Արծրուն Հովհաննիսյանը ֆեյսբուքյան իր էջում գրում է․ «Ուղղում. Կապան քաղաքին չեն հարվածել, այլ հատվածին է եղել հարվածը։ Շուշանը արդեն հայտնել է: Հակառակորդը կիրառել է հարվածային ԱԹՍ Երիցվանք գյուղական համայնքի, նաև Հայաստանի Սյունիքի մարզի, Կապանի շրջանի Արծվանիկ բնակավայրի ուղղությամբ։
ՀՀ ՊՆ խոսնակ Շուշան Ստեփանյանը ֆեյսբուքյան իր էջում գրում է․ «Արցախի պաշտպանության բանակի ստորաբաժանումներին տրված է կրակի դադարի հրաման»։
Րոպեներ առաջ հրթիռային հարված են հասցրել Կապան քաղաքին։ Կան զոհեր և վիրավորներ։
168.am-ի հետ զրույցում Արցախի նախագահի արտաքին գծով խորհրդական Դավիթ Բաբայանն ասաց, որ շատ կարևոր է այդ պայմանավորվածությունը, փաստորեն մի քանի րոպեից «վերականագնվում է զինադադարի ռեժիմը»։
«Ադրբեջանական զինված ուժերն այժմ անցել են օդային հարձակման՝ մեծ քանակությամբ և լայնորեն կիրառելով ԱԹՍ-ներ։ Հակառակորդն ամեն կերպ փորձում է առավելություն ապահովել հումանիտար հրադադարից առաջ, բայց ապարդյուն»։
Ադրբեջանական ագրեսիան հետ մղելու ընթացքում զոհված զինծառայողները
Արծրուն Հովհաննիսյանը ֆեյսբուքյան իր էջում գրում է․ «Ադրբեջանի ԶՈւ-երը փորձում են օգտագործել մինչև հրադադար մնացած ժամերը, բայց մեր բանակը հերոսաբար կատարում է իր մարտական խնդիրները, հաջող հետ մղելով բոլոր տեսակի գրոհները»։
Ադրբեջանը կիրառել է հարվածային ԱԹՍ Հայաստանի Հանրապետության Սյունիքի մարզի, Կապանի շրջանի Արծվանիկ բնակավայրի ուղղությամբ։
Արցախի Հանրապետության մայրաքաղաք Ստեփանակերտում միացել է օդային տագնապի ազդանշանը:
Արծրուն Հովհաննիսյանը ֆեյսբուքյան իր էջում գրում է․ «Խոջալուից Հադրութին հարվածելու մասին լուրը արդեն ոչ թէ սովորական ծիծաղելի լուր է, սա Ալիևի «հաղթանակից» հետո արդեն հիվանդ երևակայության նոր ռեկորդ է»։
Շուշան Ստեփանյանը ֆեյսբուքյան իր էջում գրում է․ «Ռուսաստանի Դաշնության, Հայաստանի Հանրապետության և Ադրբեջանի Հանրապետության արտաքին գործերի նախարարների հայտարարությունից հետո հարավային ուղղությամբ ուժգնացել է ԱԹՍ-ի օգտագործումը։
Արցախի և Ադրբեջանի հակամարտ զորքերի շփման գծում հաստատվում է հրադադար: Այս մասին պայմանավորվածություն է ձեռք բերվել Մոսկվայում Հայաստանի, Ադրբեջանի և Ռուսաստանի արտաքին գործերի նախարարների հանդիպման արդյունքում: Այս մասին հայտարարել է ՌԴ ԱԳ նախարար Սերգեյ Լավրովը:
Անցած տարվա բարելավումից հետո, միջազգային հայտնի վարկանշային կազմակերպություններից մեկը՝ ի դեմս «Ֆիթչ» ընկերության, կրկին իջեցրել է Հայաստանի, այսպես կոչված, ֆինանսական վարկանիշը։ Թե դա ինչ է ենթադրում, դեռ կանդրադառնանք։
Հայաստանի, Ռուսաստանի և Ադրբեջանի ԱԳ նախարարները ներկայացնում են բանակցությունների արդյունքները․ ՈՒՂԻՂ
«Մենք լրջագույն թշնամու ենք դիմակայում: Ուղղակի ֆանտաստիկ գործ է անում մեր զինվորականությունը: Սա հպարտության զգացողություն է ներշնչում, մեր ազգային ինքնագիտակցության մեջ էլ դրական տեղաշարժեր են տեղի ունենում՝ մեր հավաքական ինքնագնահատականը բարձրանում է, մեր մեջ արթնանում է հնուց հայ մարդու մեջ դրված այն զգացողությունը, որ հայ զինվորականն անպարտելի է»,- 168TV-ի «Ռեվյու» հաղորդման ընթացքում ասաց հոգեբան Կարինե Նալչաջյանը՝ նկատելով, որ այդ անպարտելի լինելու զգացողությանը միանգամից միախառնվում է վիշտը:
Անթույլատրելի է, որ 21-րդ դարում մենք ականատես ենք լինում Ադրբեջանի կողմից նման վայրագությունների, ցավալի է, որ այս դարում մի կողմ են դրվել դիվանագիտական և քաղաքական գործիքներն, ու այդ պետությունն իրեն իրավունք է վերապահում ուժի կիրառմամբ, սպառնալիքով և շանտաժով հարցերը լուծել, իհարկե, բնական է, որ նման քայլը ստանալու էր շատ լուրջ պատասխան։ 168 TV-ի «Ռեվյու» հաղորդաշարի եթերում ասաց ՀՀ նախագահ Արմեն Սարգսյանի օգնական Գևորգ Մելիքյանը։
Քիչ առաջ Մոսկվայում՝ ՌԴ ԱԳՆ ընդունելությունների տանը շարունակվող Հայաստանի, Ռուսաստանի և Ադրբեջանի ԱԳ նախարարներ Զոհրաբ Մնացականյանը, Սերգեյ Լավրովն ու Ջեյհուն Բայրամովը դադար են վերցրել և քիչ անց վերսկսել հանդիպումը։
Արծրուն Հովհաննիսյանը ներկայացնում է օրվա ռազմական իրադրությունը` Ուղիղ
Հոկտեմբերի 8-ին Կառավարության որոշմամբ պետական և տեղական ինքնակառավարման մարմինների և պաշտոնատար անձանց` ռազմական դրության իրավական ռեժիմի ապահովմանը և պետական անվտանգության ապահովմանն առնչվող գործողությունները (այդ թվում` ելույթները, հրապարակումները) քննադատող, հերքող, դրանց արդյունավետությունը կասկածի տակ դնող կամ որևէ այլ կերպ արժեզրկող հաղորդումների հրապարակումն արգելվում է:
Լեռնանման տղերքի հաղթանակը լեռներում
Արծրուն Հովհաննիսյանը ֆեյսբուքյան իր էջում գրում է․ «Ես հենց հիմա Հադրութում եմ և չգիտես ինչու մենակ հայերի եմ տեսնում»։
Արցախի Հադրութ քաղաքը գրավելու մասին Ադրբեջանի նախագահ Իլհամ Ալիևի հայտարարությունը բացարձակ սուտ է:
Հիշեցնենք, որ ՀՀ ԱԳ նախարար Զոհրաբ Մնացականյանը ՌԴ նախագահ Վլադիմիր Պուտինի կոչով մեկնել է ՌԴ՝ մասնակցելու Ռուսաստանի և Ադրբեջանի արտաքին գործերի նախարարների խորհրդակցություններին: Հանդիպման օրակարգում բացառապես ռազմական գործողությունների դադարեցման, հումանիտար նպատակներով դիակների և գերիների փոխանակման հարցերն են:
Հակառակորդը կրկին հրթիռային հարված է հասցրել Ստեփանակերտին:
Վահրամ Պողոսյանը ֆեյսբուքյան իր էջում գրում է․ «Մեր հրետանու անվրեպ հարվածներից հետո թշնամու շարքերում նահանջի համար ասկյար չի մնացել»։
ԵՄ անդամ 27 երկրների ԱԳ նախարարները հոկտեմբերի 12-ին կայանալիք նիստի ընթացքում քննարկելու են հակամարտությունը Լեռնային Ղարաբաղում, հաշվի առնելով Հայաստանի և Ադրբեջանի ԱԳ նախարարների ծրագրված հանդիպման արդյունքները։ Ռուսական ՏԱՍՍ-ի փոխանցմամբ, այս մասին այսօր Բրյուսելում լրագրողներին տեղեկացրել է ԵՄ բարձրաստիճան ներկայացուցիչ։
Այսօր Ազգային ժողովում լրագրողների հետ տեղի ունեցած ճեպազրույցի ժամանակ ՀՀ արդարադատության նախարար (ԱՆ) Ռուստամ Բադասյանին հարց ուղղվեց նաև այն մասին, թե ճի՞շտ են արդյոք տեղեկությունները, որ Ազգային անվտանգության ծառայության (ԱԱԾ)՝ արդեն նախկին տնօրեն Արգիշտի Քյարամյանն իր աշխատասենյակում գաղտնալսող սարք՝ «ժուչոկ» է տեղադրել:
ՀՀ պաշտպանության նախարարությունը հայտնում է, որ Մինգեչաուրի և Աղջաբադի ուղղությամբ հայկական ուժերի, իբր, ինտենսիվ հարվածելու մասին ադրբեջանական հայտարարությունները հերթական կեղծիքն են։
ՀՀ ՊՆ խոսնակ Շուշան Ստեփանյանը ֆեյսբուքյան իր էջում գրում է․ «Հակառակորդը հարավային ճակատի նույն հատվածում շարունակաբար մեծ թվով կորուստներ է կրում»։
Պատերազմն առաջնագծի բոլոր ուղղություններով ինտենսիվ կերպով շարունակվում է:
