Թրամփը կաջակցի ՌԴ դեմ պատժամիջոցների փաթեթի ընդունմանը, որն առաջ էր մղում Գրեմը. CNN
ԱՄՆ նախագահ Դոնալդ Թրամփը կաջակցի Ռուսաստանի դեմ պատժամիջոցների այն փաթեթի ընդունմանը, որն առաջ էր մղում իր ռուսատյաց դիրքորոշմամբ հայտնի, օրերս մահացած սենատոր Լինդսի Գրեմը, պնդում է CNN հեռուստաալիքը՝ հղում անելով Սպիտակ տան պաշտոնյային։
Գրեմի գրասենյակը հուլիսի 12-ին հայտնել էր, որ սենատորը մահացել է 71 տարեկան հասակում՝ սիրտ-անոթային հիվանդության բարդությունների հետևանքով։ Սենատորը Ռուսաստանից նավթ և գազ ներկրողների դեմ ԱՄՆ-ի կողմից տուրքեր սահմանելու մասին օրինագծի հեղինակն էր և նույնիսկ մահվանից կարճ ժամանակ առաջ ասել էր, որ չի կարող մահանալ, քանի դեռ չի ընդունվել պատժամիջոցների նոր փաստաթուղթը։
«Թրամփը կաջակցի Ռուսաստանի դեմ երկկուսակցական պատժամիջոցների փաթեթի ընդունմանը, որի նախաձեռնողը հանգուցյալ սենատոր Լինդսի Գրեմն էր»,- հաղորդում է հեռուստաալիքը։
Իր մահվանից մի քանի օր առաջ Գրեմը վերադարձել էր Ուկրաինայից։ Ինչպես խոստովանել է ամերիկյան առաջնորդը, սենատորը ցանկանում էր Ուկրաինայի հակամարտության շարունակությունը։ Նա բազմիցս կոչ է արել խստացնել պատժամիջոցները Ռուսաստանի դեմ, կոշտ դիրքորոշում է որդեգրել Իրանի և Չինաստանի նկատմամբ և հետևողականորեն հանդես է եկել Իսրայելին առավելագույն աջակցություն ցուցաբերելու օգտին։ Սենատորը ռուսական նավթ գնողների համար 500-տոկոսանոց տուրքեր սահմանելու մասին օրինագծի հեղինակն ու գլխավոր կողմնակիցն էր։
