ԱԺ փոխնախագահ Ալեն Սիմոնյանն այսօր լրագրողների հետ զրույցում անդրադառնալով ԱԱԾ նախկին ղեկավար Արթուր Վանեցյանի հայտարարությանը՝ Հայաստանում ատելության մթնոլորտի վերաբերյալ, նշեց, որ Արթուր Վանեցյանը քաղաքական դաշտում դեռ շատ ճանապարհ ունի անցնելու։ Հարցին՝ նրան մրցակից համարո՞ւմ են քաղաքական դաշտում, Ալեն Սիմոնյանը պատասխանեց․ «Ցավոք, այսօր քաղաքական հայտ ներկայացնող մարդկանց մեջ ես որևէ լուրջ մրցակից այսօրվա իշխանությանը չեմ տեսնում, […]
168.am-ի հարցին՝ ի՞նչ կլինի, եթե Սերժ Սարգսյանը հեռանա ՀՀԿ-ից, Ալեն Սիմոնյանը պատասխանեց. «Եթե Սերժ Սարգսյանը հեռանա ՀՀԿ նախագահի պաշտոնից, ապա իր կուսակցությանը վերածնվելու շանս կտա։ Սերժ Սարգսյանը չի գնում այդ քայլին, քանի որ կարծում է, թե կխուսափի պատասխանատվությունից ու իր նկատմամբ իրավական գործընթացներին քաղաքական ենթատեքստ կտա»։
«Եթե պատգամավորն իրեն թույլ է տալիս տեղից վեր կենալ և մոտենալ մեկ այլ պատգամավորի, որը ելույթ է ունենում, և հոխորտալ, եթե պատգամավորը նիստերի դահլիճում թույլ է տալիս սեռական բնույթի վիրավորանք հասցնել, իսկ նման բան տեղի է ունեցել, ապա կարծում եմ, որ պարոն Աբովյանը, ԲՀԿ-ն և անձամբ Գագիկ Ծառուկյանը այսօր երեկոյան հավաքվելու և քննարկելու շատ լուրջ բան ունեն»,- այսօր լրագրողների հետ զրույցում անդրադառնալով ԱԺ-ում տեղի ունեցած միջադեպին՝ ասաց ԱԺ փոխնախագահ Ալեն Սիմոնյանը:
Այսօր խորհրդարանում տեղի ունեցած միջադեպից հետո ԲՀԿ-ական պատգամավոր Արման Աբովյանը լրագրողների հետ զրույցում նշեց, որ ոչինչ էլ տեղի չի ունեցել:
Խորհրդարանն այսօր 90 կողմ, 20 դեմ և 1 ձեռնպահ ձայնով ընդունեց «Օպերատիվ-հետախուզական գործունեության մասին» օրենքում փոփոխությունների նախագիծը, որով առաջարկվում է հեռախոսային խոսակցությունները գաղտնալսելու հնարավորություն ընձեռել նաև ՀՀ ոստիկանությանը:
ԱԺ «Բարգավաճ Հայաստան» խմբակցության պատգամավոր Գևորգ Պետրոսյանը լրագրողների հետ զրույցում անդրադառնալով ԱԺ-ում այսօր տեղի ունեցած միջադեպին՝ նշեց, որ որևէ մեկին անձնական վիրավորանք չի հասցրել, քանի որ վիրավորանքի համար պետք է լինի հասցեատեր:
«Անկեղծ, դեռևս չգիտեմ, թե Արդարադատության նախարարությունն ինչպիսի ռազմավարություն է որդեգրել այդ ուղղությամբ: Իհարկե, «Իմ քայլը» խմբակցությունը ներգրավված կլինի մասնագիտական հանձնաժողովում, խմբակցության կարծիքն այնտեղ նույնպես կարծարծվի»,- այս մասին լրագրողների հետ զրույցում ասաց ԱԺ «Իմ քայլը» խմբակցության ղեկավար Լիլիթ Մակունցը՝ անդրադառնալով սահմանադրական բարեփոխումներին, որոնք սպասվում են այս տարի:
ԱԺ «Իմ քայլը» խմբակցության ղեկավար Լիլիթ Մակունցն այսօր խորհրդարանում լրագրողների հետ հանդիպմանն անդրադառնալով հարցին, թե ինչու ՀՀ վարչապետ Նիկոլ Փաշինյանը չի մասնակցել ԱԱԾ նախկին ղեկավար Գեորգի Կուտոյանի հոգեհանգստին և հուղարկավորությանը, նախ՝ իր ցավակցությունները հայտնեց Կուտոյանների ընտանիքին, ապա պատասխանեց.
ԱԺ «Բարգավաճ Հայաստան» խմբակցության ղեկավար Գագիկ Ծառուկյանն այսօր խորհրդարանում լրագրողների հետ զրույցում անդրադառնալով մամուլի հրապարակումներին, ըստ որի՝ ԱԱԾ նախկին ղեկավար Արթուր Վանեցյանը պատրաստվում է ընդդիմադիր բևեռ ձևավորել, և հարցին՝ մտահոգություններ չունի՞, որ նրանք ԲՀԿ-ի ձայներից են տանելու, ասաց, որ որևէ մտահոգություն չունի:
«Որպես Ազգային անվտանգության ծառայության ղեկավար Գեորգի Կուտոյանին գիտեմ, բայց անձամբ նրան չեմ ճանաչում»,- այս մասին այսօր խորհրդարանում լրագրողների հետ զրույցում ասաց «Բարգավաճ Հայաստան» խմբակցության ղեկավար Գագիկ Ծառուկյանը՝ անդրադառնալով լրագրողի հարցին, թե ճանաչո՞ւմ էր արդյոք ԱԱԾ նախկին տնօրեն Գեորգի Կուտոյանին և արդյո՞ք գնացել է նրա հոգեհանգստին:
ԱԺ «Բարգավաճ Հայաստան» խմբակցության ղեկավար Գագիկ Ծառուկյանը վատ է վերաբերում որոշ ծննդատների փակմանը և այն, ինչ անում է կառավարությունը, ըստ նրա՝ «անելու բան չէ»: «Մենք այսօր ուզում ենք, որ ներգաղթ, տնտեսական հեղափոխություն լինի: Ճիշտ չէ, որ 30-35 գյուղին սպասարկում է մեկ բժշկական կենտրոն, հակառակը պետք է լինի. ծննդատները պետք է պահեն ու զարգացնեն, անելու բան չէ, որ հիմա անում են»,- այսօր խորհրդարանում լրագրողների հետ զրույցում ասաց Գագիկ Ծառուկյանը:
Դեկտեմբերի 2-ին ՊԲ հյուսիս-արևելյան ուղղությամբ տեղակայված զորամասերից մեկի պահպանության տեղամասում դեռևս չպարզված հանգամանքներում մահացած հայտնաբերված ժամկետային զինծառայող Արթուր Աջամյանի գործը գտնվում է Հատուկ կարևորության գործերով քննության վարչությունում։ Այս մասին 168.am-ի հետ զրույցում ասաց փաստաբան Հայարփի Սահակյանը։
Ազգային անվտանգության ծառայության նախկին պետ Գեորգի Կուտոյանի մահվան հանգամանքների հետ կապված ԱԺ նախագահ Արարատ Միրզոյանը ենթադրություններ անելու իրավունք իրեն չի վերապահում. «Այն պայմաններում, երբ դեռ ընթանում են իրավապահների գործողությունները, օդում վարկած հյուսենք և շղթաներ կառուցենք, որոնք կարող են արդարացի կամ հիմնավոր լինել, կարող է և ճիշտ հակառակը լինել, եկեք ենթադրություններ չանենք»,- այսօր Ազգային ժողովում լրագրողների հետ զրույցում ասաց ԱԺ նախագահ Արարատ Միրզոյանը:
«Մենք մինչև 2016 թվականն այն կարծիքին էինք, որ պետք է խաղաղ գոյակցենք, հակամարտություն չլինի, բայց ականատես եղանք, որ 2016 թվականի ապրիլին ադրբեջանցին դիրքում գլխատեց հայ զինվորին։ Սա նշանակում է, որ նրանց քաղաքականությունը նույնն է, այն ցեղասպանական քաղաքականության ձեռագիրն է»,- այսօր խորհրդարանում լրագրողների հետ զրույցում ասաց Արզիկ Մխիթարյանը։
Արցախի մարդու իրավունքների պաշտպան Արտակ Բեգլարյանի խոսքով՝ Ադրբեջանը ավելի քիչ նախապատրաստվում է խաղաղության, սպառազինվում է և իր վարած քաղաքականությամբ իր հասարակությանը փորձում է նախապատրաստել պատերազմի։
ԱԱԾ նախկին ղեկավար Գեորգի Կուտոյանի մահից հետո խոսակցություններ շրջանառվեցին, որ վերջինս ապրիլյան պատերազմի հանգամանքներն ուսումնասիրող ԱԺ հանձնաժողովին կարող էր հսկայական տվյալներ փոխանցել, և նրա անունը հանձնաժողով կանչվելիք հյուրերի ցանկում կար:
Մարդու իրավունքների պաշտպան Արման Թաթոյանն այսօր լրագրողների հետ զրույցում տեղեկացրեց, որ ԱԱԾ նախկին պետ Գեորգի Կուտոյանն աշխատել է Մարդու իրավունքների պաշտպանության աշխատակազմում: Երեկ Թաթոյանն իր և աշխատակազմի անունից ցավակցություն էր հայտնել Գեորգի Կուտոյանի մահվան առնչությամբ:
Կոտայքի մարզի Արզնի համայնքում տեղի է ունենում ապօրինի շինարարություն։ Այս մասին Արզնի այցելած լրագրողների հետ զրույցում ասաց «Կոնցեռն Դիալոգ» փաստաբանական ընկերության փաստաբան Արթուր Հովհաննիսյանը։
Այսօր «Մեդիա պաշտպան» նախաձեռնությունը հրապարակում էր կատարել ֆեյսբուքյան պաշտոնական էջում՝ նշելով, որ ԵՊՀ ռեկտորի ժամանակավոր պաշտոնակատար Գեղամ Գևորգյանը հանձնարարել է չեղարկել «Հրապարակ» օրաթերթի առաքումը ԵՊՀ.
Այսօր վաղ առավոտից տարբեր համայնքներից մի շարք ֆերմերներ բողոքի ակցիա էին իրականացնում Կառավարության շենքի մոտ՝ պահանջելով վերանայել Կառավարության ընդունված որոշումը՝ սպանդանոցային մորթի պարտադիր լինելու վերաբերյալ։
Այսօր Կառավարության նիստից հետո Առողջապահության նախարար Արսեն Թորոսյանը լրագրողների հետ ճեպազրույցում անդրադառնալով որոշ ծննդատների փակման հետ կապված հանրության դժգոհություններին՝ նշեց, որ այդ որոշումը չի ցանկանում որևէ կերպ որակել, քանի որ նման որոշում կայացնելը պայմանավորված է միայն ծննդօգնության ծառայության մատուցման որակի բարձրացմամբ։
Հունվարի 15-ից սպանդանոցային մորթը պարտադիր է լինելու. այս մասին որոշումը Կառավարությունն ընդունել էր նախորդ տարի։ Այսօր Կառավարության շենքի մոտ հավաքված բազմաթիվ ֆերմերներ պնդում էին, որ այս որոշումը հանգեցնելու է մսի թանկացման և ֆերմերային տնտեսությունների անկման, քանի որ այդ ամենը հավելյալ ծախսեր է ենթադրում։
Գեղարքունիքի մարզի Վաղաշեն համայնքի մի քանի բնակիչներ Կառավարության շենքի մոտ են. նրանք բողոքում են, որ համայնքապետարանում մոտավորապես երկու տարի առաջ կոռուպցիա է հայտնաբերվել, որը կատարել է համայնքապետը, սակայն մինչ օրս դատախազությունը քայլեր չի իրականացնում համայնքապետ Արթուր Սուվարյանին հեռացնելու համար։
Այսօր առավոտյան ՀՀ վարչապետ Նիկոլ Փաշինյանը ֆեյսբուքյան իր էջում գրել էր, որ ներկայացել է Քննչական կոմիտե և պատասխանում է քննիչի հարցերին։
Հունվարի 9-ին ՀՀ էներգետիկ անվտանգության վերաբերյալ քննարկման ժամանակ փոխվարչապետ Տիգրան Ավինյանը հայտարարել է, որ տարածաշրջանում էներգետիկ ոլորտում տեղի ունեցող ցանկացած սցենարի պարագայում Հայաստանը պատրաստ է ապահովել էներգետիկ համակարգի ինքնաբավ և սուվերեն գործունեությունը:
«Քաղաքացիական գիտակցություն» հ/կ ղեկավար Նարեկ Սամսոնյանն այսօր լրագրողների հետ հանդիպմանն անդրադառնալով վարչապետի ընտանիքի և ԱԱԾ նախկին ղեկավար Արթուր Վանեցյանի միջև ծավալված հեռահար բանավեճին, շեշտեց, որ վարչապետ Նիկոլ Փաշինյանն իր ընտանիքին չի խնայում, և այսօր Հայաստանում տեղի է ունենում մի բան, որը երբևէ տեղի չի ունեցել նախկին նախագահների օրոք։
«Ռեֆորմիստներ» կուսակցության ղեկավար Վահան Բաբայանի խոսքով՝ Ազգային անվտանգության նախկին պետ Արթուր Վանեցյանի ակտիվացումը քաղաքական դաշտում բազմաթիվ հարցեր է առաջ բերում, ուստի Վանեցյանն առաջին հերթին պետք է անդրադառնա հենց այդ հարցերին։
Մարալիկում ծննդատունը չի փակվի, ուղղակի պետք է այնտեղ ապահովեն Առողջապահության նախարարության սահմանած պայմանները և շարունակեն աշխատել։ Այս մասին 168.am-ի հետ զրույցում ասաց Մարալիկի ծննդատան մանկաբարձ Հերմինե Հանիսյանը։
Կրթության, գիտության, մշակույթի և սպորտի նախարար Արայիկ Հարությունյանն այսօր առավոտյան արձագանքել է Առաջատար տեխնոլոգիաների ձեռնարկությունների միության գործադիր տնօրեն Կարեն Վարդանյանի՝ իր հեղինակային «Սա Հայաստան է և վերջ» հաղորդման ժամանակ արած հայտարարությանը, որ 2020 թվականի պետական բյուջեում բացակայում է նոր «Արմաթ» լաբորատորիաների տեղադրման հոդվածը, ինչը կարող է ԿԳՄՍ-ում հանգեցնել սաբոտաժի։
Ազգային ժողովում Պաշտպանության նախարար Դավիթ Տոնոյանի և «Լուսավոր Հայաստան» խմբակցության անդամների հանդիպումից հետո ԼՀԿ ղեկավար Էդմոն Մարուքյանը լրագրողների հետ զրույցում նախ անդրադարձավ քննարկված հարցերի շրջանակին, տեղեկացրեց, որ տարին սկսել են անվտանգության հատվածի ղեկավարների հետ հանդիպումներով, թեմաները քննարկվել են փակ ռեժիմում, որպեսզի կարողանան տարբեր հարցեր քննարկել՝ կապված Հայաստանի անվտանգության խնդիրների հետ։
