Երեկվանից մամուլը գրում է, որ Նիկոլ Փաշինյանը ԿԳՄՍ նախարարին հրահանգել է, որ մինչև 2025 թվականի գարուն ազատեն Բրյուսովի անվան լեզվաբանական համալսարանի շենքը։ Գրեթե երկու տարի առաջ բուհը Մանկավարժական համալսարանի հետ միավորելու որոշում էր կայացվել։ Ըստ այդ որոշման, այս բուհերին կմիավորվի նաև Ֆիզիկական կուլտուրայի հայկական պետական ինստիտուտը։
«Փշալարը քաշված է ընդամենը գյուղի բնակավայրի հատվածում, իսկ դաշտավայրային հատվածում փշալար չկա։ Անասունները հավանաբար այդ հատվածով են անցել մինչև այդ պատի կառուցումը, փոքր հատված կար, անասուններն անընդհատ անցնում էին։ Փոքր հատված էին թողել, հավանաբար մարդկանց ելումուտի համար, հետո այդ հատվածը փշալարով փակեցին։
Հանրային-քաղաքական գործիչ Միքայել Նահապետյանի խոսքով՝ Նիկոլ Փաշինյանի կողմից մի խումբ պաշտոնյաների հեռացնելը նպատակ ունի պահպանելու սեփական իշխանության երիտասարդությունը։ Այդ քայլով նա փորձում է հանրությանը համոզել, թե՝ այ, վերջ, վերջին 6,5 տարվանից հետո այժմ ամեն ինչ փոխվելու է։
Այսօր ԱԺ-ում Հարկային օրենսգրքում օրենսդրական փոփոխություններ կատարելու վերաբերյալ խորհրդարանական լսումների ժամանակ Նիկոլ Փաշինյանի նախկին օգնական, ՔՊ-ական պատգամավոր Հայկ Սարգսյանի եղբայրը՝ Նաիրի Սարգսյանը, դիմելով հանրությանը՝ ասաց՝ հարկային օրենսգրքում կատարվող փոփոխություններով հարկերը 5 անգամ ավելանալու են. ներկայիս 5 տոկոսի փոխարեն՝ դառնալու են 31 տոկոս։
«Պարո՛ն Հայկ Գրիգորյան, ձեր հարցի պատասխանը տամ՝ համաձայն «Թել Սելի» ու քաղաքապետարանի պայմանագրի՝ արդեն շուտվանից տոմսերի ստուգումն ու տուգանքների արձանագրումը պիտի լիներ»,- այս մասին Երևանի ավագանու նիստում ասաց ավագանու «Հայաստան» խմբակցության անդամ Մեսրոպ Մանուկյանը՝ անդրադառնալով հանրային տրանսպորտի ուղեվարձի բարձրացմանը։
«Այս հրաժարականներն արվել են՝ լցնելու այն օրակարգը, որը մինչև այժմ լցնում էր խաղաղության պայմանագիրը, որի ստորագրումն անորոշ ժամանակով հետաձգվել է»,- 168.am-ի հետ զրույցում նշեց Արմեն Բադալյանը՝ անդրադառնալով երեկվանից Կառավարությունում տեղի ունեցած հրաժարականներին ու դրանց իրական նպատակներին։
Երեկվանից Կառավարությունում հրաժարականների շքերթ է՝ ԲԴԽ նախագահ Կարեն Անդրեասյանը, ՀԾՔ պետ Սասուն Խաչատրյանը, ՆԳ նախարար Վահե Ղազարյանը, ՊԵԿ նախագահ Ռուստամ Բադասյանը, ՏԿԵ նախարար Գնել Սանոսյանը, ՔԿ նախագահ Արգիշտի Քյարամյանը հեռացել են զբաղեցրած պաշտոններից։
«Կարծում եմ՝ այսօր մենք առաջնայինը երկրորդայինից տարբերելու խնդրի առջև ենք, բայց այնպես չէ, որ եկել եմ որևէ մեկին բան սովորեցնելու։ Ինքս ինձ հարց եմ տալիս՝ ինչո՞ւ մենք հայտնվեցինք այս հանգրվանում, որովհետև չկարևորեցինք յուրաքանչյուր նահատակի, չկարևորեցինք յուրաքանչյուր թիզ հողը։ Յուրաքանչյուր մարդ պետք է իրեն այս հարցերը տա, գոնե ես կարծում եմ, թե հայությունը շատ է հեռացել ինքն իր տեսակից»։
Տևական ժամանակ է՝ Երևանի քաղաքապետարանը փորձում է հիմնավորել, թե ինչու է հանրային տրանսպորտի արժեքը հունվարի 1-ից բարձրանալու։ Հիմնավորումներից գլխավորն այն է, որ հանրային տրանսպորտի վիճակը բարելավելու համար են ուղեվարձի արժեքը բարձրացնում։
«Նիկոլ Փաշինյանի այս «մտքի փայլատակումից» առաջին ռեակցիան, որ ունեցա՝ այն է, որ սա ուղղակի ցնդաբանություն է։ Բայց հաշվի առնելով, որ կապիտուլյանտը մեդիամանիպուլյացիաների, հանրությանը մոլորեցնելու, խաբելու մեծագույն վարպետ է, հասկանում եմ, որ սա ցնդաբանություն որակելը տեղին չէ։ Տվյալ դեպքում Նիկոլ Փաշինյանը փորձում է սպասվող երկրորդ կապիտուլյացիան հանրությանը մատուցել Ադրբեջանի հետ «ռազմավարական դաշինք» փաթեթավորմամբ։ Այստեղ քաղաքագիտական, ռազմական գիտելիքներ պետք չեն՝ հասկանալու համար, որ ռազմավարական դաշինքները ստորագրվում են հավասարը հավասարի հետ, շահերի համընկնելու տրամաբանության ներքո։ Հայ-թուրքական ու հայ-ադրբեջանական հարաբերություններում շահերի համընկնում չկա»,- 168.am-ի հետ զրույցում նշեց Դավիթ Ջամալյանը։
«44-օրյա պատերազմի ժամանակ ինչո՞ւ թույլ չեն տվել ռուսական զորքը գործի, քաղաքականությունը, որն այս իշխանությունն է վարել՝ բերել հանգեցրել է սրան, որ ռուսական կողմը պահպանի չեզոքություն։ Դրա համար Ռուսաստանը հիմա այս հարցերում շատ «դելիկատ» է։ Այո, ՀԱՊԿ-ում կան թերություններ, ինչպես շատ կառույցներում, բայց առանց այդ կառույցի Հայաստանն ամբողջովին մնում է միայնակ, իսկ Ադրբեջանի ու Թուրքիայի հետ որևէ դաշինքի ստորագրում նշանակում է՝ ՀՀ պետականության դե ֆակտո վերացում։ Ադրբեջանը խորամանկ է, Փաշինյանին ասում է, որ կարող են պայմանագիր ստորագրել ու խաղաղ ապրել, բայց դրան հավատում է միայն Փաշինյանը, նրանից բացի, որևէ մեկը չի հավատում»,- ընդգծեց մեր զրուցակիցը։
5 հազարից ավելի երեխու զոհեց, հիմա հեծանիվ է քշում, հետն էլ ասում է. «ձեզ ի՞նչ է խանգարում իմ հեծանիվ քշելը», սա չի հասկանում, որ մենք հասկանում ենք։ Իրեն թվում է, թե այս հասարակությանը վերջնականապես թմբիրի մեջ է գցել, բայց՝ ոչ։ Երբ երկրում օրհասական վիճակ է, և երկրիդ ղեկավարը հեծանիվ է քշում, այստեղ արդեն անբարո բան կա։
«Մարդիկ եկել, դպրոցը քոքից քանդում են՝ բոլոր առումներով։ Այս պահին 40 անդամից բաղկացած կոլեկտիվից 30-ը դասավանդում չի անում։ Ստացվում է, որ ես՝ որպես ծնող, իմ երեխային ուղարկում եմ դպրոց, առաջին ժամին դաս կա, երկրորդ ժամին չկա, մեկ ժամ պետք է պտտվի կամ գա տուն, հետո երրորդ ժամին նորից գնա դպրոց, ու այսպես շարունակ։ Ես իմ բանուգործը թողած՝ ամեն օր երեխաներին եմ տանում դպրոց ու բերում, ազատ մեկ ժամվա համար ո՞վ է պատասխանատուն, եթե երեխային այդ ընթացքում մի բան լինի, ո՞վ է պատասխան տալու։ Այսինքն՝ երեխան օրը 6-7 անգամ կարող է գնա դպրոց, հետ գա տուն»,- հավելեց մեր զրուցակիցը։
«Նիկոլ Փաշինյանն իր այս քայլով փորձում է այնպես անել, որ հայ ազգը, Հայաստանը հրաժարվի իր պատմական տարածքներից, ուստի ասպարեզ է բերել «իրական» Հայաստանը։ Նիկոլ Փաշինյանն իր իշխանությունը պահելու համար է այդպես անում, պատրաստ է դրա համար Հայաստանն ամբողջովին զիջել Թուրքիային ու Ադրբեջանին, նրա քայլերն են դա ապացուցում»։
Նիկոլ Փաշինյանն այսօր ԱԺ ամբիոնից հայտարարեց՝ վերջին տարիներին տասնյակ անգամներ կարդացել է ՀՀ անկախության հռչակագիրը և հանգել է սարսափելի եզրակացության։
«Հիշում եմ, մի անգամ Մարտունիի կենտրոնում մեքենան փչացավ, ժողովուրդը՝ «ահ, Նիկոլ Փաշինյան, էս ավտոդ փչացե՞լ է, իսկ կարող ա՞ բենզինի նասոսը կաչատ անել է պետք»։ Լավ, 1-2 կարելի է անել, բայց ասում ես՝ էս մարդը հեղափոխություն-բան, ուրախացանք, բա ի՞նչ է մտածելու իր պետության մասին։ Ասում են՝ էժան մեքենա առեք, կարանք, կարանք «զապառոժեց» առնենք, բայց տարին 7 անգամ պետք է առնենք, հլը ստանդարտ գոյություն ունի, էսի, էնի»,- փորձեց արդարանալ նա։
Նիկոլ Փաշինյանի խոսքով՝ հայ ազգի ապապետականության և ապաինստիտուցիոնալ դրսևորումներից մեկը՝ փող հասկացության վերաբերյալ, նրա նկատմամբ սոցիալ վերաբերմունքն ու հոգեբանությունն է։
«Բանակը, Պաշտպանության նախարարությունը մեր երկրի ամենամեծ հարկատուներից է»,- այս մասին ԱԺ-ում Բյուջե-2025 նախագծի քննարկման ժամանակ իր եզրափակիչ ելույթում նշեց Նիկոլ Փաշինյանը։
Նիկոլ Փաշինյանն այսօր խորհրդարանում Բյուջե-2025 նախագծի իր եզրափակիչ ելույթում հայտարարեց, թե ազգի սոցիալ-հոգեբանությունն ու մտածողության գենետիկան մեծ մասամբ ձևավորվել է այն ժամանակ, երբ չի ունեցել անկախ պետություն, այլ եղել է համայնք, գաղութ, հպատակ։
Ինչ մենք խոսք տվել ենք, դրա պատասխանը տալու ենք 2026 թվականին, իսկ դուք ի՞նչ եք խոստացել։ Օրինակ, 2021 թվականից մինչ օրս դուք ինչո՞վ եք զբաղվել, ես հիշում եմ, որ դուք եկել եք ձեր սեփական օրակարգով ու ձեր խոստումը մեզ հեռացնելն էր։ Քանի՞ անգամ եք ձեզ դիմած տնտեսվարողների հարցով քննարկում կազմակերպել, անգամ խուսափում եք լինել հարակից զեկուցող։ Ուզում եմ ասել, որ կողքից քննադատելը հեշտ է, բայց որևէ բան անելը դժվար է։
Գյումրու Խաչատուր Ավետիսյանի թիվ 7 երաժշտական դպրոցում աշխատակիցների շրջանում աշխատավարձ ստանալու հետ կապված կան դժգոհություններ, սակայն դեռևս չեն բողոքում, քանի որ հույս ունեն, որ իրենց աշխատավարձը հաշված օրերի ընթացքում կստանան։
Ադրբեջանի նախագահի օգնական Հիքմեթ Հաջիևն օրերս հայտնել էր, թե Հայաստանը գրանցվել է Բաքվում COP29 կլիմայական գագաթնաժողովին մասնակցելու համար, սակայն հայկական պատվիրակությունը ներկայացված չէ միջոցառմանը։
«Այստեղ մի մեծ հարց կա՝ ովքե՞ր են այս մարդկանց բերել իշխանության։ Առաջին անգամ չէ, որ այսպես է, այսպես եղել է դարեր շարունակ, երբ Հայաստանը սկսել է ոտքի կանգնել, բերել են դրածոների, ճիշտ ընտրություն չեն կատարել, և Հայաստանի առաջընթացը մի քանի տարի հետ է ընկել, կորցրել է տարածքներ և այլն։ Ցավով եմ ասում, բայց մեր երկրում մեր ժողովուրդը ճիշտ չի գնահատում իրավիճակը և մարդկանց»,- 168.am-ի հետ զրույցում նշեց Բակուր Կարապետյանը։
Նա ընդգծեց՝ Ալիևի հետ վաղուց կամ առհասարակ նման երկար շփում չէր ունեցել։
Այսօր ԱԺ-ում կառավարության հետ հարցուպատասխանի ժամանակ Նիկոլ Փաշինյանն անդրադառնալով հարցին, որ նախապես հայտարարվել էր, որ հունվարի 1-ից էլեկտրամոբիլ ներկրելու դեպքում մաքսատուրք չի կիրառվի միայն վերջին երկու տարիներին արտադրված մեքենաներ ներմուծելու դեպքում, հայտարարեց՝ անձամբ եկել է այն որոշման, որ, համաձայն չլինելով հանդերձ, այդ երկու տարվա սահմանափակումը չեն կիրառի:
Նիկոլ Փաշինյանն այսօր ԱԺ-ում Կառավարության հետ հարցուպատասխանի ժամանակ ասաց՝ Ադրբեջանի պնդումները, որ ՀՀ Սահմանադրությունը պարունակում է տարածքային պահանջներ Ադրբեջանից՝ հիմնվում է այն փաստի վրա, թե Հայաստանի Սահմանադրության նախաբանում կա ընդհանրական հղում Անկախության հռչակագրին, որտեղ էլ իր հերթին՝ հիշատակվում է Լեռնային Ղարաբաղի մասին։
ԱԺ «Քաղաքացիական պայմանագիր» խմբակցության պատգամավոր Հովիկ Աղազարյանն այսօր Բյուջե-2025 նախագծի քննարկման ժամանակ խորհրդարանի ամբիոնից իր ելույթը սկսեց Արմեն Ռուստամյանի ելույթին որակումներ տալով՝ այն բնորոշելով էմոցիոնալ ելույթ։
ՀՀ արտգործնախարար Արարատ Միրզոյանն այսօր ԱԺ ամբիոնից հայտարարեց՝ համաձայն է այն պնդումների հետ, որ հարկ վճարող, արարող մարդիկ հերոսներ են։
Պաշտպանության նախարար Սուրեն Պապիկյանն այսօր ԱԺ-ում բյուջե-2025 նախագծի քննարկման ժամանակ հայտարարեց, որ ՀՀ Զինված ուժերում արմատական բարեփոխումների իրականացման հիմնական ուղենիշների սահմանման նպատակով մշակվել և Անվտանգության խորհրդի որոշմամբ հավանության է արժանացել բանակի կերպափոխման հայեցակարգը, որը հրապարակվել է ՊՆ պաշտոնական կայքում։
«2015 թվականի նոյեմբերին կրկին բյուջեի նախագիծ էինք քննարկում, երբ Նիկոլ Փաշինյանը հայտարարում էր, թե «պադավատապետություն» է կառուցվում։ Իսկ 2016 թվականին բյուջեի քննարկման ժամանակ կրկին Նիկոլ Փաշինյանը ելույթ է ունենում ու ասում՝ «զարմանալի ազգ ենք, քանի որ Երևանի քաղաքապետարանի տրանսպորտի վարչության պետին ծառայողական մեքենա ենք տալիս, ասում ենք՝ գնա գործի, արի տուն»։
