«Մենք մեր շահերը լավ գիտենք, Ռուսաստանն էլ իր շահերը լավ գիտի, և մենք պետք է միշտ հստակ գիտակցենք՝ որտեղ է այն եզրը, որտեղ դրանք հատվում են: Այն մարդիկ, որոնք ավելի մեծ սպասելիքներ ունեին Ռուսաստանից, ու դրանք չարդարացան, նրանք չպետք է մտնեն մեկ այլ ծայրահեղության մեջ ու Ռուսաստանին մեզ թշնամի դարձնեն»:
2 մարդ է մահացել Թեհրանի գործարանում գազի պայթյունի հետևանքով, հայտնում է Trend-ը:
Ադրբեջանում ԱՄՆ դեսպան Ռոբերտ Սեկուտան այսօր Ադրբեջանի Տերտերի (Թարթառ) շրջան այցի ժամանակ անդրադարձել է նաև Լեռնային Ղարաբաղի հակամարտությանը:
Եվրամիությունում նոր ավտոմեքենաների վաճառքները 2016 թվականի մայիսին աճել են 16 տոկոսով. աճը շարունակվում է արդեն 33 ամիս անընդմեջ: Հունվար-մայիս ամիսների ընթացքում գրանցված նոր ավտոմեքենաների թիվը 2015 թվականի նույն ժամանակաշրջանի համեմատությամբ ավելացել է 9,9 տոկոսով:
«Մոտ 15-16 մլն եվրոյի մասին է խոսքը: Մեր ունեցած տեղեկություններով՝ այսօր դեռ գտնված չէ 5-6 մլն եվրոյի ֆինանսավորումն այս ծրագրի համար, ու այստեղ է, որ ծագում է առաջին հարցը՝ կապված իշխանության անկեղծության հետ: Այդ տեքստում գրված է, որ համաձայնությունն ուժի մեջ է մտնում այն պահից, երբ երաշխավորված է ֆինանսավորումը: Այս պահին մեր ֆինանսավորումը երաշխավորված չէ, ինչը նշանակում է, որ համաձայնությունը թեև ստորագրված է, բայց այն ուժի մեջ դեռ չի մտել: Անկեղծության առաջին թեստը լինելու են իշխանությունների ակտիվ գործողությունները: Եթե միջազգային հանրությունը գտնի, որ ՀՀ իշխանություններն անկեղծ չեն, միանշանակ է, որ ֆինանսավորում չի լինի»:
ՀՀԿ խմբակցության պատգամավոր Մարգարիտ Եսայանը կարծիք հայտնեց, որ լավ կլիներ՝ մենք գրեթե բոլոր երկրների հետ ազատ վիզային հարաբերություններ ունենայինք. «Բայց այս հարցը որևէ գին ունի՞, այս հարցի գինը որքա՞ն է՝ և՛ նրանց, և՛ մեր կողմից ի՞նչ վնասներ ենք կրում»:
«Ես չեմ ընտրել «Համախմբումը», դուք մի ուժ ստեղծեցիք, ես ձեզ չմիացա՞: Չկա այդ ուժը: Մյուս նորաստեղծ կուսակցություններին չմիացա, որովհետև ամեն մարդ մի ձև է գտնում իր ճանապարհը, ես սա գտել եմ ավելի հարթ ու անվտանգ, պատեհ, քան մյուս կուսակցություններին համախմբվելը: Դրա համար ես միացա «Համախմբում» կուսակցությանը: Այնպիսի վիճակ է, որ քաղաքական դաշտում չկա լիակատար նախընտրելու տեղ»,- այսօր «Համախմբում» կուսակցության հիմնադիր համագումարի ժամանակ լրագրողների հետ զրույցում հայտարարեց «Արաբո» ջոկատի հրամանատար Մանվել Եղիազարյանը:
«Առաջին անգամը չէ, որ Ռուսաստանը, Միացյալ Նահանգները կամ Ֆրանսիան իրենց նախաձեռնությամբ եռակողմ հանդիպում են կազմակերպում. նման հանդիպումներ եղել են ու կլինեն»,- այսօր Ազգային ժողովում լրագրողների հետ զրույցում՝ խոսելով հունիսի 20-ին կայանալիք Ալիև-Սարգսյան հանդիպման մասին՝ նման տեսակետ հայտնեց ԱԺ փոխնախագահ Էդուարդ Շարմազանովը:
Այսօր Ադրբեջանում ԱՄՆ դեսպան Ռոբերտ Սեկուտան այցելել է Ադրբեջանի Տերտերի (Թարթառ) շրջան, հայտնում է APA գործակալությունը:
Ձեռք բերված համաձայնությունը, ցավոք, չի ապահովում վերոնշյալ շղթայի ամբողջականությունը եւ, փաստորեն, իրենից ինչ-որ «կիսահնարավորություն» է ներկայացնում: Ընտրությունները կամ ապահովում են գործընթացի ազատությունը, արդարությունը եւ թափանցիկությունը, կամ՝ ոչ, այստեղ «կիսա» չի կարող լինել:
ԵԱՀԿ Մինսկի խմբի ֆրանսիացի համանախագահ Պիեռ Անդրիեն մասնակցելու է Հայաստանի, Ադրբեջանի և Ռուսաստանի նախագահների եռակողմ հանդիպմանը: Այդ մասին ադրբեջանական APA գործակալության հետ զրույցում հայտնել է Պիեռ Անդրիեն:
«Մենք ունենք այդ տվյալները: Իրանից ավելի շատ են Հայաստանի գալիս: Եղել են լավ ժամանակներ: Մինչև Իրանի նկատմամբ պատժամիջոցների սրվելը Իրանից Հայաստան է ժամանել 120 հազար մարդ: Հետո այդ թիվը նվազեց՝ պայմանավորված առաջին հերթին այն հանգամանքով, որ ձեռքներին գումար չկար: Հիմա՝ պատժամիջոցները հանելուց հետո, այդ թիվը կարող է ավելանալ: Բացի այդ, երկու կողմերն էլ ակնկալում են, որ այս հու շագրի վավերացումից հետո կակտիվանան փոխադարձ զբոսաշրջային այցերը»:
«Ես պատգամավորի հետ ի՞նչ տարաձայնություն պետք է ունենամ: Որոշ պատգամավորների վրա դրված է ֆունկցիա՝ փորձել տրամաբանական ասված բանը միջամտել: Ազգային ժողովում պետք է կարգ լինի, ես հետևում եմ այդ կարգին և խոսում քննարկվող թեմայից: Երբեք չի կարելի խոսել կամ որակավորել, թե մյուս պատգամավորը լա՞վ ասեց, թե՞ վատ. բոլորը հավասար են: Ափսոսում եմ, որ նման բան է եղել, բայց չեմ փոշմանում: Ուրիշ ճար չունենք: Այդտեղ կան մարդիկ, որոնք, իմ կարծիքով՝ առաջադրանք են ստանում՝ նման բան անել»:
Արտաքին ուժերը, որոնք պնդում են, որ Թուրքիայում քաղաքացիական պատերազմ է ընթանում, խորապես սխալվում են: Ոչ մի քաղաքացիական պատերազմ Թուրքիայում չկա, հայտարարել է Թուրքիայի նախագահ Ռեջեփ Թայիփ Էրդողանը:
ՀՀ ՊՆ խոսնակ Արծրուն Հովհաննիսյանը ֆեյսբուքյան իր էջում գրում է. «Զենքի արտահանման մասին տեղեկությունները համապատասխանում են իրականությանը: ՀՀ-ը օրինական կարգով Կոնգոյի դեմոկրատական հանրապետություն է արտահանել ՀՀ ԶՈւ-երում կիրառությունից դուրս եկած զենք և զինամթերք»:
Եթե Մեծ Բրիտանիան որոշում ընդունի դուրս գալ Եվրամիությունից, ապա նվազ գրավիչ կդառնա ներդրումների եւ բիզնեսի վարման համար: Այս մասին հայտարարել է Microsoft Corp. ամերիկյան կորպորացիայի հիմնադիր Բիլ Գեյթսը:
Նշելով, որ որպես անձ՝ թերություններ ունի, Օսկանյանը վստահեցրեց, թե անձնվեր պետական աշխատող է և հայրենասեր. «Ի տարբերություն այլոց` ես գումարներ չեմ աշխատել հայրենիքում, հակառակը, իմ կապերը ներդրել եմ գումարներ բերելու»: Նա նշեց, որ հրաժարվել է ԱՄՆ քաղաքացիությունից: «Ես լավ հայաստանցի եմ, ես լավ ղարաբաղցի եմ, լավ հալեպցի եմ»,- ոգևորված հայտարարեց Օսկանյանն ու արժանացավ բուռն ծափահարությունների:
Թուրքիայի նախագահ Ռեջեփ Թայիփ Էրդողանի պաշտոնական կենսագրության մեջ կան անհամապատասխանություններ, որոնք մատնանշում են, որ թուրք առաջնորդը, հնարավոր է, չունի բարձրագույն կրթություն, գրում է գերմանական Frankfurter Allgemeine Zeitung (FAZ) թերթը:
«Հավատացնում եմ, հարկադրված կլինեք գոնե ժամանակավոր ձեր պռոպիսկան անգամ փոխեք»,- սպառնաց նա:
Haqqin.az պորտալը, հղում կատարելով Ադրբեջանի պաշտպանության նախարարության մամուլի ծառայությանը, տեղեկացնում է, որ համաձայն Ադրբեջանի զինված ուժերի նախապատրաստության պլանի, Ադրբեջանի բանակը հունիսի 19-24-ը օպերատիվ-տակտիկական զորավարժություններ կանցկացնի:
Հ. Մխիթարյանի խոսքով՝ համաձայնագիրն անցել է անհրաժեշտ ներպետական համաձայնեցման գործընթացը: Ըստ նրա՝ Համաձայնագրի վավերացումն անմիջականորեն շոշափում է Հայաստանի արտակարգ իրավիճակների նախարարության գործառույթներն ու խնդիրները: Համաձայնագրով Հայաստանի, Ռուսաստանի և երրորդ երկրների տարածքում արտակարգ մարդասիրական արձագանքման խնդիրների իրականացմանն աջակցելու համար Հայաստանի տարածքում հիմնադրվելու է հայ-ռուսական մարդասիրական արձագանքման կենտրոն:
«Խնդրում եմ աղոթել ինձ համար, ես մի քանի օրից ուխտագնացության կլինեմ արևելյան երկրում` Հայաստանում, որի ժողովուրդն առաջինը ստացավ Հիսուսի Ավետարանը». Հռոմի Ֆրանցիսկոս պապի հենց այս խոսքերով է սկսվում Հայաստան կատարելիք նրա այցի մասին իրազեկող նոր տեսահոլովակը:
Նախագահ Սերժ Սարգսյանին այսօր իր հավատարմագրերն է հանձնել Հայաստանի Հանրապետությունում Հնդկաստանի Հանրապետության նորանշանակ արտակարգ և լիազոր դեսպան Յոգեշվար Սանգվանը:
ԱԺ նախագահ Գալուստ Սահակյանի կարծիքով՝ պետք չէ «Համախմբում» կուսակցության ստեղծումը կապել Ռոբերտ Քոչարյանի անվան հետ: Խոսելով կուսակցության ստեղծման մասին՝ նա ասաց, որ սխալ է ամեն ինչ կապել ինչ-որ մարդկանց անունների հետ:
Եվրամիության երկրների արտգործնախարարների խորհուրդը հունիսի 20-ին կքննարկի Վրաստանի հետ վիզային ռեժիմի ազատականացման հարցը:
ԱՄՆ Պետդեպարտաﬔնտի աշխատակիցները նամակ են ուղարկել ԱՄՆ նախագահ Բարաք Օբամային, որտեղ նրան խորհուրդ են տվել ռազմական գործողություն սկսել Սիրիայի կառավարական ուժերի դեմ և պետական հեղաշրջում իրականացնել մերձավոր արևելյան այդ երկրում:
«Ամեն դեպքում ուրիշ երկրում իշխանության բռնի տապալման կոչերը հազիվ թե ընդունելի լինեն Մոսկվայում: Բացի այդ, այս կամ այն ռեժիմի վերացումը դժվար թե այն է, ինչը կնպաստի ահաբեկչության դեմ պայքարի հաջող ծավալմանը: Դա կարող է տարածաշրանը ներքաշել լիակատար քաոսի մեջ»,- հայտարարել է Կրեմլի ներկայացուցիչը:
«Համախմբում» կուսակցության հիմնադիր համագումարում այսօր կուսակցության նախագահ ընտրվեց ՀՀ նախկին արտգործնախարար, ԱԺ պատգամավոր Վարդան Օսկանյանը: Նախաձեռնող խմբի անդամ Էլինար Վարդանյանը հարկ չհամարեց նույնիսկ հարցնել` կա՞ն արդյոք այլ թեկածուներ: Հարցը միանգամից դրվեց քվեարկության, և ներկաները միաձայն կողմ քվեարկեցին:
«Նախատեսվում է ներդրումների փոխադրաձ խրախուսման, փոխադարձ պաշտպանության իրավական համակարգ ձևավորել: Իրավական կարգավորումներն իրականացվելու են փոխադարձ ներդրումներ իրականացնելու տեսանկյունից»,- նշեց Մելքոնյանը:
«Իշխանությունը որևէ գումար Եվրամիությունից չի ստանալու. այն կազմակերպությունը, որը պետք է ֆինանսավորի, ինքը բերելու է այդ սարքավորումները»,- այսօր Ազգային ժողովում լրագրողների հետ զրույցում ասաց ԱԺ նախագահ Գալուստ Սահակյանը՝ պատասխանելով հարցին՝ արդյո՞ք ԵՄ-ից գումար ստանալն էր պատճառը, որ իշխանությունները զիջեցին ընդդիմությանը:
