«Ինքս իմ երեխաների հայրենիքը պահելու համար, վստահաբար, իմ խոսքն ու իմ քայլը կանեմ, որովհետև որևէ բանի հետ համակերպվել՝ նշանակում է հանձնվել, մենք հանձնվող տեսակ չենք և չենք կարող լինել»,-եզրափակեց Գոհար Գորգիսյանը։
168.am-ի հետ զրույցում ՀՀ ԶՈՒ գլխավոր շտաբի նախկին պետ, նախկին գլխավոր ռազմական տեսուչ, գեներալ-գնդապետ Մովսես Հակոբյանն ասաց, որ Տավուշում ո՛չ սահմանային սյուները, ո՛չ փշալարերը, ո՛չ էլ սահմանապահները չեն կարող ապահովել խաղաղություն։
«Մարելու մասին խոսք անգամ չի կարող լինել, եթե ինքս համարեի, որ շարժումը մարել է կամ մարելու է, ինքս շարժմանը նման ակտիվ մասնակցություն ցույց չէի տա։ Պատերազմից հետո Հայաստանում շատ շարժումներ են եղել, բայց որևէ շարժման հետ դուրս չեմ եկել, 2020 թվականի պատերազմից հետո միայն անհետ կորած զինծառայողների ծնողների հետ էի, սակայն սրբազանի շարժմանը միացել եմ, որովհետև հավատում եմ։
Մայիսի 25-ի լույս 26-ի գիշերը տեղի ունեցած հեղեղումների հետևանքով Լոռու և Տավուշի մարզերում շարունակում են հաշվարկել կրած վնասները։ Ամենամեծ վնասը հեղեղը հասցրել էր Ալավերդի քաղաքին և համայնքի այլ բնակավայրերին, մասնավորապես՝ Քարկոփ գյուղին։
Հայաստանի իշխանությունները գիտական կենտրոնները, բուհերն օպտիմալացնելուն զուգահեռ՝ որոշել են պետականացնել նաև ստեղծագործական միություններին պատկանող գույքը։
«Այսինքն՝ «նախապայման» եզրույթը արդեն կարելի է համարել հայ-թուրքական հարաբերությունների այսպես հին պատմության վերապրուկ, որովհետև դա չի հանդիսանում այլևս նախապայման, այլ հստակ պահանջներ են։ Վերջին շրջանում Թուրքիայի հետ զրույցները, հատկապես դրանից հետո տեղի ունեցող իրադարձությունները վկայում են, որ այսօր Հայաստանի հետ հարաբերություններում թելադրողը ոչ թե հայ-թուրքական հարաբերություններն են, այսինքն՝ և՛ Հայաստանի, և՛ Թուրքիայի կողմից առաջ բերված դիվանագիտական խնդիրները, որոնք պետք է լուծում ստանան, այլ Թուրքիայի կողմից առաջ բերված պահանջները։
168.am-ի հետ զրույցում Արցախի նախկին պետնախարար, մարդու իրավունքների նախկին պաշտպան Արտակ Բեգլարյանը պատասխանելով այս հարցերին՝ ասաց, որ իրականում Ադրբեջանը փորձելու է չհամաձայնել որևէ բանի հետ, սակայն հայաստանյան կողմը միանշանակ գործիքակազմեր ունի, որոնք հնարավորինս պետք է օգտագործի. մի մասը՝ երևացող, մյուս մասը՝ չերևացող։
«Պատմության մեջ երկու դեպք է եղել, որ Առաքելական եկեղեցին փրկել է հայրենիքն ու հայ ազգին։ Առաջին անգամ փրկել է Ներսես Աշտարակեցին՝ մահմեդական դառնալուց, երկրորդ անգամ Գևորգ 5-րդ Սուրենյանցը՝ 1918 թվականի Սարդարապատի գոյամարտը կազմակերպելով։ Այսինքն՝ երկու անգամ էլ նախաձեռնողները եղել են հոգևորականները, նրանց շնորհիվ ազգը փրկվել ու հասել է 21-րդ դար։
Արդեն երեք տարի է՝ Կիրանցում սպասում են, որ շահագործման հանձնվի կառուցվող դպրոցի նոր շենքը, որպեսզի աշակերտները հին, վթարային շենքից տեղափոխվեն նորը։
«Քարտեզները, որով կողմերը համաձայնել են գնալ սահմանազատման ու սահմանագծման, 1991 թվականի Ալմա Աթայի հռչակագրում նշվել են, դրանք խորհրդային վերջին քարտեզներն են։ Խորհրդային շտաբի վերջին քարտեզները թեպետ գաղտնի են, բայց ինքս գիտեմ, թե այդ սահմանները որտեղով են անցնում, դրանց պատճեններն ունեմ։
168.am-ի հետ զրույցում ԵՊՀ իրանագիտության ամբիոնի վարիչ, իրանագետ Վարդան Ոսկանյանն անդրադառնալով նախընտրական քարոզարշավի ընթացքին, ամենամեծ շանս ունեցող թեկնածուներին, երկրորդ փուլի անցկացման հնարավորությանը, նախ ասաց, որ Իրանի ներսում նախընտրակական քարոզարշավը բավականին թեժ մթնոլորտում է ընթանում.
168.am-ի հետ զրույցում Ադրբեջանի հարցերով փորձագետ Տաթևիկ Հայրապետյանն անդրադառնալով այս հարցերին, նախ նշեց, որ այն հայտարարությունները, թե այս կամ այն հարցի շուրջ Հայաստանն ու Ադրբեջանը եկել են համաձայնության, այդպես չէ՝ այս հարցերն Ադրբեջանը լուծել է պատերազմով կամ պատերազմի սպառնալիքով։
168.am-ի հետ զրույցում ՀՀ առողջապահության նախարարի մամուլի քարտուղար Մարիամ Ծատրյանը պատասխանելով այս հարցերին, տեղեկացրեց, որ պայթյունի հետևանքով տուժած բոլոր պացիենտները դուրս են գրվել բժշկական կենտրոններից, սակայն նրանք շարունակում են ստանալ վերականգնողական բուժում Այրվածքաբանության ազգային կենտրոնում։
«Ըստ էության տոժողների հարցաքննության փուլում ենք։ Դրան զուգահեռ՝ մեղադրյալը՝ Եղիշե Հակոբյանը, ով, ըստ քրեական վարույթի նյութերի, ինքն է վառել վառարանը, որից էլ բռնկվել է կացարանի հրդեհը, ցուցմունք է տալիս»,- նշեց Նորայր Նորիկյանը։
Այս տարվա սկզբին սեփական դիմումի համաձայն Լոռու մարզպետի պաշտոնից ազատվեց «Քաղաքացիական պայմանագիր» խմբակցության նախկին պատգամավոր, պահեստազորի սպա Արամ Խաչատրյանը։ Ի դեպ, ըստ պաշտոնական հաղորդագրության՝ նման որոշում կայացրել էր Նիկոլ Փաշինյանը, մեկ օր անց, սակայն, Արամ Խաչատրյանը 168.am-ի հետ զրույցում ասել էր, որ ինքն ազատվել է սեփական դիմումի համաձայն։
«Նիկոլ Փաշինյանն ու իր թիմը, լոմը ձեռքները վերցրած, 6 տարի է՝ քանդում են ՀՀ արտաքին քաղաքական, գաղափարական, տնտեսական, դաշնակցային, եկեղեցական, բարոյական բոլոր հիմքերը»,- շեշտեց Է. Շարմազանովը։
«Ֆիքսենք, որ ԵՄ-ում մեզ որևէ մեկը չի սպասում, երկրորդ այլընտրանքը Թուրքիան է»,- այսօր մամուլի ասուլիսի ժամանակ հայտարարեց ՀՀԿ ԳՄ անդամ Էդուարդ Շարմազանովը՝ անդրադառնալով շրջանառվող քննարկումներին, թե Հայաստանը պետք է անջատվի Ռուսաստանից և գնա դեպի ԵՄ։
ՀՀԿ ԳՄ անդամ Էդուարդ Շարմազանովն այսօր մամուլի ասուլիսի ժամանակ հայտարարեց, որ ՀՀԿ-ն միակ ուժն է եղել, որ 2018 թվականին դեմ է քվեարկել Նիկոլ Փաշինյանի վարչապետությանը, դեմ է քվեարկել նաև Աղվան Վարդանյանը։
ՀՀԿ ԳՄ անդամ Էդուարդ Շարմազանովի խոսքով՝ Հայաստանում արտաքին քաղաքականություն չկա, քանի որ, եթե լիներ արտաքին քաղաքականություն, ապա այն պետք է սպասարկեր սեփական երկրի շահերը, մինչդեռ այսօր ՀՀ արտաքին քաղաքականությանը կարելի է մեկ անուն դնել՝ երկրի թրքացում կամ ադրբեջանացում։
Այսօր խորհրդարանում լրագրողները Պաշտպանության փոխնախարար Արման Սարգսյանից հետաքրքրվեցին, թե Տավուշի մարզում տեղադրված փշալարերը որքանո՞վ են պաշտպանում անվտանգությունը, սակայն հարցին պատասխանելու փոխարեն՝ Արման Սարգսյանն ասաց, որ կրկնելու է նույն նախադասությունը, որը լրագրողների համար լինելու է կրկնություն, ինչը գուցե ժպիտ առաջացնի։
168.am-ի հետ զրույցում օկուպացված Արցախի փաստաբանների պալատի անդամ, Դավիթ Սարգսյանի շահերի պաշտպան Ռոման Երիցյանն ասաց, որ Վերաքննիչ դատարանը ոչ իրավաչափ է ճանաչել Դավիթ Սարգսյանի կալանքի որոշումը, խոսքը վերաբերում է 20 օրով կալանքին։
ՀՀ կառավարության մամուլի ծառայությունը շաբաթ օրը տեղեկացրեց, որ Նիկոլ Փաշինյանի աշխատակազմն Ադրբեջանի նախագահի աշխատակազմին դիվանագիտական խողովակներով առաջարկել է ստեղծել հրադադարի ռեժիմի խախտման դեպքերի հետաքննության երկկողմ մեխանիզմ:
«Մեր հողերի մեծ մասը թշնամու հսկողության տակ է, չենք կարողանում մշակել։ Օրինակ, ցորեն չենք կարողացել ցանել, որովհետև մեխանիզատորը վախենում է դաշտ դուրս գալ, ի՞նչ իմանանք, որ պահին թշնամին կկրակի։ Հո մենք պայմանագիր չունե՞նք կնքած թշնամու հետ, թե որ ժամանակ չպետք է կրակի, անկանխատեսելի է, ցանկացած պահի կարող է կրակել, տեսանք՝ տեխնիկան մտավ դաշտ, կրակեն, դրա պատասխանն ո՞վ է տալու։ Սա է պատճառը, որ վար ու ցանքս չենք արել։ Այս 20-30 տոկոսն էլ մի կերպ ենք մշակել, թեթևակի գարի ենք ցանել»,- նշեց Արտյոմ Երանոսյանը։
Այսօր վաղ առավոտից Արագածոտնի մարզի Վարդենուտ գյուղի բնակիչները փակել են Երևան-Ապարան ճանապարհը։ Բնակիչները բողոքում են Կառավարության ընդունած որոշման դեմ, ըստ որի՝ գյուղից 110 հեկտար հողատարածքը որպես գերակա շահ ճանաչելով՝ վաճառում է, բնակիչներին դրա համար վճարելով 300 դրամ՝ յուրաքանչյուր 1 քմ-ի համար։
«Բազմիցս ասել եմ՝ կորցնելով Արցախը, եկել-հասել ենք մեր հայոց պետականության կորստին։ Իշխանությունն այս ամենով սպասարկում է թշնամու շահերը՝ հանուն սեփական իշխանությունը պահելուն, սա է այսօրվա իշխանության գործողությունները»։
Հունիսի 21-ին ՀՀ ԱԳ նախարարությունը պաշտոնական հաղորդագրություն տարածեց Պաղեստին պետությունը ճանաչելու վերաբերյալ՝ շեշտելով, որ վերահաստատում է իր հավատարմությունը միջազգային իրավունքին և ժողովուրդների հավասարության, ինքնիշխանության ու խաղաղ համակեցության սկզբունքներին, ուստի ճանաչում է Պաղեստինի պետությունը։
«Երեկ Արցախի նախագահը հստակ նշեց, որ խոսել է ՔԿ նախագահի հետ, ասել է, որ մեքենան ցանկացած տեղ, որտեղ ասեն՝ կտանի։ Միայն այն, որ ՔԿ նախագահն ասել է, որ այդ ամենն ինքնագլուխ գործունեություն է, քանի որ չեն պայմանավորվել, որ նման բան չպետք է լինի և այլն, արդեն ամեն ինչ ասում է։ Եթե այդ ամենից հետո նման գործողություն է տեղի ունենում, արդեն հասկանալի է, որ սա իրավական գործընթաց չէ։
Այսօր առավոտյան ՀՀ ազգային անվտանգության ծառայությունից տեղեկացրել էին, որ ադրբեջանական կողմը հայկական կողմին է փոխանցել ենթադրաբար 2022 թվականի սեպտեմբերյան երկօրյա մարտական գործողությունների ժամանակ զոհված 2 հայ զինծառայողների դիակ-մասունքները։
«Բայց մեզ համար նորություն չէ նոր Սահմանադրության մասին հայտարարությունները, քանի որ այս տարվա սկզբին Փաշինյանը, Արդարադատության նախարարը խոսում էին միանշանակ նոր Սահմանադրություն ընդունելու մասին։ Այս ամենն ակնհայտորեն կապված է փաշինյանական նոր կուրսի հետ, որ մեզ անկախության հռչակագիր պետք չէ, Արարատ սար պետք չէ, և այլն, այսինքն՝ բոլոր ազգային խորհրդանիշներից հրաժարվելու քաղաքականության դրսևորում է»,- նշեց Վարդան Պողոսյանը։
168.am-ի հետ զրույցում ՀՀ վաստակավոր ճարտարապետ Սաշուր Քալաշյանն արձագանքելով Նիկոլ Փաշինյանի մեկնաբանություններին՝ ասաց, որ դրանք որևէ հիմնավորում չունեն, որովհետև եթե այս կամ այն վայրից պետք է խաչքարեր հանեն, պետք է դա հիմնավորում ունենա։
