Պուտինն ու Էրդողանը քննարկել են Սիրիայի հարցը
Ռուսաստանի նախագահ Վլադիմիր Պուտինն ու Թուրքիայի նախագահ Ռեջեփ Էրդողանը քննարկել են Սիրիայի վիճակը, տեղեկացնում է Կրեմլի մամուլի ծառայությունը:
«Առանձնահատուկ ուշադրություն է դարձվել Սիրիայի վիճակին: Պայմանավորվել են շարունակել ակտիվ շփումները տարբեր գծերով` նպատակ ունենալով կոորդինացնել սիրիական կարգավորմանը նպաստող ջանքերը»,- ասված է մամուլի հաղորդագրության մեջ:
Պուտինն ու Էրդողանը քննարկել են նաև երկկողմ համագործակցության հետագա զարգացման հարցերը: