ԵՄ-ն ուսումնասիրում է ՌԴ նավթի գնի սահմանափակման ժամանակավոր չեղարկման հնարավորությունը. Bloomberg
Եվրոմիությունը դիտարկում է Իրանի շուրջ հակամարտության պատճառով ռուսական նավթի արժեքի սահմանափակումների ժամանակավոր չեղարկման հնարավորությունը։ Այս մասին հայտնել է Bloomberg գործակալությունը՝ հղում անելով իր աղբյուրներին, հաղորդում է ՏԱՍՍ-ը։
2025 թվականին ԵՄ-ն ներդրեց մի մեխանիզմ, որը երաշխավորում է, որ յուրաքանչյուր վեց ամիսը մեկ Urals ապրանքանիշի ռուսական նավթի սահմանային գինը ավտոմատ կերպով սահմանվում է միջին շուկայականից 15%-ով ցածր: Ներկայիս սահմանաչափը պետք է վերանայվի ավելի ուշ՝ ամռանը։ Սահմանափակումներն արգելում են եվրոպական ընկերություններին մատուցել այնպիսի ծառայություններ, ինչպիսիք են ապահովագրությունը և այն նավթի տեղափոխումը, որի արժեքը գերազանցում է սահմանված շեմը, հիշեցնում է գործակալությունը։
Էներգակիրների գները կտրուկ աճել են Իրանի շուրջ հակամարտության և Հորմուզի նեղուցի փակման հետևանքով։ Հաջորդ վերանայման ժամանակ առավելագույն շեմը, ամենայն հավանականությամբ, 60 դոլարից (սահմանված «Մեծ յոթնյակի» կողմից) կբարձրացվի մինչև 65 դոլար, հայտնում է Bloomberg գործակալությունը։ Դրանից խուսափելու համար ԵՄ-ն առաջարկում է ժամանակավորապես սառեցնել սահմանային արժեքը ներկայիս մակարդակի վրա։ Որպես այլընտրանքային տարբերակներ դիտարկվում են ավտոմատ մեխանիզմի կասեցումը մինչև տարվա վերջ կամ ցանկացած բարձրացման սահմանափակումը մինչև 60 դոլար՝ համապատասխանեցնելով G7-ի մակարդակին, հստակեցնում են աղբյուրները։
