմատել Հոկտեմբերի 27-ի հետ երևի: Իզուր չէ, որ այդպես էլ կար մամուլում: Բայց էլի եմ ասում՝ սա կարող է լինել ընդամենը ոչ մեղսունակ անձի կամ, մեղմ ասած՝ ոչ առողջ մարդու ոչ ադեկվատ գործողություն»,- ավելացրեց նա:
Մեր տնտեսական օրենսդրության պատմությունը հերթական տարօրինակ փաստն արձանագրեց: Շատ տարօրինակ: Խորհրդարանը քվեարկությամբ ևս վեց ամսով հետաձգեց «Շրջանառության հարկի մասին» օրենքը:
«Ռոբերտ Քոչարյանի ժամանակվանից կային այս խնդիրները: Եվ մենք այս պահանջները դրել ենք: Եվ այն ժամանակ, չեմ ուզում անունը տամ, բայց ամենակարկառուն իշխանական դեմքերից մեկն ասում էր՝ բա այսքանը որ տանք ընդդիմությանը, էլ ինչո՞ւ ենք գալիս իշխանության: Այո, դա է հարցը, որ փոխվում է իշխանության գալու մոտիվացիան, որովհետև շատ պարզ բան է այսօր կատարվում` այս համակարգն ապահովում է մի երևույթ, որ ընտրությունների ժամանակ հաղթածը ստանում է ամեն ինչ, պարտվողը` ոչինչ»,- ասում է նա:
Գերխոշոր հարկատուների՝ առաջին 10 տեղերը զբաղեցնող ընկերությունների ընդհանուր հարկերի չափը գրեթե չի ավելացել։
«Հայաստանն ու Ադրբեջանն իրավունք ունեն կազմակերպել իրենց հարաբերությունները ՌԴ-ի և ցանկացած այլ երկրի հետ այնպես, ինչպես իրենք են ցանկանում: Արևմուտքը չպետք է միջամտի: Մյուս կողմից՝ ոչ էլ ՌԴ-ն պետք է միջամտի այն հարցին, թե ինչպես են Հայաստանն ու Ադրբեջանը կազմակերպում իրենց հարաբերությունները ՆԱՏՕ-ի, ԵՄ-ի և այլ կողմերի հետ»:
Օբամա-Բայդեն վարչակարգը Կոնգրեսին է ներկայացրել 2016 ֆինանսական տարվա բյուջեի նախագիծը, որով կոչ է արվում կրճատել թե՛ Հայաստանին, թե՛ Ադրբեջանին ԱՄՆ-ի ցուցաբերած տնտեսական օգնության ծավալը: Միևնույն ժամանակ պահպանվում է երկու երկրների համար նախատեսված ռազմական օգնության ծավալը: Մասնավորապես, եթե Կոնգրեսը հավանության արժանացնի 2016 ֆինանսական տարվա բյուջեի նախագիծը, ապա Հայաստանի համար նախատեսված տնտեսական օգնության ծավալը կկազմի 18 մլն […]
«Ես կարծում եմ, որ մինչև ապրիլի 24-ը շատ մարդիկ կմիանան մեզ, և մենք կկարողանանք իրականացնել մեր ցանկությունը՝ համակարգային փոփոխություն: Իսկ եթե ժողովուրդը մեր կողքին չկանգնի, ապա մենք ոչինչ էլ չենք կարող անել: Բայց այս վերջին դեպքից հետո շատ մարդիկ են արդեն սկսում կանգնել մեր կողքին»:
Փոքր և միջին ձեռնարկատերերն ընդամենը հինգ ամիս շունչ կքաշեն փաստաթղթավորման պահանջից, բայց ի՞նչ է լինելու հուլիսին 1-ին և դրանից հետո: Կրկին բողոքի ակցիաներ ու կրկին այդ պահանջի հետաձգո՞ւմ: Մինչև ե՞րբ:
Երբ Հայաստանում որևէ շարժում է ձևավորվում՝ քաղաքացիական, քաղաքական, սոցիալական, անմիջապես մեջտեղ է նետվում ամենափորձված «ճշմարտությունը». «Այնպես մի արեք, որ ապակայունացնեք երկրի՝ առանց այդ էլ անկայուն վիճակը: Թշնամին դրան է սպասում»:
«Ռիսկերը չափազանց շատ են, երկրի ապագան` վտանգված: Խնդիրը հայեցակարգի ու տնտեսվարման մոդելի ընտրության մեջ է: Տնտեսության պետական կարգավորման համակարգն արմատական արդիականացման կարիք ունի: Ժամանակը մեր դեմ է աշխատում…»,- ասում է նա:
Ապահովագրական ընկերությունների հաշվետվությունների համաձայն՝ ապահովագրական բիզնեսը ոչ միայն շահութաբեր չէ, այլև խիստ վնասաբեր է։
«Երբ նայում ես կադրերը, այնտեղ լուրջ նախապատրաստված են եղել ավտոշարասյունը դիմավորելու: Այդ որտեղի՞ց գիտեին, որ սադրանքներ են լինելու, որ պետք է դիմավորեին այդ ավտոշարասյունը: Ի վերջո, այդ շարասյունն ամբողջ ՀՀ տարածքով անցել է, և որևէ բան չի կատարվել»,- նկատում է Ավետիք Իշխանյանը:
Եթե իրավական առումով՝ պետք է օր առաջ բացահայտել այս հարձակումն իրականացնողներին ու կազմակերպողներին, ապա քաղաքական առումով՝ պետք է պատասխանել նաև այդ և դրանից բխող բազմաթիվ այլ հարցերին:
«Փառքը գայթակղիչ բան է: Ամենաանսիրտ և սառը թվացող բնավորությամբ մարդն անգամ ուզում է լինել սիրված: Սակայն, երբ այդ ցանկությունն անցնում է թույլատրելիի սահմանները, դառնում է հիվանդագին նպատակ»:
«Ցեղասպանության 100-ամյա տարելիցը մի կարևոր հանգրվան է», «հայրենի սրբազան ժառանգություն» տիպի մտքերն արդեն մահու չափ ձանձրացրել են: Կոնկրե՛տ: Ի՞նչ ենք ակնկալում Ցեղասպանության ճանաչումից: Հողե՞ր: Բարոյական հատուցո՞ւմ, այսինքն՝ ներողությո՞ւն: Գուցե Ֆինանսական փոխհատուցո՞ւմ:
ICMM-ի զեկույցում նշված են ամենից շատ հանքանյութ արտադրող TOP-20 երկրները։ Հայաստանն այդ ցանկում չկա
«ԿԲ-ն հայտարարում է, որ պետք է 5-6 բանկ: Նույնն է թե` վաղը կառավարությունը որոշում կայացնի, թե 2 հա-ից պակաս մակերեսով խանութները լուծարում է, կամ՝ ռեստորանը պետք է ունենա 1000 նստատեղից ոչ պակաս, կամ էլ՝ ՀՀ քաղաքացին պետք է ունենա 100 կգ-ից ոչ պակաս կշիռ: … Ամեն մի բանկը Հայաստանի մասնիկն է, դնում են ու գնդակահարում: Ինչո՞ւ»,- ասում է Էդվարդ Սանդոյանը:
«Մենք հիմա բարդ իրավճակում ենք: Խնդիրը տնտեսությունից տեղափոխել են բանկային համակարգ: Երկար շարունակվելու դեպքում բանկային համակարգում սնանկացումներ կունենանք, որը մեզ բոլորովին պետք չէ: Բնականաբար, ԿԲ-ն պետք է վաղ թե ուշ վերանայի այս գործիքը: Բայց եթե դրամն ազատ թողնեն, 1 դոլարի փոխարժեքը կարող է հասնել 650-730 դրամի, և առաջին խնդիրը կառաջանա ներմուծվող գազի գնի հետ կապված, որը միջպետական համաձայնագրում ֆիքսված է ոչ թե միջազգային բանաձևով, ինչպես ամբողջ աշխարհում է գազի գինը կապված նավթի գնի հետ, այլ, չգիտես ինչու, պայմանավորվում է Օրենբուրգի մարզում գործող գազի գնի հետ: Ու եթե դրամն արժեզրկվի, գազը թանկանալու է»,- 168.am-ին ասել է ՀՀ Ֆինանսների և էկոնոմիկայի նախկին նախարար Էդվարդ Սանդոյանը:
Երեկ ուշագրավ զարգացում արձանագրվեց «Շրջանառության հարկի մասին» օրենքի դեմ քաղաքացիների պայքարում: Նախօրեին ՀՀ նախագահի նստավայրից կրկին կառավարություն վերադարձած ձեռնարկատերերն առավոտյան հայտարարեցին անժամկետ նստացույց սկսելու մասին:
«Այո՛, Գյումրիում տեղի ունեցածն իր ազդեցությունն ունեցավ հայ-ռուսական հարաբերությունների վրա և նոր ճաք ավելացրեց՝ մեծ կամ փոքր, կարևոր չէ: Իսկ ճաքը սվաղելով չի վերանում…»:
Մեր քաղաքական իշխանությունները կարծես թե երբեք չեն փորձել Հայոց մեծ եղեռնը ներկայացնել համաշխարհային պատմության կոնտեքստում: Մինչդեռ, այն Առաջին համաշխարհային կոչված ողբերգության ամենասահմռկեցուցիչ էջն է: Բայց մենք այն շարունակում ենք դիտարկել ու աշխարհին ներկայացնել՝ որպես միայն մեզ վերաբերող ողբերգություն:
