«Գյումրու ընտրության հետ կապված նոր բան չկա ասելու». Նիկոլ Փաշինյան
Այսօր ԱԺ-ում Նիկոլ Փաշինյանը պատասխանեց լրագրողների 1-2 հարցերի, որոնցից մեկը վերաբերում էր Գյումրիում տեղի ունեցած արտահերթ ընտրություններին։
Լրագրողը Նիկոլ Փաշինյանից մասնավորապես հետաքրքրվեց՝ ինչո՞ւ ՔՊ-ն՝ Սարիկ Մինասյանի գլխավորությամբ, որոշեց, որ այսօր չպետք է մասնակցի ավագանու անդրանիկ նիստին, որտեղ պետք է ընտրվեր քաղաքապետ, նաև՝ ինչպե՞ս է Կառավարությունը պատկերացնում իր աշխատանքն արդեն Գյումրու ընտրված քաղաքապետի հետ։
Նիկոլ Փաշինյանը հարցերին հակիրճ պատասխանեց՝ շեշտելով.
«Գյումրու ընտրությունների հետ կապված լրացուցիչ մեկնաբանություն, բացի այն, որ արել ենք մինչև հիմա, չեմ կարող անել։ Աշխատանքն՝ աշխատանք է, Կառավարությունն իր աշխատանքն է անում՝ իր օրակարգով, ռազմավարությունով, տեղական ինքնակառավարման մարմինների հետ աշխատանքի կանոններ կան, դրանք պետք է պահվեն, և այդպես»։
Հիշեցնեք, որ այսօր Գյումրիում ավագանու առաջին նիստում քաղաքապետ ընտրվեց Հայաստանի կոմունիստական կուսակցության խմբակցության անդամ Վարդան Ղուկասյանը։ ՔՊ-ն այս նիստին չմասնակցեց։
Մանրամասները՝ 168.am-ի տեսանյութում
