Լապշինի ադրբեջանցի փաստաբանը այցելել է բլոգերին
Մինսկից Բաքու արտահանձնված բլոգեր Ալեքսանդր Լապշինի՝ Ադրբեջանում նշանակված փաստաբան Սաֆար Հուսեյնովը հայտարարել է RIA Novosti-ի հետ զրույցում, որ այսօր հանդիպել է իր պաշտպանյալի հետ, որը ոչ մի բողոք չունի իր առողջական վիճակից և պահման պայմաններից։
«Այո՛, ես հանդիպել եմ իմ պաշտպանյալի հետ այսօր արդարադատության նախարարության №1 մեկուսարանում, ոչ մի բողոք նա չունի։ Գոհ է պահման պայմաններից։ Առողջական վիճակի հետ կապված խնդիրներ չունի»,- հայտարարել է Հուսեյնովը։
Նա հավելել է, որ կատարվում են քննչական միջոցառումներ։ «Ներկայումս ընթանում է հետաքննություն։ Դեռ ոչինչ չեմ կարող ասել դատական գործընթացն սկսելու ժամկետների մասին»,- ընդգծել է փաստաբանը։
