«Գործ է հարուցվել, և մենք ամեն պահ սպասում ենք, որ խմբագրություն կայցելեն Հատուկ քննաչկան ծառայության աշխատակիցները և, բնականաբար, փորձելու են նորից տեղեկատվության աղբյուրը պարզել»,- այս մասին Հայաստանի ժուռնալիստների միության նախաձեռնած «Մամուլի հետհեղափոխական մարտահրավերները: Սպասելիքներ և անելիքներ» խորագրով քննարկման ժամանակ ասաց «Հրապարակ» թերթի գլխավոր խմբագիր Արմինե Օհանյանը՝ անդրադառնալով Տարածքային կառավարման նախարար Սուրեն Պապիկյանի մասին տպագրված հոդվածի հիման վրա հարուցված գործին։
Հայաստանի ժուռնալիստների միության նախաձեռնությամբ ընթանում է «Մամուլի հետհեղափոխական մարտահրավերները: սպասելիքները և անելիքները» խորագրով քննարկումը, որի նպատակն է լրատվամիջոցների և իրավական ոլորտի ներկայացուցիչների հետ ներկայացնել այն մարտահրավերներից, որոնց առջև այսօր կանգնած է մամուլը։ Ժուռնալիստների միության նախագահ, «168 Ժամ» թերթի և 168.am կայքի գլխավոր խմբագիր Սաթիկ Սեյրանյանը մինչև քննարկմանն անդրադառնալը իր ցավակցությունը հայտնեց հայտնի լուսանկարիչ Գերման Ավագյանի մահվան կապակցությամբ՝ նշելով, որ նրա մահը մեծ կորուստ էր։
«Ադրբեջանը թող պատրաստվի ու գնա Արդարադատության միջազգային դատարան, մենք կարող ենք ամեն ինչ այնպես լավ կազմակերպել, որ Ադրբեջանի բոլոր փաստարկները ջախջախենք։ Զարմացած եմ, որ Ալիևի պատկերացումներն այդքան մակերեսային են, մասնավորապես՝ սեփական պատմության իմացությունը, չնայած սա բնական է, քանի որ նրանք այդքան էլ սեփական պատմություն չունեն։ Սա է պատճառը, որ կարծես թե երրորդ դասարանի աշակերտի պատասխաններ լինեին։ Ադրբեջանը որևէ փաստարկ չունի»,- շեշտեց Դավիթ Բաբայանը։
Ակնհայտ է, որ ադրբեջանաարցախյան հակամարտության կարգավորման գործընթացում առկա են տագնապահարույց զարգացումներ։ Այլևս փաստ է, որ, այսպես կոչված, Ղարաբաղի «ադրբեջանական համայնքը» ստատուսով օժտելու, նրան բանակցային կողմի վերածելուն ուղղված քայլեր են ձեռնարկվում։ Ընդ որում՝ մենք տեսնում ենք, որ պաշտոնական Բաքվի այս մտադրությունն ընկալելի է միջնորդների կողմից։ Ըստ այդմ՝ հարցը հետևյալն է՝ հաջողվե՞լ է արդյոք ադրբեջանական կողմին հաջողության հասնել այս հարցում։ Այնպիսի տպավորություն է, որ՝ այո՛։ Տվյալ դեպքում ես որպես հիմք եմ ընդունում ՀՀ արտաքին գերատեսչության վերջին հայտարարություններում տեղ գտած «Արցախի ժողովրդի ընտրյալ ներկայացուցիչներ» եզրը։
«Կարող ենք ասել, որ նախորդ տարվա մայիսից էպոպեան՝ դատական համակարգի և Սահմանադրական դատարանի հետ կապված, ապրիլի 5-ի հանրաքվեով մոտենում է իր ավարտին։ Վերջին 6-7 ամիսներին բոլոր քննարկումներն իրականացվում էին միայն այդ թեմայով, բայց հիմա մոտենում ենք վերջնական հանգրվանին, բայց եթե փետրվարի 27-ին ՍԴ դատավորները որոշեն օգտվել վաղաժամ կենսաթոշակի գնալու համակարգից, գուցե հանրաքվեի հարցը դուրս գա օրակարգից»,- լրագրողների հետ հանդիպման ըհնթացքում ասաց քաղտեխնոլոգ Արմեն Բադալյանը՝ անդրադառնալով ապրիլի 5-ին կայանալիք Սահմանադրական փոփոխությունների հանրաքվեին։
Սահմանադրական փոփոխությունների հետ կապված Հանրապետական կուսակցության տարածած հայտարարությանը ԱԺ փոխնախագահ Ալեն Սիմոնյանը չի հետևել, նրա կարծիքով՝ քաղաքական օրակարգում ՀՀԿ-ի խոսքն այդքան էլ կշիռ չունի։
Սահմանադրական փոփոխությունների հանրաքվեին մասնակցելու հարցը քննարկելու համար «Բարգավաճ Հայաստան» խմբակցությունն այսօր հրավիրել էր կուսակցության խորհրդի նիստ, որին, խորհրդի անդամներից բացի, մասնակցում էին նաև կուսակցության տարածքային կառույցների ղեկավարները։
ԱԺ «Բարգավաճ Հայաստան» խմբակցության պատգամավոր Միքայել Մելքումյանի խոսքով՝ այսօր կուսակցության խորհրդի նիստում որոշում կընդունեն Սահմանադրական փոփոխությունների հանրաքվեի մասին որոշման վերաբերյալ, որն ընդունելիս հավատարիմ են մնալու իրենց սկզբունքներին և դիրքորոշումներին։
ԱԺ «Լուսավոր Հայաստան» խմբակցության ղեկավար Էդմոն Մարուքյանը պնդում է՝ իրենց դեմ սանձազերծված է «կարմիր գծերը» խախտած, բոլոր սահմաններից դուրս հակաքարոզչություն, և այդ ամենն արվում է այն բանի համար, որ իրենք իշխանության հետ համաձայն չեն։
ԱԺ «Լուսավոր Հայաստան» խմբակցության ղեկավար Էդմոն Մարուքյանն այսօր խորհրդարանական ճեպազրույցը սկսեց Սիրահարների տոնը շնորահավորելով՝ նշելով, որ մարդկանց պետք է սիրեն նաև ընդդիմադիր եղած ժամանակ, չսպասելով, որ գան իշխանության նոր սիրեն։
Երեկ Արցախի «ադրբեջանական համայնքի» ղեկավար Թուրալ Գանջալիևը թվիթերյան իր էջում գրել էր, որ հանդիպել է ԵԱՀԿ գործող նախագահի անձնական ներկայացուցիչ Անջեյ Կասպրշիկի հետ։
ԱԺ «Լուսավոր Հայաստան» խմբակցության անդամներ Անի Սամսոնյանը և Աննա Կոստանյանը դուրս են եկել ատելության խոսքի դեմ պայքարին ուղղված ՀՀ օրենսդրության բարեփոխման շուրջ քննարկումների նպատակով ստեղծված աշխատանքային խմբից, որը ղեկավարում է «Իմ քայլը» խմբակցության պատգամավոր Սարգիս Խանդանյանը:
Երեկ խորհրդարանում Կառավարության հետ հարցուպատասխանի ժամանակ վարչապետ Նիկոլ Փաշինյանն անդրադարձավ բանակում տեղի ունեցող միջադեպերին՝ նշելով, որ բանակում ոչ մարտական գործողությունների ժամանակ զոհեր գրանցելու պատճառները հասկանալու համար անհրաժեշտ է գնալ և տեսնել, թե բակերում, դպրոցներում երեխաներն ինչպես են շփվում:
ԱԺ «Իմ քայլը» խմբակցության պատգամավոր Արմեն Խաչատրյանի խոսքով՝ ոստիկանական համակարգում բարեփոխումներ իրականացնելու ռազմավարությունն առաջիկայում ամբողջովին փոխելու է համակարգը, քանի որ այսօրվա գործող ոստիկանությունը համարժեք չէ հանցավորության տիրող իրավիճակին, որովհետև ոստիկանությունը չունի այն անհրաժեշտ գործիքակազմը, լիազորությունները, որոնք անհրաժեշտ են իր առջև դրված խնդիրները լուծելու համար:
«Իհարկե, մեծամասամբ նպաստող պայման է հանդիսանում քրեական ենթամշակույթի առկայությունը զորամասերում և ընդհանրապես հասարակության մեջ: Զորամասերում չի կարող քրեական ենթամշակույթ լինել, եթե այն հանրության մեջ չլինի, հանրության մեջ եղած այդ քրեական ենթամշակույթի պատկերացումները տեղափոխվում են զորամաս, իսկ զորամասը, ինչպես գիտենք, վտանգի առավել մեծ աղբյուր է հանդիսանում. զենքի, զինծառայողների հետ առնչություն ունենք, ինչն էլ երբեմն բերում է նման դժբախտ դեպքերի»,- ԱԺ-ում լրագրողների հետ զրույցում ասաց Արմեն Խաչատրյանը:
Բանակում տեղի ունեցած ցանկացած միջադեպի համար քաղաքացին, պատգամավորն ունեն մտահոգություններ: Այս մասին ԱԺ-ում լրագրողների հետ զրույցում ասաց «Բարգավաճ Հայաստան» խմբակցության ղեկավար Գագիկ Ծառուկյանը՝ անդրադառնալով վերջին շրջանում բանակում արձանագրվող զինվորների մահվան դեպքերին:
ԱԺ «Բարգավաճ Հայաստան» խմբակցության ղեկավար Գագիկ Ծառուկյանի խոսքով՝ երեկ խորհրդարանում ՀՀ կառավարության հետ հարցուպատասխանի ժամանակ, երբ իր կուսակցիները հարց ուղղեցին փոխվարչապետ Մհեր Գրիգորյանին՝ կապված բանկերի կողմից գյուղատնտեսությանը տրվող տոկոսադրույքների հետ, փոխվարչապետը «լղոզված» պատասխան է տվել:
«Հրապարակ» թերթն այսօր գրել էր, որ Կրթության, գիտության, մշակույթի և սպորտի նախարար Արայիկ Հարությունյանը ԵՊՀ ռեկտորի ընտրության բոլոր խաղաքարտերը խառնել է, քանի որ առաջարկել է իր թեկնածուին՝ նախկին փոխվարչապետ Վաչե Գաբրիելյանին։ 168.am-ը Արայիկ Հարությունյանից հետաքրքրվեց՝ առաջադրելո՞ւ է Վաչե Գաբրիելյանի թեկնածությունը։ Ի պատասխան՝ նա ասաց, թե այ, ինչ վերջին օրերին գրում են ԵՊՀ-ի մասին՝ «ամբողջը Գյուլնազ տատու հեքիաթներից է», նույնն էլ Վաչե Գաբրիելյանի թեկնածության հետ կապված՝ լուրը չի համապատասխանում իրականությանը։
Արդարադատություն նախարար Ռուստամ Բադասյանը չի կարող պատասխանել հարցին՝ եթե Սահմանադրական դատարանի դատավորները որոշեն, որ օգտվելու են վաղ կենսաթոշակի օրենքից և ընդունելու են իշխանության առաջարկը, այդ դեպքում Սահմանադրական փոփոխությունների հանրաքվեն չեղարկվելո՞ւ է:
Լրագրողի հարցին՝ ժամանակին մարդ կար՝ Խաչիկ Ասրյանը, Սերժ Սարգսյանի համար պատրաստ էր «դժոխքի դարպասների մոտ պահակ կանգնել», հանուն Գագիկ Ծառուկյանի, օրինակ, ի՞նչ կարող է անել նա, Գևորգ Պետրոսյանը պատասխանեց. «Այդ մարդը որտեղից է որոշել, որ Սերժ Սարգսյանը դժոխք է գնալու, որ մի հատ էլ գնում է դժոխք, դե թող գնար դրախտի մոտ կանգներ: Ով ինձ ճանաչում է՝ լավ գիտի, թե ինչ կարող եմ անել»:
ԱԺ «Բարգավաճ Հայաստան» խմբակցության պատգամավոր Գևորգ Պետրոսյանի խոսքով՝ պետությունը չպետք է իրեն թույլ տա մեծ շռայլություններ և հանրաքվեի անցկացնելու համար տրամադրի 3,5 մլրդ դրամ:
Երևանի ավագանու «Լույս» խմբակցության անդամ Դավիթ Խաժակյանն այսօր ֆեյսբուքյան գրառում է արել և անդրադարձել ԱԺ փոխնխագահ Ալեն Սիմոնյանի հայտարարություններին՝ նշելով, որ «Լուսավոր Հայաստան» կուսակցության և դրա ղեկավար Էդմոն Մարուքյանի դեմ էժանագին քարոզչություն է իրականացվում.
ԱԺ «Լուսավոր Հայաստան» խմբակցության պատգամավոր Անի Սամսոնյանն այսօր խորհրդարանում ներկայացնում էր իր հեղինակած՝ նվիրատվությունների վերաբերյալ նախագիծը, որի ընթացքում նրա և իշխանական պատգամավոր Համազասպ Դանիելյանի միջև տեղի ունեցավ լեզվակռիվ, ինչից հետո Անի Սամսոնյանը դուրս եկավ նիստերի դահլիճից և ասաց՝ եթե հարգեն, ապա կհարգվեն:
«Ես պարոն Մարուքյանի հետ քննարկում չեմ ունեցել, նրա կարծիքի հետ արմատապես համաձայն չեմ։ Կարծում եմ, երբ առհասարակ խոսում ենք հանրաքվեի մասին, ասենք, որ այն հակասում է Սահմանադրությանը, մի Սահմանադրություն, որի անփոփոխ 2-րդ հոդվածով նախատեսված է, որ իշխանությունը պատկանում է ժողովրդին, և այդ իշխանությունն իրացվում է հանրաքվեների միջոցով։ Կան իրավիճակներ, երբ որպեսզի բանավիճես դիմացինիդ հետ և նրան ինչ-որ բան համոզես, պետք է ինչ-որ ելակետերի շուրջ համաձայն լինեք և առանձին դետալների շուրջ համաձայն չլինեք, այս դեպքում ամեն ինչի հիմքում այնքան հիմնարար անհամաձայնություն կա, որ ես առահասարակ բանավեճի պերսպեկտիվան բավականին ցածր եմ գնահատում»,- նշեց պատգամավորը։
ԱԺ «Իմ քայլը» խմբակցության պատգամավոր Հովիկ Աղազարյանը չի հիշում, թե ով է ընդդիմությունից ասել, որ Սահմանադրական փոփոխությունների հանրաքվեն ծայրից ծայր հակասահմանադրական է: Երբ լրագրողները նրան հիշեցրին, որ նման տեսակետ է հայտնել «Լուսավոր Հայաստան» խմբակցության ղեկավար Էդմոն Մարուքյանը, Աղազարյանը նկատեց՝ իր համեստ իրավական գիտելիքներով հանդերձ՝ չի կարող կիսել Մարուքյանի տեսակետը:
ԱԺ փոխնախագահ Ալեն Սիմոնյանի խոսքով՝ «Լուսավոր Հայաստան» խմբակցության ղեկավար Էդմոն Մարուքյանը չի կողմնորոշվում, թե ինչ է ուզում անել, քանի որ վերջինս կոչ է արել չդառնալ «Ոչ»-ի կողմնակից և մաս չկազմել իշխանության նախաձեռնած հակասահմանադրական քայլին:
ԱԺ «Լուսավոր Հայաստան» խմբակցության պատգամավոր Մանե Թանդիլյանի խոսքով՝ իշխանությունները խոսում են Սահմանադրական փոփոխությունների հանրաքվե անցկացնելու հրատապությունից, սակայն չեն հիմնավորում, թե ինչով է այն հրատապ, սա էլ այն դեպքում, երբ կա Սահմանադրական բարեփոխումների համար ձևավորված հանձնաժողով:
ԱԺ «Լուսավոր Հայաստան» խմբակցության ղեկավար Էդմոն Մարուքյանն այսօր լրագրողների հետ ճեպազրույցում՝ խոսելով Սահմանադրական փոփոխությունների հանրաքվեից, անդրադարձավ նաև «Իմ քայլը» խմբակցության որոշ պատգամավորների այն կարծիքներին, որ հանրաքվեի հետ կապված չպետք է ընկնեն «տառակերության» հետևից, եթե այդպես անեին 2018 թվականին, ապա հեղափոխություն չէին անի, և ինչպես երկու տարի առաջ Էդմոն Մարուքյանն իր «ձեռքերը լվաց» և չշարունակեց ճանապարհը Փաշինյանի հետ, այնպես էլ այսօր է անում:
ԱԺ «Լուսավոր Հայաստան» խմբակցությունը Սահմանադրական փոփոխությունների հանրաքվեի ժամանակ իրեն որևէ ճամբարում չի տեսնում՝ ո՛չ «Այո»-ի, ո՛չ «Ոչ»-ի: Խմբակցությունն իր գործիքակազմն օգտագործել է և դեռ պատրաստ է դիմելու Սահմանադրական դատարան, եթե դրա համար լինեն անհրաժեշտ ստորագրություններ: Այս մասին ԱԺ-ում լրագրողների հետ ճեպազրույցում ասաց «Լուսավոր Հայաստան» խմբակցության ղեկավար Էդմոն Մարուքյանը:
«Մենք անդադար ասել ենք, որ պատրաստ ենք դիմելու Սահմանադրական դատարան, թե ինչ խախտումներ են արվել, ըստ էության հրապարակել ենք նաև դիմումի կմախքը: Ես և Տարոն Սիմոնյանը պատրաստ էինք այդ դիմումը դատարանում ներկայացնելու, բայց համապատասխան ստորագրություններ «Լուսավոր Հայաստանը» չունի, ուստի այդ հարցը, կարծում եմ՝ փակված է»,- այս մասին ԱԺ-ում լրագրողների հետ ճեպազրույցում ասաց «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով Սահմանադրական փոփոխություններ անցկացնելու հանրաքվեի հետ կապված խախտումների վերաբերյալ ՍԴ դիմելու հարցին:
