Քաղաքականություն

Իտալիայի Սարդինիա կղզու Նուլ քաղաքում Fiat ավտոմեքենան մխրճվել է մարդկանց բազմության մեջ: Ըստ La Nuova Sardegna-ի՝ տուժել է 31 մարդ, ներառյալ 11 ամսական մի երեխա:

Հյուսիսատլանտյան դաշինքն ուժեղացրել է իր ներկայությունը Թուրքիայում: Այս մասին թուրքական NTV հեռուստաալիքին տված հարցազրույցի ժամանակ հայտարարել է ՆԱՏՕ-ի գլխավոր քարտուղար Յենս Ստոլտենբերգը Թուրքիա այցի ընթացքում:

Բաքու քաղաքի գործադիր իշխանությունը թույլատրել է ընդդիմադիր Ազգային խորհրդի միտինգը: Այս մասին հայտնում է ադրբեջանական Report կայքը` հղում կատարելով «Ադրբեջանի ժողովրդական ճակատ» կուսակցության փոխնախագահ Գյոզալ Բայրամլիին:

Ֆրանսիայի ոստիկանությունը սեպտեմբերի 8-ին Փարիզի մոտ 3 կնոջ է ձերբակալել: Ինչպես հայտնել է Ֆրանսիայի ՆԳՆ ղեկավար Բեռնար Կազնևը, ենթադրաբար, կանայք ահաբեկչություն են նախապատրաստել:

Հենրի Սարդարյանը նշանակվել է ՌԴ ԱԳՆ-ի Միջազգային հարաբերությունների Մոսկվայի պետական ինստիտուտի ( ՄԳԻՄՕ) Կառավարման միջազգային ինստիտուտի տնօրենի պաշտոնում: Այս մասին հաղորդում է ինստիտուտի մամուլի ծառայությունը:

Ռուսական հեղինակավոր «Կոմերսանտ» պարբերականն անդրադարձել է Հայաստանի վարչապետ Հովիկ Աբրահամյանի հրաժարականին և Երևանի նախկին քաղաքապետ, ռուսական «Գազպրոմ» ընկերության նախկին թոփ մենեջեր Կարեն Կարապետյանի նշանակմանը վարչապետի պաշտոնում:

Տափակ մակաբույծ որդի նոր տեսակը, որն ապրում է կրիաների արյան մեջ, կոչվել է Baracktrema obamai՝ ի պատիվ ԱՄՆ-ի նախագահ Բարաք Օբամայի, տեղեկացնում է BBC-ն:

ՀՀ Նախագահ Սերժ Սարգսյանն ընդունել է ՀՀ կառավարության հրաժարականը: Այս մասին տեղեկացնում են ՀՀ նախագահի աշխատակազմից:

ԱՄՆ Հանրապետական կուսակցությունից նախագահի թեկնածու Դոնալդ Թրամփի համախոհների մի մասը քննադատել է վերջինիս Ռուսաստանի նախագահ Վլադիմիր Պուտինին գովաբանելու համար:

Մեկ օրում հրաժարական ներկայացրեցին Հայաստանի և Ղազախստանի վարչապետները: Երկու դեպքում էլ հանրապետությունների ղեկավարությունը որոշեց այդկերպ հաղթահարել սոցիալական և քաղաքական խորը ճգնաժամերը, գրում է ռուսական РБК պարբերականը:

Որպեսզի Ռուսաստանի կառավարությունը «տեղավորվի» հայտարարված սառեցված ծախսերի (15,787 տրլն ռուբլի կամ շուրջ 246,7մլրդ դոլար) շրջանակում, «դանակի տակ» կհայտնվեն անգամ «սրբազան կովը»` պաշտպանության ոլորտի վրա արվող ծախսերը:

Ֆրանսիական Ալպերի Մոնբլան լեռան վրա մի քանի տասնյակ զբոսաշրջիկներ հարկադրված գիշերն անցկացրել են փչացած ֆունիկուլյորի խցիկներում, տեղեկացնում է BBC-ն: Նախապես ճոպանուղում էր մնացել 110 մարդ, սակայն նրանց մեծ մասին տարահանել են ուղղաթիռներով: Փրկարարական գործողությունը գիշերը դադարեցվել է եւ վերսկսվել է սեպտեմբերի 9-ի առավտոյան:

Հյուսիսային Կորեայի իշխանությունները հայտարարել են, որ երկիրը հաջողությամբ իրականացրել է իր պատմության մեջ թվով հինգերրորդ` միջուկային զենքի փորձարկումը: Համապատասխան հայտարարությունը հեռարձակվել է Հյուսիսային Կորեայի պետական հեռուստատեսությամբ:

ԱՄՆ-ի Կոնգրեսի Ներկայացուցիչների պալատը սեպտեմբերի 8-ին ընդունել Է 660 բանաձեւը, որով կոչ է արվում «պաշտպանվելու հնարավորություններ» ընձեռել Վրաստանին: Այս մասին իր կայքում հայտնել է հանրապետականների խմբակցությունը:

Ռուսաստանի նախագահ Վլադիմիր Պուտինն ու Թուրքիայի նախագահ Ռեջեփ Էրդողանը քննարկել են Սիրիայի վիճակը, տեղեկացնում է Կրեմլի մամուլի ծառայությունը:

Qantas, Jetstar եւ Virgin Australia ավիաընկերությունների ներկայացուցիչները նշում են, որ սմարթֆոնների այս մոդելի արգելքը սահմանվում է անվտանգության նպատակով այն պայմաններում, երբ մարտկոցի պայթյունի վտանգի պատճառով կորեական արտադրողը հետ է կանչում Samsung Galaxy 7-ը, բայց ավիափոխադրողները որեւիցե հրահանգ չեն ստացել ավիացիոն կարգավորիչներից:

Անկարան ու Վաշինգտոնը քննարկում են Սիրիայի Ռաքքա քաղաքը «Դաեշ» ծայրահեղական խմբավորումից գրավելու նպատակով ռազմական համատեղ գործողություններ սկսելու հարցը։ Թուրքիայի նախագահն ասել է, թե իր երկրի ռազմական ուժերը պատրաստ են մասնակցել այդ գործողությանը։

«Շատ կարևոր է, որ հայ հասարակությունն ակտիվ դերակատարություն ստանձնի Հայաստանում։ Սա ասում եմ՝ կրկին մեր փորձից ելնելով և հաշվի առնելով այն, որ Ուկրաինան և Հայաստանը օլիգարխիկ երկրներ են»։

ՀՀԿ ԳՄ նիստից հետո ՀՀԿ-ական պատգամավոր Սեյրան Սարոյանն ասաց, որ ինքը գոհ է վարչապետի պաշտոնում Կարեն Կարապետյանի թեկնածության առաջադրումից:

Ամերիկացի ռեժիսոր Օլիվեր Սթոունն ավարտել է Ռուսաստանի նախագահ Վլադիմիր Պուտինի մասին վավերագրական ֆիլմի նկարահանումները. ֆիլմը մոնտաժման փուլում է, դրա թողարկման ժամկետը դեռեւս հայտնի չէ: Այդ մասին ՌԻԱ Նովոստիին տված հարցազրույցում պատմել է պրոդյուսեր Իգոր Լոպատենոկը:

Ռուս հայտնի հաղորդավար, հրապարակախոս և հասարակական գործիչ Վլադիմիր Սոլովյովը Մոսկվայում Հայ-ռուսական անկախ տեղեկատվական կենտրոնի հետ զրույցում հայտարարել է, որ Կարեն Կարապետյանին անձամբ ճանաչելով՝ մեծ համակրանքով է նրան վերաբերվում:

«Այսպես կոչված՝ «ռուսական ծրագիրը» հատուկ, նպատակաուղղված տեղեկատվական լցոնում էր հայկական հասարակության համար, որպեսզի սրի տրամադրությունները Ռուսաստանի նկատմամբ»։

Ասեմ, որ կարող եք էական փոփոխություններ սպասել առաջիկայում: Խոսքս առաջին հերթին իրականացվող քաղաքականությանն է վերաբերում, դրա առաջնահերթություններին, ձեռագրին, նպատա­կադրումներին` նաև նորացված Սահմանադրության պահանջներին համապա­տաս­խանեց­ման առումով:

Թուրքիայի ներխուժումը Սիրիա բոլոր արտաքին դերակատարների հետ նախապես համաձայնեցված սցենար էր։ Ասեմ ավելին՝ այս ներխուժմանը դեմ չեն նաև սիրիական իշխանությունները։ Թեև նրանք հանդես եկան պաշտոնական հայտարարությամբ ու քննադատեցին Թուրքիային, բայց Սիրիայի ներսում տեղի ունեցող գործընթացները, և հատկապես՝ քրդական գործոնի ակտիվացումը, քրդական ինքնավարության ընթացքը ձեռնտու չէր ո՛չ սիրիական իշխանություններին, ո՛չ Իրանին, ո՛չ Թուրքիային, ինչո՞ւ ոչ՝ նաև արտաքին դերակատարներին։

«Բնական է՝ որքան շատ լինեն հայազգի պատգամավորներ, դա միայն օգուտ է համայնքին, բայց ավելի կարևոր է, որ թեկուզ մեկ պատգամավոր ներկայացված լինի, սակայն ավելի ակտիվ լինի ու ավելի հաճախ անդրադառնա հայապահպանությանը, պառլամենտում բարձրացնի հայերին առնչվող խնդիրները, քան լինի 5-10 պատգամավոր, բայց իրենց ձայնը չբարձրացնեն տարբեր խնդիրների առնչությամբ։ Եղել են ազգությամբ վրացի պատգամավորներ, որոնք հայանպաստ դիրքորոշումներ են արտահայտել պառլամենտում։ Եղել են նաև հայազգի պատգամավորներ, որոնք ընդհանրապես ոչ մի խնդիր չեն բարձրացրել»։

«Ես կարող եմ ասել, որ կառավարման համակարգում լինելու են լուրջ փոփոխություններ, սակայն անուններ մենք չենք քննարկել: Կառավարության նոր կաբինետը ձևավորվելու է կոալիցիոն համաձայնագրի համատեքստում: Վստահ եմ, որ ձևավորվելու է մի թիմ, որն ունակ է լինելու համապատասխան ձևով արձագանքել առկա և առաջանալիք մարտահրավերներին»,- ասաց նա:

«Եթե մարդը ինքնուրույն հրաժարվել ա, ինչպե՞ս կգնահատեմ»,- ՀՀԿ ԳՄ նիստից առաջ, անդրադառնալով վարչապետ Հովիկ Աբրահամյանի հրաժարականին, այս մասին ասաց Սյունիքի մարզպետ Սուրիկ Խաչատրյանը։

Ռուսաստանի միջազգային պահուստները 2016թ. սեպտեմբերի 2-ի դրությամբ կազմել են 394.3 մլրդ դոլար` օգոստոսի 26-ի 396.9 մլրդ դոլարի դիմաց, հայտնում է Ռուսաստանի բանկը:

ՀՀԿ գործադիր մարմնի նիստում որոշում է կայացվել ՀՀ վարչապետի պաշտոնում առաջադրել Կարեն Կարապետյանի թեկնածությունը: Այդ մասին նիստից հետո լրագրողների հետ զրույցում նշեց ՀՀԿ խմբակցության պատգամավոր Արտակ Զաքարյանը:

Նա նշեց, որ կառավարման համակարգը պարտավոր է արձագանքել հանրության վերաբերմունքին դրա նկատմամբ. հասարակությունը նաև նոր մոտեցումների, նոր լուծումների անհրաժեշտություն ունի: Նրա խոսքով` կառավարությունն ուներ գործունեության ծրագիր, և այն, ըստ էուիփթյան , պետք է վերանայվի, թարմացվի, համապատասխանեցվի ժամանակակից արտաքին և ներքին քաղաքական, նաև հանրային պահանջներին: