ԲՀԿ-ական պատգամավոր Գևորգ Պետրոսյանի խոսքով, եթե իրենք դեմ են քվեարկել Սահմանադրական դատարանի դատավորներին վաղաժամ թոշակի ուղարկելու նախագծին, դա չի նշանակում, որ պաշտպանում են ՍԴ նախագահ Հրայր Թովմասյանին, ինչպես պնդում են իշխանության ներկայացուցիչները:
ԱԺ «Բարգավաճ Հայաստան» խմբակցության պատգամավոր Իվետա Տոնոյանի խոսքով՝ տարօրինակ են իշխանության այն պնդումներ, որ, եթե ԲՀԿ-ն Հրայր Թովմասյանի «ֆան ակումբի» անդամ չէ, ապա ինչպես է դա հիմնավորում:
«Չէի ասի, որ երկու երկրների արտգործնախարարների հայտարարություններում կա փոփոխություն, բայց կասեի, որ զարգանում է այն ծրագիրը, որը նախկինում հայտարարվել է։ Այն է, որ կողմերը պետք է հումանիտար ծրագրերով ստեղծեն այն բարենպաստ մթնոլորտը, որտեղ հնարավոր է անցնել բանակցային հիմնական փուլին»,- այս մասին ԱԺ-ում լրագրողների հետ զրույցում ասաց ԱԺ «Իմ քայլը» խմբակցության պատգամավոր Հովհաննես Իգիթյանը՝ անդրադառնալով 168.am-ի հարցին, թե Հայաստանի և Ադրբեջանի արտգործնախարարների վերջին հանդիպումից հետո երկուստեք արված հայտարարություններում տեսնո՞ւմ է փոփոխություն։
Ազգային ժողովի փոխնախագահ Ալեն Սիմոնյանն այսօր իր ելույթում անդրադառնալով ԲՀԿ-ական պատգամավոր Նաիրա Զոհրաբյանի ելույթին, թե կան ավերակ վիճակում գտնվող դպրոցներ, իշխանությունը փող չունի այդ դպրոցները վերանորոգելու համար, սակայն հարկատուների վճարած հարկերից 650 միլիոն դրամ է առաջարկում տալ Սահմանադրական դատարանների դատավորներին՝ նրանց վաղ կենսաթոշակի ուղարկելով, նշեց, որ, այո, դպրոցներն այդ վիճակում են, այնուհետև հարցադրում արեց՝ ինչո՞ւ են այդ վիճակում: «Արդեն 30 տարվա անկախություն ունենք, այդ վիճակում են, որովհետև դուք Հանրապետականի հետ այստեղ նստած՝ կնոպկա եք սեղմել»,- ասել է Ալեն Սիմոնյանը։
Այսօր խորհրդարանում լրագրողներն «Իմ քայլը» խմբակցության ղեկավար Լիլիթ Մակունցից հետաքրքրվեցին, թե վերջին մեկ տարվա ընթացում իր կյանքում ֆինանսապես որևէ փոփոխություն եղե՞լ է, թե՞ ոչ, քանի որ «Լուսավոր Հայաստան» խմբակցության ղեկավար Էդմոն Մարուքյանն ասել է, որ իր կյանքում վերջին մեկ տարվա ընթացքում շատ բան չի փոխվել՝ նախկինում ստանում էր 460 հազար դրամ, որը ստանում է նաև այսօր:
ՀՀ արդարդատության նախարար Ռուստամ Բադասյանն անդրադառնալով Վերաքննիչ դատարանի դատավոր Վազգեն Ռշտունու բնորոշմանը, որ իշխանության կողմից դատական համակարգի վրա ճնշումներ կան, նշեց, որ չգիտի, թե դատավորն ինչ նկատի ունի:
Եթե Մեհրիբան Ալիևան ուզում է պարզապես երաժշտություն լսել, ապա այս ենթատեքստում պարզ է, որ ինչ–որ մեկը պետք է իրեն հրավիրի, որովհետև այլ ձև ԼՂՀ գալու ինքը չունի։
ԱԺ «Իմ քայլը» խմբակցության պատգամավոր Հրաչյա Հակոբյանն այսօր խորհրդարանում լրագրողների հետ զրույցում` անդրադառնալով Հանրապետական կուսակցության տարբեր ներկայացուցիչների պնդումներին, որ խորհրդարանը ձևավորվել է խախտումներով, նշեց, որ ներկայիս իշխանությունը մեկ տարվա ընթացքում այնքան գործ է արել, որ ՀՀԿ-ն իր իշխանության տարիներին չի արել:
«Չեմ կարող ասել՝ Սահմանադրական դատարանի դատավորները կօգտվե՞ն այս նախագծից, թե՞ ոչ: Սա մեր կողմից ձեռքսեղմման առաջարկ էր, կարծում եմ, որ ՍԴ-ն որպես ինստիտուտ կայացնելու համար՝ բարեփոխումներ իրականացնելու քայլ է։ Արդյոք կօգտվե՞ն, թե՞ ոչ, միայն իրենց իրավունքն է»,- այս մասին ԱԺ-ում լրագրողների հետ զրույցում ասաց «Իմ քայլը» խմբակցության ղեկավար Լիլիթ Մակունցը՝ անդրադառնալով ՍԴ դատավորներին վաղաժամ թոշակի ուղարկելու նախագծին:
Երեկ խորհրդարանում «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» նախագծի քննարկման ժամանակ ԱԺ «Իմ քայլը» խմբակցության պատգամավոր Հրաչյա Հակոբյանն ասել էր, որ նախագիծը բավականին օգտակար է, և հավելել էր.
«Հրապարակ» օրաթերթն այսօր գրել էր, որ «Իմ քայլը» իշխանական խմբակցությունում տրոհումներն այնքան ակնհայտ են, որ անգամ որոշ «իմքայլականներ» կարծում են, որ Փաշինյանը մտադրություն ունի պառլամենտը ցրել` սպասվող սահմանադրական փոփոխություններին ընդառաջ, որով կանցնենք կիսանախագահական կառավարման: «Վարչապետը հանձնարարել է Համազասպ Դանիելյանին` արագ ռեժիմով, մինչև տարեվերջ ավարտել կուսակցությունների, ԸՕ-ի մասին նոր օրենքները և ներկայացնել ԱԺ, ընդ որում՝ հանձնարարված է նաև վերանայել պառլամենտում որակյալ մեծամասնության թեզը, ինչը, եթե անկեղծ, չենք հասկանում, թե ինչու»,- թերթին պատմել են «Իմ քայլից»:
Դեկտեմբերի 7-ին Եվրամիության Արևելյան գործընկերության քաղաքացիական հասարակության ֆորումն ընդունել է 2019թ. համաժողովի հռչակագիրը: Ֆորումում քաղհասարակության ներկայացուցիչները բարձրացրել են Հայաստանի Հանրապետության Սահմանադրական դատարանի և, իրենց բնորոշմամբ, դատարանում առկա ճգնաժամի հարցը: Կոչ են արել Հայաստանի իշխանությանը՝ շուտափույթ ջանքեր կիրառել խնդիրը հանգուցալուծելու և նոր Սահմանադրական դատարան կազմավորելու ուղղությամբ, ինչն ամրագրել են հռչակագրում: Արդարադատության նախարար Ռուստամ Բադասյանն այսօր խորհրդարանում անդրադառնալով այս հայտարարությանը՝ նշեց՝ քանի որ նման հայտարարություն արել է քաղհասարակությունը, և իրենք այնտեղ ներկայացրել են միայն բարեփոխումների իրենց ծրագիրը, ուստի այդ հատվածին չեն մասնակցել:
«Հասկացանք, թագաժառանգը չի, թագավորի մեծ տղան էլ չէ, ասենք, թե թագավորի ընտանիքից է, եկե՞լ են բիզնես ծրագրով, եկել են՝ հիմնական խնդիրը սա է, ես մտածելու բան չունեմ: Դուք տեսաք, որ քաղաքապետի հետ հանդիպելուց հետո նրանք ասացին, որ հասկացել են՝ անցանկալի հյուրեր էին»,- այս մասին ԱԺ-ում լրագրողների հետ զրույցում ասաց «Բարգավաճ Հայաստան» խմբակցության ղեկավար Գագիկ Ծառուկյանը՝ անդրադառնալով Աբու Դաբիի թագաժառանգի Հայաստան ժամանելու և ներդրումներ անելու հետ կապված պատմությանը:
Արարատի մարզի Նորաշեն համայնքի նախկին ղեկավար Նորայր Գրիգորյանը դատական հայց է ներկայացրել Արարատի մարզպետ Գարիկ Սարգսյանի դեմ, դատարանն այն վարույթ է ընդունել, և փետրվարի սկզբին տեղի կունենա առաջին դատական նիստը։ Այս մասին 168.am-ի հետ զրույցում ասաց Նորայր Գրիգորյանը։
«Զինվոր» հ/կ համակարգող խորհուրդն իր պաշտոնական թերթիկով արդեն նամակ է հանձնել վարչապետին՝ զոհված զինծառողների ընտանքիների պահանջների վերաբերյալ։ Այս մասին 168.am-ի հետ զրույցում ասաց «Զինվոր» հ/կ համակարգող խորհրդի նախագահ Մարգարիտա Խաչատրյանը։
Օգոստոսին Ադրբեջանի տարածքում հայտնված ժամկետային զինծառայող Արայիկ Ղազարյանի ընտանիքը հույսով սպասում է, որ որդին գերությունից վերադառնալու է։ Նրա մոր առողջական վիճակը շարունակում է ծանր մնալ։ Նա առողջական խնդիրներ ունեցել է, սակայն որդու գերի ընկնելու մասին լուրն իմանալուց հետո վիճակն ավելի է ծանրացել։ Այս մասին 168.am-ի հետ զրույցում ասաց Եղեգիս համայնքի ղեկավար Արթուր Ստեփանյանը։
168.am-ի խնդրանքով Ագրարագյուղացիական միավորման նախագահ Հրաչ Բերբերյանը մեկնաբանեց վարչապետի հնչեցրած առաջարկները գյուղացիներին՝ վարչապետը երևի տեղյակ չէ, որ այն մարդիկ, որոնք իրենց հողերը չեն մշակում, վաղուց արդեն վարձով են տալիս։
«Նախորդ տարի դեկտեմբերի Հայաստանում տեղի ունեցան խորհրդարանական ընտրություններ, որովհետև ՀՀ քաղաքացիներն էին դա պահանջել, և դրանից առաջ էլ տեղի էր ունեցել հեղափոխություն, որովհետև դա քաղաքացիների կամքն էր: Իսկ այն ուժերը, որոնք չհայտնվեցին խորհրդարանում, դա նույնպես քաղաքացիների կամքն է: «Պարտիզանական» ջակատների հետ կապված, դա, իհարկե, ցնցել է շատերիս, և նման բաց տեքստով հանձնարարականներն առնվազն տարակուսանք են առաջացնում:
ԱԺ «Իմ քայլը» խմբակցության ղեկավար Լիլիթ Մակունցն այսօր խորհրդարանում լրագրողների հետ զույցում անդրադառնալով Հանրապետական կուսակցության փոխնախագահ Արմեն Աշոտյանի ասուլիսին և Սերժ Սարգսյանին առաջադրված մեղադրանքի հետ կապված նրա հայտարարություններին, մասնավորապես, որ Սերժ Սարգսյանի դեմ քրեական գործն «օդ է», ինչը կուժեղացնի «հականիկոլական կոալիցիան», նշեց, որ այն միտումը, որով փորձ է արվում այս ամենը որակել որպես քաղաքական հետապնդում՝ չի կարող ընդունելի լինել և չի կարող տեղ գտնել Հայաստանում:
ԱԺ «Իմ քայլը» խմբակցության պատգամավոր Միքայել Զոլյանն անդրադառնալով դեկտեմբերի 4-ին Բրատիսլավայում Հայաստանի և Ադրբեջանի արտգործնախարարների հանդիպմանը՝ նշեց, որ ընդհանուր առմամբ այդ ամենի մասին խոսելիս պետք է իրատես լինել և իրատեսական սպասումներ ունենալ:
ԱԺ «Իմ քայլը» խմբակցության պատգամավոր Միքայել Զոլյանը ողջունում է վարչապետի տիկին Աննա Հակոբյանի կողմից Ադրբեջանի առաջին տիկնոջը՝ Մեհրիբան Ալիևային, Արցախ այցելելու և մուղամ լսելու հրավերը:
ՀՀ վարչապետ Նիկոլ Փաշինյանն այսօր խորհրդարանում անդրադառնալով 2020 թվականի բյուջեի նախագծին՝ նշեց, որ բյուջեի կատարման ընթացքը հասկանալու համար պարտավոր են նախ հասկանալ, թե տնտեսական առումով 2019 թվականին ինչ է կատարվել Հայաստանում:
Հիմքեր չկան պնդելու, որ Պաշտպանության բանակում դեկտեմբերի 2-ին տեղի ունեցած միջադեպը թաքցրել են: Պաշտպանության նախարարությունն այնքան բաց է, որ երբևէ այդքան բաց չի եղել: Այս մասին այսօր ԱԺ-ում լրագրողների հետ զրույցում ասաց Պաշտպանության նախարարի տեղակալ Գաբրիել Բալայանը՝ անդրադառնալով դեկտեմբերի 2-ին Արցախում ժամկետային զինծառայող Արթուր Աջամյանի մահվան դեպքին, որը որակվում է՝ որպես սպանություն, և ըստ հարազատների, դեպքի մանրամասներն իրենցից թաքցնում են:
«Կարծում եմ՝ Հայաստանի և Ադրբեջանի արտգործնախարարների հանդիպումը մեկնաբանելն արտգործնախարարության իրավասությունն է, ուստի ձեռնպահ եմ մնում ընդհանրապես մեկնաբանություն տալ: Միայն կասեմ, որ արտգործնախարարությունը մշտապես զգում է Պաշտպանության նախարարության և Զինված ուժերի աջակցությունն իր թիկունքում»,- այսօր խորհրդարանում լրագրողների հետ զրույցում ասաց Պաշտպանության նախարարի տեղակալ Գաբրիել Բալայանը՝ անդրադառնալով 168.am-ի այն հարցին, թե ինչպես կգնահատի արտգործնախարարների հանդիպումից հետո երկուստեք արված հայտարարությունները:
Այսօր 168.am-ի խմբագրությունն ահազանգ էր ստացել, որ ապօրինի քանդում են Արամի 23 հասցեում գտնվող հուշարձանին կից շինությունը։ Տեղում պարզեցինք, որ շինարարներն արդեն հեռացել են, քանի որ, ինչպես ասաց «Փոքրիկ երգիչներ» երգչախմբի շենքի պահակը, բանվորները քանդման թույլտվություն չեն ունեցել, իրենց բարձրացրած աղմուկից հետո էլ հեռացել են։
Սևազգեստ մայրերն այսօր կրկին հավաքվել են կառավարության մոտ են և հանդիպում են պահանջում ՀՀ վարչապետ Նիկոլ Փաշինյանի հետ: Նրանք պահանջում են բացահայտել իրեն զավակների սպանությունը: 2010 թվականին Հադրութի զորամասում սպանված Արթուր Ղազսրյանի մայրը՝ տիկին Իրինան հրապրակավ հայտարարեց, եթե որդու սպանության դեպքը չբացահայեն՝ խոստանում է, որդու դին հանել և բերել Կառավարության մոտ։
Խոշոր չափի կաշառք ստանալու կասկածանքով բերման է ենթարկվել ԿԳՄՍ նախարարի տեղակալ Գևորգ Լոռեցյանը։ Անդրադառնալով տեղակալին կաշառք ստանալու մեջ կասկածելուն՝ Կրթության, գիտության, մշակույթի և սպորտի նախարար Արայիկ Հարությունյանն ասաց, որ այս պահին մանրամասների մասին չի խոսի, քանի որ տեղի է ունենում իրավական գործընթաց:
ԱԺ փոխնախագահ Ալեն Սիմոնյանի խոսքով՝ իզուր են ԲՀԿ-ական պատգամավորներն իրենից նեղացել և բոյկոտել ԱԺ նիստը, նաև Կառավարության հետ հարցուպատասխանը:
Երեկվանից Ազգային ժողովում քննակվող թեման Հայկ Մարությանի և Գագիկ Ծառուկյանի միջև սկսված հեռակա բանավեճն է՝ կապված Աբու Դաբիի շեյխի և քաղաքապետի հանդիպման հետ: Այսօր արդեն ԱԺ նիստերի դահլիճում «իմքայլական» և ԲՀԿ-ական պատգամավորների միջև կրկին բանավեճ եղավ, ինչից հետո ԲՀԿ-ի պատգամավորները լքեցին ԱԺ նիստերի դահլիճը՝ հայտարարելով, որ քաղաքական բոյկոտ են հայտարարում ԱԺ-ին:
Դեկտեմբերի 2-ին Պաշտպանության բանակում սպանված ժամկետային զինծառայող Արթուր Աջամյանի հարազատները հեռացան Ազգային ժողովի շենքի մոտից։ Նրանց հետ հանդիպեց Անդրանիկ Քոչարյանը, զրուցեց, որից հետո լրագրողներին ասաց, որ ստանձնում է դեպքը բացահայտելու պատրաստակամությունը, խոսել է Քննչական կոմիտեի հետ, որոնք զբաղվում են գործով։
