Այսօր կառավարության հերթական նիստի ընթացքում Նիկոլ Փաշինյանն անդրադարձավ Արցախում ստեղծված իրավիճակին, հայտնեց, որ Լեռնային Ղարաբաղում նախադպրոցական հաստատությունների շուրջ 6 հազար սան, հանրակրթական դպրոցների շուրջ 19 հազար աշակերտներ և բուհերի շուրջ 6800 ուսանողներ արդեն մեկ ամիս զրկված են 21-րդ դարի ամենակենսական՝ կրթության իրավունքից: Արդեն մեկ ամիս է, Լեռնային Ղարաբաղի մանկապարտեզները, դպրոցները, բուհերը փակ են և չեն աշխատում։
168.am-ի հետ զրույցում Արցախյան երեք պատերազմների մասնակից, ռազմական փորձագետ Մարտին Եսայանն ասաց, որ արցախահայությունն ավելի վատ ու դաժան օրեր է տեսել 90-ականներին, երբ որևէ բան չուներ, բայց հաղթահարել է ու ունեցել ազատագրված հայրենիք։ Հետևաբար՝ արցախցին այս վիճակն էլ կհաղթահարի։
Լիբանանում հայերը բողոքի ակցիա են իրականացնում Ադրբեջանի կողմից Արցախը շրջափակելու դեմ։ Հազարավոր հայեր Ադրբեջանի այդ քայլը դատապարտող ցուցանակներով, Հայաստանի ու Արցախի դրոշներով Պուրճ Համուտ քաղաքում իրականացվող բողոքի ակցիայով իրենց զորակցությունն են հայտնում Արցախին և դատապարտում Ադրբեջանի ագրեսիան՝ կոչ անելով միջազգային հանրությանը գործուն քայլերով Ադրբեջանին ստիպել բացել արցախահայության կյանքի ճանապարհը։
45 օր է՝ Արցախի Հանրապետությունը, 120 հազար արցախահայեր գտնվում են ադրբեջանական շրջափակման մեջ: Ադրբեջանը փակել է Արցախը Հայաստանին կապող միակ ցամաքային ճանապարհը։ Այս օրերի ընթացքում բազմաթիվ անհատներ, հասարակական կազմակերպություններ փորձել են իրազեկման ու բողոքի ակցիաներ իրականացնել Երևանում, այդ թվում՝ սփյուռքում Արցախի շրջափակման մասին աշխարհին տեղեկացնելու համար։ Եղել են նաև անհատներ, որոնք «Բացում» նախաձեռնության շրջանակներում քննարկումներ են անցկացրել՝ պարզելու, թե ինչ ճանապարհով կարող են հասնել Արցախի կյանքի ճանապարհի բացմանը։
168.am-ի հետ զրույցում Արցախի Մարտունու շրջանի Խնուշինակ գյուղի ղեկավար Կամո Մուրսալյանը խոսելով շրջափակման հետևանքով գյուղում առաջացած խնդիրների մասին, զուգահեռ անցկացրեց 90-ականներին ստեղծված իրավիճակի հետո, այդ ժամանակ ավելի դժվար էր, ասաց մեր զրուցակիցը, ու չնայած դրան, հաղթահարեցին դժվարությունները, հիմա էլ կհաղթահարեն։
168.am-ի հետ զրույցում Արցախի Մարտունու շրջանի Բերդաշեն գյուղի բնակիչ Կամո Աղաջանյանն ասաց, որ Նիկոլ Փաշինյանին և իր թիմին թվում է՝ արդեն վերջ, Արցախից ազատվել են, մնում է վերջին տախտակներն էլ խփեն ու վերջնական մոռանան, բայց այդպես չի լինելու՝ մինչև վերջ պայքարելու են։
ԱԺ նախագահ Ալեն Սիմոնյանը ստորագրել է կարգադրություն՝ ԱԺ-ում հերթական պարգևավճարները տալու վերաբերյալ։
Հունվարի 20-ին Տավուշի մարզի Մովսես գյուղում արտառոց միջադեպ էր գրանցվել։ Գիշերը անհայտ անձինք վնասել էին գյուղի որոշ բնակիչների մեքենաների անվադողերը, հրդեհել բնակիչներից մեկի խոտը, և մեքենայից գողություն կատարել։ Միջադեպը լրջորեն անհանգստացրել էր բնակիչներին, քանի որ գյուղի պատմության մեջ առաջին անգամ է նման բան տեղի ունեցել։
168.am-ի հետ զրույցում Կարմիր Շուկա համայնքի դպրոցի տնօրեն Էդիկ Բադասյանն ասաց, որ առայժմ չեն կարողանում երեխաների կրթությունն ապահովել նույնիսկ օնլայն ձևաչափով։
168.am-ի հետ զրույցում Շուշիի պատմության թանգարանի վարիչ, պատմաբան Աշոտ Հարությունյանն ասաց, որ ադրբեջանցիների գործողություններում որևէ զարմանալի ու անսպասելի բան չկա, քանի որ այդ ամենը նրանց պետական քաղաքականությունն է։ Այստեղ խնդիրն այն է, թե ի՞նչ է անում Հայաստանի իշխանությունը։
168.am-ի հետ զրույցում Արցախի Հանրապետության նախագահի խորհրդական, հատուկ հանձնարարությունների գծով ներկայացուցիչ Դավիթ Բաբայանը պատասխանելով այս հարցերին, նկատեց՝ Ադրբեջանը շարունակում է իր ապակառուցողական քաղաքականությունը, որի արդյունքում էլ Արցախն արտաքին աշխարհին կապող միակ ցամաքային ճանապարհը շարունակում է փակ մնալ։
«Անվտանգության խնդիրներ են եղել, օրինակ, ճաղավանդակ չպետք է լիներ, և դրա համար մարդիկ, ովքեր պատասխանատու են անվտանգության համար՝ պատժվել են ու պատժվելու են։
ԱԺ նախագահ Ալեն Սիմոնյանը ցավում է Գեղարքունիքի մարզի N զորամասի զինվորական կացարանում հունվարի 19-ին տեղի ունեցած ողբերգության համար՝ ընդգծելով, որ այս ողբերգության պատճառի վերաբերյալ իր ունեցած տեղեկությունները շատ չեն տարբերվում արդեն հայտնի տեղեկություններից։
168.am-ի հետ զրույցում ԳԱԱ պատմության ինստիտուտի տնօրեն, պատմաբան, ակադեմիկոս Աշոտ Մելքոնյանը նման հայտարարություններն այսպես բնորոշեց՝ եթե նման մոտեցումը փորձի ներկայացնել որպես ադրբեջանական կողմի կարծիք, ապա կարող են ասել, որ նրանց տեսանկյունից Արցախի հարցը լուծված է։
168.am-ի հետ զրույցում Արցախի ԱԺ արտաքին հարաբերությունների մշտական հանձնաժողովի նախագահ, ՀՅԴ Արցախի Կենտրոնական կոմիտեի անդամ Վահրամ Բալայանը նախ ասաց, որ ՀՀ ղեկավարը բազմիցս շեշտել է, որ պատասխանատու է 29.800 քառակուսի կիլոմետրի համար, այսինքն՝ ըստ էության նա դրանով Արցախը ճանաչել է Ադրբեջանի կազմում։
168.am-ի հետ զրույցում Ասկերանի շրջանի Հարավ գյուղի ղեկավար Անդրանիկ Ղազարյանն ասաց, որ գյուղում մարդիկ ապրում են այնպես, ինչպես ամբողջ Արցախում, իսկ դժվարությունները թեթևությամբ են հաղթահարում։
168.am-ի հետ զրույցում Այրվածքաբանության ազգային կենտրոնի փոխտնօրեն Կարինե Բաբայանը մեր հարցին ի պատասխան՝ փոխանցեց, որ կենտրոնում գտնվող զինծառայողների առողջական վիճակը շարունակում է ծանր մնալ։
«Համլետի տարեկիցներից մի քանիսն են մնացել բանակում, բոլորը ծառայել ու վերադարձել են։ Գիտեինք, որ այս տարի պետք է զորացրվեր, բայց նոր տեղեկացա, որ նա բանակ է մեկնել նախորդ տարվա հունվարին։ Դպրոցից գնալուց հետո Համլետին չեմ տեսել, սպասում էի, որ զորացրվեր ու գար մեր դպրոց, կարծես թե ավանդույթ կա ձևավորված՝ դպրոցի այն տղաները, որոնք զորացրվում են, անպայման գալիս են դպրոց, որ իրար տեսնենք, ցավոք, Համլետը չի գա…
168.am-ի հետ զրույցում Արցախի Հանրապետության ԱԺ «Հայ Հեղափոխական Դաշնակցություն» խմբակցության ղեկավար Արթուր Մոսիյանը խոսելով բանաձևի ընդունման և դրան հաջորդող քայլերի մասին, նկատեց՝ ցանկացած միջազգային կառույցի, այդ թվում՝ ԵԽ ընդունած բանաձևը, անշուշտ, իր ազդեցությունն ունենում է։
ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը, որ հանձնաժողովի բոլոր նիստերի, հարցազրույցների, ճեպազրույցների ժամանակ վստահ հայտարարում է, որ հայկական դիրքերն այնպես են կահավորված, որ կկարողանան զինվորների կյանք փրկել, նկատի ունենալով, որ դրանք շատ լավ են կահավորված, այսօր այդպես էլ չասաց, թե այդ ինչպես է կահավորված եղել Գեղարքունիքի մարզի N զորամասի կացարանը, որ 15 ժամկետային զինծառայող է զոհվել։
ԱԺ «Հայաստան» խմբակցության ղեկավար, Պաշտպանության նախկին նախարար Սեյրան Օհանյանի խոսքով՝ բանակում չի հիշում այնպիսի դեպք, ինչը եղավ Գեղարքունիքի մարզի N զորամասի կացարանում։
Խորհրդարանում լրագրողների հետ ճեպազրույցում ԱԺ «Հայաստան» խմբակցության ղեկավար, Պաշտպանության նախկին նախարար Սեյրան Օհանյանն ասաց, որ իր նկատմամբ քրեական հետապնդում սկսելու վերաբերյալ տեղեկացել է լրագրողներից, որոնք զանգահարել են իրեն ու հետաքրքրվել մանրամասներից։
Այսօր ԱԺ Ֆինանսավարկային և բյուջետային և Առողջապահության հարցերի մշտական հանձնաժողովների համատեղ նիստում տեղի ունեցավ Հաշվեքննիչ պալատի ընթացիկ եզրակացությունների քննարկում։
«Հիմնական խնդիրը կապված է դիզվառելիքի պակասի հետ, բենզինը սուղ է, գազի անջատման հետևանքով առաջանում են խնդիրներ, այսինքն՝ հիվանդանոց կամ այլ տեղ գնալու հարց է լինում, մեքենաները դիզվառելիք չունեն։ Երևի գիտեք, որ մեր համայնքն ամենամեծ համայնքն է Արցախում, ուստի խնդիրներն էլ շատ են, բայց փառք Աստծո, ի վիճակի ենք դիմակայել»,- նշեց Վարդան Գրիգորյանը։
Հունվարի 10-ին հրավիրած մամուլի ասուլիսի ժամանակ Նիկոլ Փաշինյանը խոսելով անհետ կորած զինծառայողների մարմինների որոնողական աշխատանքների ու գերիներին հայրենիք վերադարձնելու մասին, տեղեկացրել էր, որ «Որոնողական աշխատանքներ են տեղի ունենում: Այո, ոչ բոլոր մեր նահատակների մարմիններն են հայտնաբերվել, բայց նաև ուզում եմ հիշեցնել, որ սեպտեմբերի 13-ից հետո մեր 17 ռազմագերիները վերադարձվել են, և մենք շարունակում ենք ջանքեր գործադրել այդ ուղղությամբ»:
«Այսինքն՝ մենք այս պահին ցանկանում ենք, ոչ թե՝ մի բան ուտենք, այլ ուզում ենք ճանապարհը բացվի, սրա տակ որևէ այլ բան չպետք է դիտարկենք, այլ ոչ թե սպասենք տալոնի և գնանք ձու ստանալու հերթ կանգնենք։ Բլոկադան միայն արցախյան խնդիր չէ, սա հայկական հարց է։ Արցախում գիտակից խավը գտնում է, որ Հայաստանը չպետք է գնա զիջումների հենց այս բլոկադայի համար, պայմաններն ինչքան էլ սուղ լինեն, Հայաստանը դա մեր տարածքն է, մենք Արցախում ենք ապրում, և ինչպես Արցախն է մեր տարածքը, այնպես էլ՝ Սյունիքը։ Նկատի ունեմ, որ սա մեր հողն է, ու մենք բոլորս պետք է ոտքի կանգնենք»,- հավելեց մեր զրուցակիցը։
ԱԺ «Հայաստան» խմբակցության ղեկավար Սեյրան Օհանյանն այսօր խորհրդարանական ճեպազրույցների ժամանակ անդրադառնալով Արցախի ու Ադրբեջանի իշխանությունների ներկայացուցիչների հանդիպմանը, նախ նշեց, որ Արցախի շրջափակումն Ադրբեջանի կողմից նոյեմբերի 9-ի եռակողմ հայտարարության պահանջների խախտում է։
Այսօր խորհրդարանական խմբակցությունների ճեպազրույցի ժամանակ «Հայաստան» խմբակցության ղեկավար Սեյրան Օհանյանն ասաց՝ հաշվի առնելով այն բոլոր գործընթացները, որոնք Ադրբեջանն իրականացնում է Հայաստանի ու Արցախի նկատմամբ, բացահայտ ցույց է տալիս, որ Ադրբեջանը բնավ չի պատրաստվում խաղաղ համակեցության։
«Պաշտոնական Երևանը տարբեր հարթակներով փորձում է առկա իրավիճակում մեղավորությունը բարդել բոլորի վրա, բացի պաշտոնական Երևանից։ Ինձ ոչ մեկը չի կարող բացատրել Հայաստանից՝ Մոսկվայում նախորդ տարվա դեկտեմբերին կայացած հանդիպմանը չգնալը։ Լավ չի, էլի, որ ՀՀ արտաքին քաղաքականության պատասխանատուներն այնքան թույլիկ են, որ միակ տարբերակը, որ իրենք ճնշումներին չտրվեն՝ չգնալն է»,- խորհրդարանական խմբակցությունների ճեպազրույցների ժամանակ նշեց ԱԺ «Պատիվ ունեմ» խմբակցության ղեկավար Հայկ Մամիջանյանը։
