Բաժիններ՝

Էրդողանը ԿՀՎ տնօրենի հետ քննարկել է Սիրիայում տիրող իրավիճակը

Թուրքիայի նախագահ Ռեջեփ Թայիփ Էրդողանը ՌԴ նախագահ Վլադիմիր Պուտինի հետ հեռախոսազրույցից անմիջապես հետո հանդիպել է ԱՄՆ-­ի կենտրոնական հետախուզական վարչության տնօրեն Մայք Պոմպեոի հետ, ով առաջին անգամ է այցելել Թուրքիա: Այս մասին հայտնում է թուրքական haberler.com­-ը:

Հանդիմանը մասնակցել է նաև Թուրքիայի ազգային հետախուզական կազմակերպության ղեկավար Հաքան Ֆիդանը: Մայք Պոմպեոյի՝ Թուրքիա այցելելու որոշումը կայացվել էր Թայիփ Էրդողանի և ԱՄՆ նախագահ Դոնալդ Թրամփի միջև փետրվարի 8-­ին տեղի ունեցած հեռախոսազրույցի ժամանակ:

Էրդողանի հետ հանդիպումից առաջ Մայք Պոմպեոն առանձին հանդիպում էր ունեցել Հաքան Ֆիդանի հետ, որի ընթացքում քննարկվել են Սիրիայի Էլ-­Բաբ և Ռաքքա շրջաններում տեղի ունեցող իրադարձությունները:

Թուրքկան ԶԼՄ-­ների փոխանցմամբ` ԿՀՎ տնօրենի այցի օրակարգում սիրիական հարցից բացի ընգրկված է նաև Թուրքիայում ահաբեկչական գործունեության մեջ մեղադրվող գյուլենակենների հարցը, որոնց առաջնորդ Ֆեթուլլահ Գյուլենը գտնվում է ԱՄՆ-­ում:

Ռեջեփ Թայիփ Էրդողանը և ԱՄՆ նախագահ Դոնալդ Թրամփը հեռախոսազրույց էին ունեցել փետրվարի 8-­ին, որի ընթացքում խոսել էին Թուրքիա­ԱՄՆ հարաբերություններից, վերահաստատել են ահաբեկչության դեմ պայքարելու պատրաստակամությունը:

Թրամփը նշել էր, որ ԱՄՆ­-ն աջակցում է Թուրքիային` որպես ՆԱՏՕ-­ի դաշնակցի և ռազմավարական գործընկերոջ: Նա նաև բարձր էր գնահատել թուրքական կողմի գործողություններն «Իսլամական պետություն» խմբավորման դեմ պայքարում:

Բաժիններ՝

Տեսանյութեր

Լրահոս