Պետական եկամուտների կոմիտեն հրատապ մեկ անձ գնման ընթացակարգով օրերս գնել է պլանշետներ։ Պետգնումների armeps էլեկտրոնային համակարգում տեղադրված պայմանագրից տեղեկանում ենք՝ Samsung Galaxy Tab S9, Samsung LLC մոդելի 60 պլանշետի համար ՊԵԿ-ը վճարելու է 26 միլիոն 820 հազար դրամ (ներառյալ՝ ԱԱՀ-ն)։
Թե ո՞ր քաղաքացու տոնն է այս տարի նշելու իշխանությունը, հարցի պատասխանը դեռ պարզ չէ. գուցե այն քաղաքացիների, որոնք հետպատերազմական իրողություններում ապրում են թշնամու նշանառության տա՞կ, կամ ոսկեպարցիների, որոնց համոզում են, թե իրենց հայրենիքը չեն հանձնում, դատարանի դահլիճում մահացած պրոդյուսեր Արմեն Գրիգորյանի՞, «Եռաբլուր»-ում «ժողովրդավարության» շահառու որդեկորույս ծնողների՞, որոնց կարմիր բերետավորները քարշ էին տալիս, Կասկադում ԱԺ նախագահի թքին արժանացած հայրենադարձ Կարեն Մկրտչյանի՞, թե՞ ընդամենն օրեր առաջ ոստիկանական մեքենայից դուրս բերված ու դիմակավորված անձանց կողմից խոշտանգված՝ 44-օրյա պատերազմի մասնակից Սամվել Վարդանյանի ու ՀՀ այլ քաղաքացիների, որոնք ամենևին չեն հավատում երջանիկ անհատի, հզոր պետության և հոգատար հանրության մասին իշխանական միֆին:
Երևանում կայացած Կապի տարածաշրջանային համագործակցության Ռադիոհաճախականության սպեկտրի և արբանյակային ուղեծրերի կիրառման կարգավորող հանձնաժողովի 25-րդ նիստի շրջանակում հյուրերի համար մարտի 12-ին հյուրասիրություն է կազմակերպվել «Երևան պանդոկում»:
«Արտ լանչ»-ի հավատարիմ գնորդ ՀՀ Պաշտպանության նախարարությունն իր հերթական խոշոր գնումն է կատարել ընկերությունից: Մարտի 29-ին կնքված պայմանագրով նախարարությունն այս անգամ «Արտ լանչ»-ից՝ իրավաբանական անունով «Ռեդի-Սթեդի» ՍՊԸ-ից, մեկ անձ գնման ընթացակարգով գնել է ներկայացուցչական, արարողակարգային ծառայություններ՝ 7 միլիոն դրամ ընդհանուր արժեքով: Ի դեպ, ըստ պետգնումների armeps համակարգի, այս ընկերությունից գնումները շատ դեպքերում ոչ մրցակցային՝ մեկ անձ, հրատապ մեկ անձ ընթացակարգերով են:
Երեկ 168.am-ը ««Դիմակահանդեսը» շարունակվում է. 34 միլիոն 749.996 դրամով Հանրային հեռուստաընկերությունը հրատապ ձեռք է բերել դեկորացիա» հոդվածում անդրադարձել էր բավականին խոշոր գումարով դեկորացիայի ձեռքբերման ուշագրավ փաստին: Տեղեկացրել էինք՝ դեկորացիան նախատեսված է Հանրային հեռուստաընկերության «Դիմակահանդես» հաղորդաշարի համար:
Հանրային հեռուստաընկերությունն առանց մրցույթի հերթական գնումն է կատարել «Սթեյջ սթայլ» ընկերությունից՝ ձեռք բերելով տաղավարային դեկորացիա: Հրատապ մեկ անձ ընթացակարգով այս գնման արժեքը 34 միլիոն 749 հազար 996 դրամ է:
4 միլիոն 641.889 դրամ. այս անգամ ահա այսքան է Ֆինանսների նախարարության համար արժեցել շենքերի մաքրման ծառայությունները: Ինչպես ձմռանը, այնպես էլ՝ գարնանն այս առաքելությունն առանց մրցույթի վստահվել է «Ռիելթի մենեջմենթ քոմփանի» ՍՊԸ-ին՝ նույն գումարի չափով: Շուրջ 4 միլիոն 642.000 դրամով ընկերությունը 1 ամիս մաքրելու է Ֆիննախի վարչական շենքի տարածքը:
Արտաքին գործերի նախարարությունն օրերս հրատապ կարգով ձեռք է բերել անվտանգության ապահովման սարքեր: Հրատապ մեկ անձ գնման մատակարարը 2017 թվականին գրանցված ու 2020 թվականից պետգնումներում հայտնված «Հայտեք» ՍՊԸ-ն է:
Մարտի 2-ին Հայաստանը նշում է Դիվանագետի օրը. հենց այս օրն էր մեր դրոշը բարձրացվել Միավորված ազգերի կազմակերպության կենտրոնակայանի առջև:
Քննչական կոմիտեն օրերս միլիոնավոր դրամների երկու գնում է կատարել առանց մրցույթի և հրատապ:
Ներքին գործերի նախարարությունն իր հերթական ոչ մրցակցային գնումն է կատարել. այս անգամ մատակարարը «ՖՎ&Գ» (ՖՎընդԳ)ՍՊԸ-ն է: ՆԳՆ-ն այս ըներությունից ձեռք է բերել Ծրագրային ապահովման սպասարկման ծառայություններ՝ 44 միլիոն դրամ ընդհանուր արժողությամբ:
Պետական գնումների նախընտրելի տարբերակը մրցույթն է: Այս աքսիոմատիկ ճշմարտությունը մեր երկրում մոռացվում է. պետական գերատեսչությունները գնումները հաճախ կատարում են առանց մրցույթների: 168.am-ն իր դիտակետում է պահում նմանատիպ գնումները՝ պարբերաբար հրապարակումներով ծանուցելով:
Միասնական սոցիալական ծառայությունը հրատապ մեկ անձ ընթացակարգով ծրագրային ապահովման սպասարկման ծառայությունների մատուցման պայմանագիր է կնքել «Կրտսեր Ալեքսանյան և որդիներ» ՍՊԸ-ի հետ: Ըստ armeps պետգնումների համակարգի՝ պայմանագրի գինը 24 միլիոն 759 400 դրամ է:
Օրերս Գնել Սանոսյանի ղեկավարած գերատեսչությունը դարձյալ հրատապ մեկ անձ ընթացակարգով գնում է կատարել, և դարձյալ Սանոսյանի զեմլյակներից՝ «Քյավառ սերվիս» ՍՊԸ-ից:
Ֆինանսների նախարարությունն օրերս շենքերի մաքրման ծառայություններ է ձեռք բերել ոչ մրցակցային՝ հրատապ մեկ անձ ընթացակարգով: Հունվարի 31-ին կնքված պայմանագրի գինը 4 միլիոն 641 հազար դրամ է:
Տարին դեռ նոր է սկսվել, բայց Ազգային ժողովը հասցրել է մեկ անձ ոչ մրցակցային ընթացակարգով երկու պետգնում կատարել: Հունվարի 15-ին կնքված պայմանագրով Ազգային ժողովը 4 միլիոն 818 հազար դրամով ձեռք է բերել ծրագրային ապահովման սպասարկման ծառայություններ՝ 12 օգտվողի համար: Մատակարար ընկերությունը «Հայկական ծրագրեր» ՍՊԸ-ն է՝ ի դեմս Աշոտ Խաչատրյանի, որն ընկերության 100 տոկոս բաժնեմասի տերն […]
Հայփոստում տարին մեկնարկել են մեկ անձ ոչ մրցակցային ընթացակարգով երկու պետգնումով, որով «Հայփոստ» ՓԲԸ-ն ձեռք է բերել վառելիք: Նույն օրը՝ հունվարի 11-ին կնքված երկու պայմանագրերն էլ առնչվում են նույն՝ Էրեբունի 12/4 հասցեում գտնվող երկու տարբեր ընկերությունների:
Ազգային ժողովը շարունակում է առանձնանալ իր ուշագրավ պետգնումներով, այդ թվում՝ առանց մրցույթի գնումների իր պրակտիկայով. 168.am-ի ուշադրությանն է արժանացել մի պայմանագիր, որը թույլ կտա հետտոնական հաշվարկ իրականացնել:
Անահիտ Ավանեսյանի ընտանիքին առնչվող «Արֆարմացիա» ՓԲ ընկերությունը շարունակում է ճկուն ռևոլտադով գրավել պետգնումների հիթ-շքերթը:
Դեկտեմբերի 21-ին Ներքին գործերի նախարարությունը հրատապ մեկ անձ ոչ մրցակցային եղանակով հերթական գնումն է կատարել. նախարարությունը 2 միլիոն դրամ արժողությամբ պայմանագրով «Արմքոին» ՍՊԸ-ից ձեռք է բերել խորհրդանշական նվերներ:
13 միլիոն 886.775 դրամ. ահա այսքան է դեկտեմբերի 13-ին Ներքին գործերի նախարարության հերթական ոչ մրցակցային՝ հրատապ մեկ անձ գնման ընթացակարգով կնքված պայմանագրի գինը: Իսկ մատակարարը պետական գնումների ֆավորիտ «Սիլ ինշուրանս» ապահովագրական փակ բաժնետիրական ընկերությունն է:
Քննչական կոմիտեն երեկ՝ դեկտեմբերի 7-ին, ոչ մրցակցային հրատապ մեկ անձ գնման ընթացակարգով պայմանագիր է կնքել «Միկրորինգ» ՍՊԸ-ի հետ՝ ձեռք բերելով տեղեկատվական տեխնոլոգիաների համակարգչային ծրագրային փաթեթներ: Պայմանագրի գինը շուրջ 28 միլիոն 327 հազար դրամ է:
Պետեկամուտների կոմիտեն օրերս ոչ մրցակցային հրատապ մեկ անձ ընթացակարգով պայմանագիր է կնքել «Սևան Նալբանդյան Արշակի» ԱՁ-ի հետ:
Տարեսկզբից մինչ օրս՝ 54 պայմանագիր, որից 37-ը՝ մեկ անձ, 2-ը՝ հրատապ մեկ անձ, ոչ մրցակցային գնման ընթացակարգերով. «Սիլ ինշուրանս»-ը շարունակում է մնալ Նիկոլ Փաշինյանի կառավարության պետգնումների սրտի մատակարարը: Գաղտնիք չէ, որ այս ընկերությունը պատկանում է գործարար, Ազգային ժողովի իշխանական խմբակցության պատգամավոր Խաչատուր Սուքիասյանի ընտանիքին:
ՀՀ բարձր տեխնոլոգիական արդյունաբերության նախարարությունն օրերս «Տոյոտա Երևան» ՍՊԸ-ից ձեռք է բերել ամենագնաց ավտոմեքենա. պայմանագրի գինը՝ 46 միլիոն դրամ կամ շուրջ 115 հազար ԱՄՆ դոլար: Գնումն էլ՝ ոչ ավել, ոչ պակաս՝ հրատապ մեկ անձ ոչ մրցակցային ընթացակարգով:
Ներքին գործերի նախարարությունն օրերս հրատապ մեկ անձ ընթացակարգով պատվիրել է բիզոզուգարանների տեղադրման և մաքրման ծառայություններ: Այս հրատապ առաքելության համար, ըստ պետգնումների armeps համակարգի, նախարարությունը հոկտեմբերի 5-ին 3 միլիոն 120 հազար դրամ արժողությամբ պայմանագիր է կնքել «Փայլ Սերվիս» ՍՊԸ-ի հետ:
Տարածքային կառավարման և ենթակառուցվածքների նախարար Գնել Սանոսյանը, պարզվում է, հանրապետության ճանապարհների պահպանման, վերանորոգման առաքելությունը վստահում է միայն «զեմլյակներին»:
Օրերս էլ ՊԵԿ-ը հրատապ մեկ անձ ընթացակարգով «Մարգարա-տեխնիկական հսկողության ծառայություն 2-րդ փուլ»-ի աշխատանքների կատարման նկատմամբ տեխնիկական հսկողության ծառայությունների մատուցման պարտավորությունն է պատվիրակել «Տամո-Շին» ՍՊԸ-ին: Պայմանագրի գինը 8 միլիոն 50 հազար դրամ է:
«Մենք ցանկանում ենք, որպեսզի պետական գնումների համակարգը բարեփոխվի այն ուղղությամբ, որպեսզի այն հնարավորինս լինի ճկուն և մոբիլ, միևնույն ժամանակ, պահպանի արդար մրցակցության սկզբունքը և հնարավորինս զերծ լինի կոռուպցիոն երևույթներից, երրորդը՝ երաշխավորի պետական միջոցների ծախսման և ստացվող արդյունքի որակը»,- դեռևս 2019 թվականին հայտարարել էր Նիկոլ Փաշինյանը: