ԱԺ-ն հրատապ ձեռք է բերել 15 միլիոն դրամի բազկաթոռներ
Ազգային ժողովը հրատապ մեկ անձ ընթացակարգով հերթական գնումն է կատարել` 15 միլիոն 243 հազար դրամով ձեռք բերելով բազկաթոռներ։ 3 տեսակի 150 բազկաթոռների մատակարարը՝ «Պահեստ 1» ՍՊԸ-ն, ընտրվել է առանց մրցույթի՝ ՀՄԱ (հրատապ մեկ անձ ոչ մրցակցային ընթացակարգով):
Այս ՍՊԸ-ն հիմնադրվել է 2022 թվականին, Կոտայքի մարզի Առինջ համայնքում: Ընկերության միակ սեփականատերը Դերենիկ Եփրեմյանն է, որը, ըստ էլեկտրոնային գնումների armeps համակարգի, միայն այս տարի է մասնակցում պետգնումներին՝ տարբեր ընթացակարգերով 4 պայմանագիր կնքելով պետական գերատեսչությունների հետ:
Գնորդների թվում են Քննչական կոմիտեն և Պաշտպանության նախարարությունը, և ևս մեկ պայմանագիր դարձյալ ԱԺ-ի հետ է կնքվել նոյեմբերին՝ դարձյալ պատվիրակելով 1 միլիոն 113 600 դրամի բազկաթոռներ:
