ՀՀ արտաքին գործերի նախարարի տեղակալ Շավարշ Քոչարյանը մեկնաբանել է Ադրբեջանի նախագահ Իլհամ Ալիևի այն հայտարարությունը, թե ապրիլյան գործողությունները և շփման գծի երկայնքով լարվածության պահպանումն Ադրբեջանի ներքին գործն են:
Մեդիա փորձագետ Թաթուլ Հակոբյանի կարծիքով` բլոգեր Ալեքսանդր Լապշինի արտահանձնումն Ադրբեջանին որևէ քաղաքական հետևանք չի ունենա և Լեռնային Ղարաբաղի հակամարտության կարգավորման գործընթացի վրա բացասական չի անդրադառնա։
Ուզենք թե չուզենք, պիտի ընդունենք, որ պատերազմական վերլուծությունների հարցում նրանք անհամեմատ ավելի հմուտ են: Հետևաբար` նրանց կարծիքն արժանի է լուրջ ուշադրության: Կատարվածն ու կատարվելիքը հասկանալու ու դիմակայելու ծրագրեր մշակելու համար:
Թուրքիայի նախագահ Ռեջեփ Թայիփ Էրդողանը ՌԴ նախագահ Վլադիմիր Պուտինի հետ հեռախոսազրույցից անմիջապես հետո հանդիպել է ԱՄՆ-ի կենտրոնական հետախուզական վարչության տնօրեն Մայք Պոմպեոի հետ, ով առաջին անգամ է այցելել Թուրքիա:
Հայաստանի պետական տնտեսագիտական համալսարանի տնտեսության կարգավորման և միջազգային տնտեսական հարաբերությունների ֆակուլտետի դեկան Ատոմ Մարգարյանը, ով 2014-ից Հանրապետական կուսակցության անդամ է, Tert.am -ի հետ զրույցում, անդրադառնալով հարցին, թե ինչպես է «ընկերակցում» կուսակցության օդիոզ դեմքերի հետ, ընդգծեց, որ կուսակցությունում սկսվել է ինքնամաքրման պրոցես, ապա ավելացրեց, որ անձամբ ամեն ինչ անելու է, որպեսզի ազգային գաղափարախոսությամբ պահպանողական այս ուժում հաղթեն հենց այս գաղափարախոսությունն իրապես կրող ուժերը, իսկ պատեհապաշտները հեռանան։
«Միակ ուրախալի փաստն այստեղ այն է, որ ԵՄ-ն արդեն իսկ զգուշացրել է Թրամփին, որ չի աջակցելու այդ պատժամիջոցներին և Թրամփի հակաիրանական արշավին, ինչը նշանակում է, որ չեն լինի ընդլայնված պատժամիջոցներ։ Չէ՞ որ ԱՄՆ-ը, ԵՄ-ն, Իրանը միջուկային համաձայնությանը հասան տասնյակ տարիների բարդ բանակցությունների արդյունքում»:
Դիտարկմանը, որ այս դեպքում Կարեն Կարապետյանը որպես ՀՀԿ-ական է խոսում և մեսիջն ուղղված է հենց ՀՀԿ-ականներին, Հ.Հարությունյանը պատասխանեց. «Այո, ես տեսնում եմ մարդկանց, որ ավելորդ ակտիվություն են ցուցաբերում, բայց դրանք պիտանի չեն մեզ: Անձնական ինչ-որ շահեր են փնտրում»:
«Լապշինի արտահանձնման գործով միջազգային վաղուց ճանաչված և կիրառվող նորմերի հանդեպ տեղի է ունեցել կոպիտ ոտնահարում, արհամարհանք: Դա մարտահրավեր է՝ ուղղված ոչ այնքան հայերին, որքան հենց միջազգային հանրությանը, քաղաքակիրթ երկրների հասարակություններին: Արտահանձնման գործի հետ կապված տվյալ դեպքում ունենք տղայական պայմանավորվածություն, միջազգային օրենքների կոպիտ ոտնահարում: Ի դեպ, Ադրբեջանն այս հարցով դիմել է մի քանի պետությունների և ստացել է մերժում: Մենք պետք է հասկանանք, որ Բելառուսը ևս մեկ անգամ հաստատեց իր քաղաքակրթական դաշտից դուրս լինելը»,-ասաց Լարիսա Ալավերդյանը:
Բլոգեր Ալեքսանդր Լապշինի հարցը կլուծվի Ադրբեջանի հետ աշխատանքային կարգով, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Ադրբեջանում Իսրայելի դեսպանատունն աչալրջորեն հետևում է բլոգեր Ալեքսանդր Լապշինին Բելառուսից արտահանձնելու դեպքի շուրջ զարգացումներին:
«Հանրապետական խորհրդում նույնպես նմանատիպ հայտարարություն հնչեցվել է, որ մեզ համար առաջնահերթությունը միջազգային բոլոր նորմերին համապատասխանող ընտրական գործընթացների անցկացնելն է և որևէ մեկի անօրինական գործողություներն ընդհանրապես պետք չեն»:
«Կարծում եմ` ընտրությունների օրը չի փոխվի, նախ, որովհետև օրենքին, Սահմանադրությանը համապատասխանում է, և ՀՀ նախագահի կողմից հնչեցված հայտարարությանը արձագանքներ բոլոր քաղաքական ուժերից չեղան»,- ասաց Գ.Մելիքյանը` ՀԱԿ-ի նախաձեռնությունն անվանելով «ոչ ցանկալի և անիմաստ պոպուլիզմ»:
Լեռնային Ղարաբաղի հակամարտության կողմերի հետ շփումները շարունակվում են՝ անկախ Մյունխենի անվտանգության համաժողովում Ռուսաստանի, Ադրբեջանի և Հայատանի ԱԳՆ ղեկավարների գրաֆիկից, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան այսօր տեղի ունեցած ճեպազրույցում, հայտնում է գերատեսչության կայքը։
«Պետք են նաև իրատեսական քայլեր՝ հարկային, մաքսային քաղաքականությունը, ստեղծված բիզնես-միջավայրը: Բայց նաև պետք է ասեմ, որ վարչապետի ներկայիս տնտեսական քաղաքականությունը հույս է ներշնչում, և շատ ու շատ սփյուռքահայեր ունեն պատրաստակամություն՝ գալ և ներդրումներ կատարել»:
Մենք պատրաստ ենք մասնակցել Ռուսաստանի, Ադրբեջանի և Հայաստանի արտգործնախարարների եռակողմ հանդիպմանը՝ Լեռնային Ղարաբաղի հակամարտությունը կարգավորելու հարցով, RIA Novosti-ին տված հարցազրույցում հայտարարել է Ադրբեջանի ԱԳՆ ղեկավար Էլմար Մամեդյարովը։
«Սա բաց գաղտնիք էր, մենք բոլորս գիտենք: Բոլորս գիտեինք, որ Հայաստանին իր կամքին հակառակ տարել-մտցրել են ԵՏՄ-ի մեջ: Այդ որոշումը կայացրել է Վլադիմիր Պուտինը, և Սերժ Սարգսյանն էլ մի գիշերում չէր կարող այդ մասին ամբողջ հայ ժողովրդի կարծիքը հարցնել: Եվ սա այն դեպքն է, որ ցույց է տալիս՝ մենք պետք է մեկ անգամ ևս մտածենք, թե մենք որտեղ ենք»:
Մինսկից Բաքու արտահանձնված բլոգեր Ալեքսանդր Լապշինի՝ Ադրբեջանում նշանակված փաստաբան Սաֆար Հուսեյնովը հայտարարել է RIA Novosti-ի հետ զրույցում, որ այսօր հանդիպել է իր պաշտպանյալի հետ, որը ոչ մի բողոք չունի իր առողջական վիճակից և պահման պայմաններից։
Վրաստանի նախկին վարչապետ Բիձինա Իվանիշվիլիին վարկաբեկող աուդիոձայնագրությունները պահվում են Երևանում: Ինչպես հաղորդում է sputnik-georgia-ն, այս մասին հայտարարել է «Ռուսթավի-2» հեռուստաալիքի տնօրեն Նիկա Գվարամիան:
Փետրվարի 8-ին Թուրքիայի խորհրդարանի իշխող «Արդարություն և զարգացում» կուսակցության պատգամավոր Մուստաֆա Յեներօղլուն Թուրքիայի և թուրքական համայնքի կապերի կարևորության մասին իր ելույթի ժամանակ բերել է «ուժեղ հայ համայնքի» օրինակը։
Շվեյցարահայ գործարար, բարերար, «Ֆրանկ Մյուլլեր» (Franc Muller) ընկերության նախագահ Վարդան Սրմաքեշը (Vartan Sirmakes) ներառվել է Շվեյցարիայի ամենահարուստ մարդկանց թվում։
«Լապշինի արտահանձնումն ապտակ էր Հայաստանի համար ու կարող է ունենալ հեռուն գնացող հետևանքներ: Սակայն սրան չի կարելի մոտենալ իրավական տեսանկյունից. իրավական կողմից ոչ մի կապ չկա, քանի որ սա սկզբից մինչև վերջ քաղաքական ակցիա է, որ կատարվեց երկու երկրների մեջ»,- լրագրողների հետ հանդիպման ժամանակ նշեց ՀՀ արտակարգ և լիազոր դեսպան Արման Նավասարդյանը:
ՀՀԿ գործադիր մարմնի անդամ, ԱԺ պատգամավոր Սամվել Նիկոյանը վստահեցնում է, որ ՀՀԿ-ին չի անհանգստացնում կուսակցությունից մի խումբ անձանց հեռանալը: Լրագրողների հետ զրույցում Նիկոյանը վստահեցրեց, որ ՀՀԿ-ի թուլանալու մասին խոսք լինել չի կարող:
«Յուրքանչյուր անձ ինքն է ընտրում իր ճանապարհը, բայց եթե բարոյականության շրջանակներում նման հայտարարություն է արվում, ես կարծում եմ` ընկերները միշտ պետք է լինեն իրար հետ, անկախ ինչ վիճակում է ընկերը: Այս պահին միանալը, կամ երկու տարի առաջ չմիանալը այնքան էլ բարոյականության շրջանակներում չէ: Ընկերները միշտ պետք է իրար հետ լինեն` անկախ իրավիճակից»,- այսօր Աժ-ում լրագրողների հետ զրույցում հայտարարեց ՀՀԿ խմբակցության քարտուղար Գագիկ Մելիքյանը:
«Ես չգիտեմ, թե որտեղ է ավարտվում Ալեքսանդր Լուկաշենկոյի և Իլհամ Ալիևի բարեկամության սահմանը։ Եթե այլ երկրների, այդ թվում՝ Ռուսաստանի, քաղաքացիությունը չի հանդիսանում արգելակող գործոն նրանց համար, ապա, ինչպես ասում են, «чем черт не шутит»»:
Charlie Hebdo երգիծական շաբաթաթերթի գերմանական վարկածը իր շապիկին տպագրել է Գերմանիայի կանցլեր Անգելա Մերկելի ծաղրանկարը, որը ձեռքում պահում է Բունդեսթագի առաջիկա ընտրություններում իր մրցակցի՝ Եվրախորհրդարանի նախկին նախագահ Մարտին Շուլցի կտրած գլուխը։
«Բոլոր հարցերը պարզ կդառնան շաբաթ օրը գործադիր մարմնի նիստում: Որպես կուսակցության ղեկավար մարմին՝ գործադիր մարմնի որոշմամբ են ձևավորվում և՛ փակ համամասնական ցուցակը, և՛ բաց համամասնական ցուցակը, որը ռեյտինգային է կոչվում»,- ասաց Նիկոյանը:
Պայթյուն է որոտացել Ֆրանսիայի հյուսիս-արեւմուտքում գտնվող «Ֆլամանվիլ» ատոմակայանի մեքենայական սրահում, ռադիոակտիվ նյութերի արտանետման սպառնալիք չկա:
Եվրասիական տնտեսական միության տարածքում 2018 թվականից կգործի նշանների՝ ապրանքանշանների ու ապրանքի ծագման անվանումների միասնական ռեեստր։
Հանրապետության նախագահ, Ազգային անվտանգության խորհրդի նախագահ Սերժ Սարգսյանն այսօր խորհրդակցություն է անցկացրել ԱԱԽ անդամների հետ:
«Մենք պետք է ասենք՝ Լապշինն ինչ ասի, իրեն ներելի է, միայն թե ինքը կենդանի դուրս գա, որից հետո թե՛ ՀՀ-ն, թե՛ ԼՂՀ-ն պետք է նրան անպայման ինչ-որ ձևով վարձահատույց լինեն, որպեսզի որևէ մեկը չմտածի, որ ինքը հայանպաստ գործունեության արդյունքում կարող է նման վերաբերմունքի արժանանալ, ու իր թիկունքին կանգնող չի լինելու։ Պետք է այնպես անել, որ այս գործն ինչքան երկարի, ծանր բեռ դառնա Բելառուսի և Բաքվի համար»։
